Category: အင်တာဗျူး


ဧရာဝတီ Saturday, June 05, 2010

ကဗျာဆရာ စောဝေသည် ဖြူးမိတ်ဆွေများ စာကြည့်အသင်းကို ဦးဆောင်ခဲ့သူ တဦး ဖြစ်ပြီး အသင်း၏ စာပေဆုပေးပွဲများ နှစ်စဉ် ကျင်းပရေးအတွက် စီစဉ်ခဲ့သူ တဦး ဖြစ်သည်။ HIV/AIDS ကူးစက်ခံရသည့် မိဘမဲ့ ကလေးများ ရန်ပုံငွေအတွက် ကဗျာ ရွတ်ဆိုပွဲများကိုလည်း ရန်ကုန်၊ မန္တလေးမြို့များတွင် တားဆီးပိတ်ပင်မှုများ ကြားမှ စီစဉ်ခဲ့သူ တဦးလည်း ဖြစ်သည်။

၂၀၀၉ ခုနှစ်တွင် အမေရိကန် အခြေစိုက် လူ့အခွင့်အရေး အဖွဲ့ကြီး ဖြစ်သည့် Human Rights Watch က ကဗျာဆရာ စောဝေ ကို Hellman/ Mammett ဆု ချီးမြှင့်ခဲ့သည်။

ကဗျာဆရာစောဝေသည် “အာနာ ရူးကြီး မှူးကြီး သန်းရွှေ” ဟူသည့် စကားလုံး များ ပါသော ကဗျာကို ၂၀၀၈ ခုနှစ် ဇန်န၀ါရီလ ၂၁ ရက်နေ့ထုတ် အချစ်ဂျာနယ်၌ ရေးသားခဲ့ သောကြောင့် ထောင်ဒဏ် ၂ နှစ် ကျခံခဲ့ရပြီး ထောင်တွင်း၌ စုစုပေါင်း ၂၈ လခန့် နေခဲ့ရသည်။ မေလ ၂၆ ရက်နေ့က ပြန်လည်လွတ်မြောက်လာသော ကဗျာ ဆရာ စောဝေ၏ ဆက်လက်လုပ်ဆောင်မည့် အနုပညာနှင့် လူမှုရေးလုပ်ငန်းများ အကြောင်းကို ဧရာဝတီ သတင်းထောက် အေးချမ်းမြေ့က မေးမြန်း ထားပါသည်။ Continue reading

နအဖစစ်အစိုးရ ခေါင်းဆောင် ဗိုလ်ချုပ်မှူးကြီးသန်းရွှေက ယခုနှစ်တွင် ရွေးကောက်ပွဲ ပြုလုပ်မည်ဟု လွတ်လပ်ရေးနေ့ သ၀ဏ်လွှာတွင် အတည်ပြုပြောကြားခဲ့သည်။ ထို့ကြောင့် ၁၉၉၀ ပြည့်နှစ် ရွေးကောက်ပွဲ အနိုင်ရ အန်အယ်လ်ဒီပါတီအနေဖြင့် ယခုနှစ် ကျင်းပမည့် ရွေးကောက်ပွဲနှင့် ပတ်သက်၍ မည်ကဲ့သို့ စဉ်းစားဆုံးဖြတ်မည်ဆိုသည်ကို အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ဗဟိုအလုပ်အမှုဆောင်အဖွဲ့ဝင်တဦး ဖြစ်သူ ဦးဝင်းတင်နှင့် ခေတ်ပြိုင် ဆက်သွယ်မေးမြန်းချက်။

မေး။ ။ အန်အယ်လ်ဒီအနေနဲ့ ရွှေဂုံတိုင်ကြေညာစာတမ်းပါ အဓိကတောင်းဆိုချက်တွေ မရရင် ရွေးကောက်ပွဲနဲ့ပတ်သက်ပြီး ဘယ်လိုစဉ်းစားမယ်ဆိုတာ သိပါရစေ။
ဖြေ။ ။ ဒါကတော့ ဖြစ်မလာခင်အခြေအနေပေါ်မှာ ကျနော်တို့ ဘယ်လို လုပ်မယ်ကိုင်မယ်ဆိုတာ ပြောရဆိုရ နည်းနည်းတော့ ခက်ပါတယ်။ ကျနော်တို့က အဖွဲ့အစည်းဖြစ်တော့ အဖွဲ့အစည်းထဲမှာရှိတဲ့ ခေါင်းဆောင်ပိုင်းပုဂ္ဂိုလ်များ ညှိရုံနဲ့တင်မကဘူး အောက်ခြေပိုင်း အနေအထားတွေပါ ရှိလာတယ်။ ဘာလို့လဲဆိုတော့ ဒါက အသစ်ဖြစ်မယ့်သဘောကိုး။ သာမန်အားဖြင့်ဆိုရင် ကျနော်တို့ ရပ်တည်နေတဲ့ အနေအထားက တရားဝင်နိုင်ငံရေးအဖွဲ့အစည်းတရပ်အနေနဲ့၊ တရားဝင် တောင်းဆိုချက်တွေနဲ့ ရပ်တည်နေတာကိုး။ အဲဒါတွေ မဖြစ်တော့ဘူးဆိုရင် အခြေအနေသစ်တခု ဖြစ်သွားမယ်၊ အဲဒီအခြေအနေသစ်ကို ကျနော်တို့ ကျော်ဖြတ်ရမယ့် အနေအထားသစ်တွေကလည်း ပေါ်လာတော့မယ်ပေါ့။ အခုဟာက အခြေအနေသစ်ကလည်း မပေါ်သေးတဲ့ အခါကျတော့ ကျနော်တို့ကျော်ဖြတ်ရမယ့် ပုံသဏ္ဌာန်ဆိုတာ သာမန်အားဖြင့်တော့ ပြောရခက်ပါတယ်။ ဒါမျိုးဆိုတာ ညှိနှိုင်းပြီးမှ ပေါ်ထွက်လာမယ့် ကိစ္စဖြစ်တာကိုး။
မေး။ ။ ဆရာပြောတဲ့ ပေါ်ပေါက်လာမယ့်အခြေအနေသစ်ဆိုတာ ဘာကိုဆိုလိုတာပါလဲ။
ဖြေ။ ။ ပေါ်ပေါက်လာမယ့်အခြေအနေကို ကျနော်တို့ မှန်းကြည့်တဲ့အခါကြတော့ သာမန်အားဖြင့် အခု ကမ္ဘာကလည်း ပြောနေတယ်၊ အမေရိကန်အစိုးရတို့၊ ဂျပန်အစိုးရတို့၊ ကုလသမဂ္ဂတို့၊ အီးယူတို့ဆိုတာတွေက ပြောနေတဲ့အနေအထားက ဘာလဲဆိုတော့ ကျနော်တို့ရွေးကောက်ပွဲဟာ အန်အယ်လ်ဒီတို့ တိုင်းရင်းသားအဖွဲ့အစည်းတို့ဆိုတဲ့ ဗမာပြည်နိုင်ငံရေးမှာ အထင်ကရဖြစ်တဲ့ သို့မဟုတ်လည်း အင်အားကြီးမားတဲ့ ပါတီအဖွဲ့အစည်းတွေ မပါဘဲနဲ့ ရွေးကောက်ပွဲကို ကျင်းပပေးမယ်ဆိုရင် အားလုံးပါဝင်ပတ်သက်မှုအခြေအနေ (all inclusive) ဟာ ဘယ်လိုမှ ဖြစ်ထွန်းလာမယ့် အနေအထားမရှိဘူး။ ဘယ်လိုမှလည်း ပေါ်ပေါက်လာနိုင်မယ့် အနေအထားမရှိဘူးဆိုရင် ဒီရွေးကောက်ပွဲဟာ ကျနော်တို့ရဲ့ဆန္ဒသဘောထား၊ တကမ္ဘာလုံးရဲ့ ဆန္ဒသဘောထား၊ ဒါတင်မက စစ်အစိုးရကိုယ်တိုင်က လက်ခံပါတယ်ဆိုတဲ့ သဘောထားနဲ့လည်း အကုန်လုံးဆန့်ကျင် သွားတော့မယ်။ ပျက်ပြားသွားတော့မယ်။ နောက်တခုက ဘာလဲဆိုတော့ ဒီရွေးကောက်ပွဲ ကျင်းပတဲ့အခါမှာလည်း အခုလုပ်နေတဲ့ပုံသဏ္ဌာန်အရ ပါတီမှတ်ပုံတင်ဥပဒေတို့၊ ရွေးကောက်ပွဲဥပဒေတို့ဆိုတာ ဘာမှကို ထွက်လာခြင်းမရှိတာ အပါအ၀င် နောက်ပိုင်း ရွေးကောက်ပွဲကျင်းပတဲ့အခါမှာလည်း ပြည်သူများ ပါဝင်ပတ်သက်မှု၊ မဲပေးမှု၊ မဲလိမ်မဲခိုးမှုတွေ စတဲ့ကိစ္စတွေ ပေါ်လာလို့ရှိရင် ကမ္ဘာက တောင်းဆိုနေတဲ့ မြင်သာထင်သာရှိခြင်း၊ အများယုံကြည် စိတ်ချရခြင်း ဆိုတဲ့ အနေအထားမျိုးကလည်း ဘယ်လိုမှ ပေါ်လာမှာမဟုတ်ဘူး။ အဲဒါကြောင့် ဒီအနေအထားနှစ်ခု မရှိဘူးဆိုရင် ဒီရွေးကောက်ပွဲကို ကမ္ဘာကလည်း ဆန့်ကျင်ရှုတ်ချ ပြစ်တင်လာမယ်၊ ကမ္ဘာက အသိအမှတ်မပြုခြင်းအပါအ၀င် အများကြီးတုံ့ပြန်မှုတွေ ပေါ်လာမယ်။
အဲလိုအခြေအနေမျိုးမှာ အားလုံးပါဝင်မှုကို ပစ်ပယ်ထားတဲ့အတွက် ကျနော်တို့ကလည်း ဘေးရောက်နေမယ်။ နောက်တခါ ယုံကြည်စိတ်ချရမှု အနေအထားကလည်း လုံးဝမရှိဘူးဆိုတဲ့အခါကျတော့ ကျနော်တို့အနေနဲ့ကလည်း ရွေးကောက်ပွဲမှာ အနည်းဆုံး ကိုယ်တိုင်မပါဝင်တောင်မှ ဒီမိုကရေစီအင်အားစုတွေကို ပါဝင်နိုင်အောင်၊ ပါဝင်နေတဲ့ ဒီမိုကရေစီအင်အားစုလို့ ယူဆရတဲ့ အဖွဲ့အစည်းတွေကိုတောင်မှ ကျနော်တို့ ၀ိုင်းဝန်းပံ့ပိုးနိုင်တဲ့အနေအထားမျိုး မရှိဘူးဆိုရင် အန်အယ်လ်ဒီရဲ့ အနေအထားက လုံးဝကို ပါတီတခုလုံး ထောင်သွင်းအကျဉ်းခံရတဲ့ အနေအထားမျိုးကို ရောက်သွားမယ့် အခြေအနေမျိုးကို ဆိုက်ရောက်သွားမယ်လို့ ကျနော်တို့ ပြောလို့ရတယ်ပေါ့ဗျာ။
အဲလိုအခါမျိုးဆိုရင်တော့ အန်အယ်လ်ဒီဟာ တနည်းတဖုံအားဖြင့်တော့ လှုပ်ရှားမှုတွေ၊ စီမံဆောင်ရွက်မှုတွေ၊ ရုန်းကန်မှုတွေ၊ သဘောထားဖော်ထုတ်မှုတွေဟာ ဒီနေ့လိုကာလမျိုးနဲ့တော့ အများကြီးကွဲလွဲသွားမယ်လို့တော့ ကျနော်တို့ ပြောလို့ရပါတယ်။ ကျနော်တို့ရဲ့အနေအထားတွေဟာ ပိုပြီးတော့ တင်းမာတဲ့ အနေအထားမျိုး သို့မဟုတ်လည်း ပိုပြီးတော့ ပြတ်သားတဲ့ အနေအထားမျိုးကို ရောက်လာမယ်လို့ အဲလောက်တော့ ပြောလို့ရမယ်။ ဘာပဲပြောပြော အန်အယ်လ်ဒီဟာ တရားဝင်ပါတီတော့ ဖြစ်နေမယ်လို့ မှန်းဆတယ်။ တရားဝင်ပါတီတခုဟာ ပါတီတခုလုံးကို ထောင်ကျတဲ့ အနေအထားမျိုး ရောက်လာမယ်ဆိုရင် ကျနော်တို့ရဲ့တုံ့ပြန်မှုတွေဟာ ပိုပြီးတော့ ပြင်းထန်တင်းမာလာမယ်လို့ ကျနော်တို့ အဲလိုယူဆပါတယ်။
မေး။ ။ ဒါဆို အခုပြုလုပ်မယ့် ရွေးကောက်ပွဲဟာ နိုင်ငံရေးပြဿနာတွေကို ပြေလည်စေမယ့် ရွေးကောက်ပွဲမဟုတ်ဘူးလို့ ဆရာ ဆိုလိုချင်တာပါလား။
ဖြေ။ ။ ဟုတ်ပါတယ်။ မယူဆတဲ့အကြောင်းကလည်း ခုဏပြောသလိုပေါ့။ အဓိကအချက်ကတော့ ဒီရွေးကောက်ပွဲဟာ ၂၀၀၈ အခြေခံဥပဒေအရ ကျင်းပမယ့်ရွေးကောက်ပွဲ။ တခါ အဲဒီရွေးကောက်ပွဲက ပေါ်ပေါက်လာမယ့် ရလဒ်တွေဖြစ်တဲ့ လွှတ်တော်တို့၊ အစိုးရအဖွဲ့တို့ဆိုတာလည်း ၂၀၀၈ အခြေခံဥပဒေကို အကောင်အထည်ဖော်မယ့် ယန္တရားတွေဖြစ်တယ်လို့ ကျနော်တို့က သတ်မှတ်တယ်။
ဒီအခြေခံဥပဒေဟာ လက်ရှိရှိနေတဲ့ စစ်အစိုးရရဲ့ အာဏာရှင်ပုံစံနဲ့ အုပ်စိုးခြင်းပေါ့ဗျာ။ ပြည်သူကို ဖိနှိပ်ခြင်းတို့ ချုပ်ချယ်ခြင်းတို့ နိုင်ထက်စီးနင်းပြုခြင်းတို့၊ နောက် တိုင်းပြည်မှာ ဆင်းရဲမွဲတေ ငတ်ပြတ်မှုတွေကို လျစ်လျူရှုပြီးတော့ သူတို့ရဲ့စစ်အာဏာ တည်မြဲရေးကိုသာ လုပ်နေတဲ့လုပ်ငန်းများကိုသာ သက်ဆိုးရှည်စေမယ့် အခြေခံဥပဒေဖြစ်တယ်။ ဒီအခြေခံဥပဒေကိုတော့ ကျနော်တို့က လက်မခံနိုင်ဘူး။ ဒါကြောင့် ဒီအခြေခံဥပဒေနဲ့ကျင်းပမယ့် ရွေးကောက်ပွဲကိုလည်း ဒီအခြေခံဥပဒေကိုသာ မပြင်ဘူး ဆိုရင်တော့ လက်မခံနိုင်ဘူးလို့ ပြောနေခြင်းဖြစ်ပါတယ်။
မေး။ ။ ဒီ ၂၀၀၈ ခုနှစ် ဖွဲစည်းပုံအခြေခံဥပဒေကို ပြင်နိုင်မယ့် အလားအလာရော ဆရာမြင်ပါသလား။
ဖြေ။ ။ ဒီလိုရှိပါတယ်။ ပြင်တယ်ဆိုတာမျိုးက နှစ်မျိုးရှိတယ်။ စစ်အစိုးရကနေပြီးတော့ ဒါဟာ အများပြည်သူကလည်း လက်မခံဘူး၊ အတိုက်အခံ နိုင်ငံရေးအင်အားစုတွေကလည်း လက်မခံဘူး၊ ကမ္ဘာကလည်း လက်မခံတဲ့သဘောတွေ ပြလာပြီဆိုရင် သူတို့က လိုအပ်တဲ့အနေအထားမျိုးကို ပြင်မယ်ဆိုလို့ရှိရင် သူတို့ပြင်နိုင်တာပေါ့။ သူတို့က စစ်အာဏာပိုင် အဖွဲ့အစည်းပဲ၊ နောက်ပြည်သူများက ဆန္ဒပေးထားတယ်ဆိုတာကလည်း ရှင်းရှင်းပြောရရင် သူတို့ရဲ့ဖန်တီးလုပ်ဆောင်ချက်တွေ ဖြစ်တဲ့အခါကျတော့ သူတို့ပြင်မယ်ဆိုလည်း ပြင်လို့ရတာပေါ့။ သို့သော် အကောင်းဆုံးပုံသဏ္ဌာန်ကတော့ အဲဒီအခြေခံဥပဒေကို လိုအပ်သလို ပိုပြီးတော့ ကောင်းမွန်အောင် အများပြည်သူဆန္ဒနဲ့လည်း ကိုက်ညီအောင်၊ သို့မဟုတ်လည်း အခြေအနေနဲ့ ကိုက်ညီအောင်ပေါ့ဗျာ။ သူတို့အဆိုအရတော့ အများပြည်သူက (၉၂) ရာခိုင်နှုန်း ဆန္ဒမဲပေးထားတယ်ဆိုတော့ အများပြည်သူဆန္ဒနဲ့ ကိုက်ညီပြီးသားဖြစ်တယ်လို့ သူတို့ကတော့ ပြောတော့မှာပေါ့ဗျာ။ ဒါပေမယ့် အဲဒီလို အများပြည်သူဆန္ဒနဲ့ ကိုက်ညီတယ်ဆိုသော်လည်း အဲဒါက ၂၀၀၈ ခုနှစ် သို့မဟုတ် ၂၀၀၈ အကြိုကာလတွေက ကိုက်ညီခြင်းဖြစ်သော်လည်း လက်ရှိ ပြောင်းလဲလာတဲ့ အခြေအနေတွေအရ သိပ်မကောင်းဘူးဆိုရင် သူတို့ပြင်ဖို့လမ်းက ဘာလဲဆိုတော့ တွေ့ဆုံဆွေးနွေးပွဲ စားပွဲပေါ်မှာ နှစ်ဘက်စလုံးကနေ အဆုံးအဖြတ်ပေးနိုင်သော ပုဂ္ဂိုလ်များ သို့မဟုတ် ဒိုင်ယာလော့စားပွဲပေါ်မှာ ဒီကိစ္စကို ကျနော်တို့ စဉ်းစားလို့ရပါတယ်။ တိုင်းပြည်ရဲ့အဆုံးအဖြတ်ပေးနိုင်တဲ့ ခေါင်းဆောင်ပုဂ္ဂိုလ်များကနေပြီးတော့ ဆုံးဖြတ်လိုက်ရင် အဲဒီအစည်းအဝေးလိုနေရာမျိုးကနေ စီးဆင်းလာတဲ့ နိုင်ငံရေးသဘောထားဟာ အကုန်လုံးကို ပြောင်းလဲလို့ရပါတယ်။ ဥပမာ ပင်လုံတွေ့ဆုံဆွေးနွေးပွဲကနေ စီးဆင်းလာတဲ့ အာဏာသဘောဟာ ပြည်ထောင်စုဖွဲ့စည်းရေးလိုဟာမျိုးကို ဖြစ်ပေါ်စေနိုင်ပါတယ်။ ဒါကြောင့် တိုင်းပြည်မှာ အဆုံးအဖြတ်ပေးနိုင်တဲ့ ထိပ်သီးပုဂ္ဂိုလ်များ ဆွေးနွေးကြမယ်ဆိုရင် အဲဒီက စီးဆင်းလာတဲ့အာဏာ၊ သဘောထားဟာ အကုန်လုံးကို ပြုပြင်ပြောင်းလဲလို့ ရပါတယ်လို့ ကျနော်တို့ယူဆတယ်။
မေး။ ။ ဘယ်လို ပြုပြင်ပြောင်းလဲလို့ ရမှာလဲဆိုတာ သိပါရစေ။
ဖြေ။ ။ အခုရွေးကောက်ပွဲက ဒီအခြေခံဥပဒေအတိုင်းသွားမှာဖြစ်တဲ့အတွက် နိုင်ငံရေးအဖြေမဟုတ်ဘူး၊ နိုင်ငံရေးပြဿနာ တွေကို ရှင်းလည်းရှင်းနိုင်မှာမဟုတ်ဘူး။ နိုင်ငံရေးပြဿနာတွေကို ဒီနေ့ရွေးကောက်ပွဲအကြိုကာလမှာ ရှင်းချင်လို့ပဲဖြစ်ဖြစ်၊ ရွေးကောက်ပွဲ ကာလမှာ ရှင်းချင်လို့ပဲဖြစ်ဖြစ်၊ ရွေးကောက်ပွဲအလွန်ကာလမှာ ရှင်းချင်လို့ပဲဖြစ်ဖြစ် အဲလိုသဘောထားမျိုး ကျနော်တို့မှာ ရှိတယ်ဆိုရင် အမျိုးသားပြန်လည်သင့်မြတ်ရေးဆွေးနွေးပွဲကနေပြီး ၂၀၀၈ အခြေခံဥပဒေထဲကနေပြီး ပြင်ဖို့လိုအပ်တဲ့အချက် များကို ပြုပြင်ပြောင်းလဲနိုင်မယ်ဆိုရင် အဲဒီက ပေါ်ထွက်လာမယ့်ဆုံးဖြတ်ချက် သဘောထား အာဏာများဟာ ဒီအခြေခံဥပဒေကို ပြင်နိုင်ပါတယ်။ ဒီအခြေခံဥပဒေကိုသာ ပြင်လိုက်ရင် ပြဿနာပေါင်းစုံ ရှင်းသွားမှာ ဖြစ်ပါတယ်။ ပြဿနာပေါင်းစုံဆိုတာ တိုင်းရင်းသားတွေမှာရှိတဲ့ သဘောထားတွေကို ပြောင်းလဲသွားစေနိုင်မယ်၊ တိုင်းရင်းသားတွေနဲ့ စစ်အစိုးရဆက်ဆံရေးဟာလည်း ပြောင်းလဲသွားနိုင်တယ်။ အလားတူပဲ အန်အယ်လ်ဒီလို ဒီမိုကရေစီ အင်အားစုတွေနဲ့ အစိုးရဆက်ဆံရေးဖြစ်တဲ့ ရွေးကောက်ပွဲမှာ ပါဝင်ရေးဆိုတဲ့ အချက်တွေကိုလည်း ကျနော်တို့ ပြောင်းလဲသွားစေနိုင်မယ်။ အလားတူပဲ ကမ္ဘာနဲ့ဆက်ဆံရေးပါ ပြောင်းလဲသွားမယ်လို့ ကျနော်က ယူဆတယ်။ ဒါကြောင့် ကျနော်က ဒီနေ့ကာလဟာ ရွေးကောက်ပွဲဟာ အဖြေမဟုတ်ပါဘူး၊ အဖြေဟာ တွေ့ဆုံဆွေးနွေးပွဲသာ ဖြစ်ပါတယ်လို့ ပြောနေတာပါ။ ကျနော်တို့အဖို့ကတော့ သို့မဟုတ်လည်း ကျနော်တို့နဲ့အတူ လက်တွဲပြီးဆောင်ရွက်နေတဲ့ တိုင်းရင်းသား အဖွဲ့အစည်းများအဖို့၊ ကျနော်တို့ကို ထောက်ခံအားပေးနေတဲ့ ကမ္ဘာနဲ့တကွ ကုလသမဂ္ဂတို့အဖို့ကတော့ ဒီတွေ့ဆုံဆွေးနွေးပွဲ ဖြစ်လိုက်ရင် အကောင်းဆုံးအခြေအနေများ ပေါ်ထွန်းလာဖို့အတွက် အလားအလာတွေ အများကြီးရှိတယ်လို့ ကျနော်က အဲလိုပဲ ယူဆတယ်။
မေး။ ။ အမျိုးသားစည်းလုံးညီညွတ်ရေး ကိစ္စရော ပြေလည်နိုင်ပါ့မလားဆရာ။
ဖြေ။ ။ ပြေလည်နိုင်တာပေါ့ခင်ဗျာ။ ဘာလို့လဲဆိုတော့ ဒီတွေ့ဆုံဆွေးနွေးပွဲဟာ နိုင်ငံရေးအားဖြင့် အဓိကကျတယ်လို့ တဖက်က ပြောနေပေမယ့်လို့ တိုင်းပြည်ကြီးတခုလုံး သို့မဟုတ် ပြည်ထောင်စုကြီးတခုလုံးရဲ့ အနာဂတ်အနေနဲ့ဆိုရင်လည်း အမျိုးသားပြည်လည်သင့်မြတ်ရေးလို့ ကျနော်တို့ပြောနေတာကနေတဆင့် အမျိုးသားညီညွတ်ရေးဆိုတာ ပေါ်ထွက်လာနိုင်တဲ့ အနေအထားရှိပါတယ်။ ဒီတွေ့ဆုံဆွေးနွေးပွဲကသာလျှင် ချက်ချင်းလက်ငင်း အဖြေမပေါ်ထွက်လာသော်ငြားလည်း အခြေခံသဘောထားတွေ ပေါ်လို့ရှိရင် ကျနော်တို့ဆက်လက် ညှိနှိုင်းသွားဖို့ပဲ ရှိပါတယ်။ ဒေါ်အောင်ဆန်းစုကြည်နဲ့ ဗိုလ်ချုပ်မှူးကြီးသန်းရွှေတို့ တွေ့လိုက်ရင် အဲဒီကနေချမှတ်တဲ့ သဘောထားတွေအပေါ် ဆက်လက်ပြီး အဆင့်ဆင့်သော ဆွေးနွေးပွဲများ ကျင်းပသွားခြင်းအားဖြင့် ရွေးကောက်ပွဲအခြေခံဥပဒေ ပြင်ဆင်ရေးကိစ္စကနေ အမျိုးသားညီညွတ်ရေးကိစ္စအထိ အကျိုးဆက်များ ဆက်တိုက်ပေါ်သွားနိုင်ပါတယ်။ ဒီဆွေးနွေးပွဲကနေ အစွန်းတဖက်မှာ အခြေခံဥပဒေပြင်ဆင်ရေး ကိစ္စတွေရှိသလို နောက်အစွန်းတဖက်မှာလည်း အမျိုးသားညီညွတ်ရေးအထိ ရည်မှန်းချက်တွေ ရှိတဲ့အတွက် ဒီလိုကျင်းပခြင်းဟာ ဒီနေ့ကာလတိုင်းပြည်ရဲ့ ထွက်ပေါက် အဖြေပဲဖြစ်ပါတယ်။
မေး။ ။ တကယ်လို့ အန်အယ်လ်ဒီဟာ ၂၀၁၀ ရွေးကောက်ပွဲဝင်လိုက်မယ်ဆိုရင် ၁၉၉၀ ရွေးကောက်ပွဲရလဒ်ဟာ အတိတ်မှာကျန်ခဲ့မယ်လို့ ပြောဆိုသံတွေ ထွက်ပေါ်နေပါတယ်။ အဲဒါနဲ့ ပတ်သက်ပြီး ဆရာဘယ်လို ပြောချင်ပါသလဲ။
ဖြေ။ ။ ရွေးကောက်ပွဲလိုဟာမျိုးကို ကျနော်တို့က ခေါင်းလျှိုပြီးတော့ဝင်သွားရင် ၁၉၉၀ ရွေးကောက်ပွဲဟာ အတိတ်မှာ ကျန်ခဲ့တယ် ဆိုတဲ့ဟာမျိုးထက် အဖြစ်မှန်က ဘာလဲဆိုတော့ ကျနော်တို့ဟာ ပြည်သူလူထုကနေ အပ်နှင်းထားတဲ့ မန်းဒိတ်ကို အစိုးရကိုယ်တိုင် ကလည်း မဖျက်သေးဘူးဗျ။ ရွေးကောက်ပွဲကော်မရှင်ကနေ ဒါကို တရားမ၀င်တော့ဘူးလို့ ပြောဆိုခြင်းမရှိဘဲနဲ့ စစ်အစိုးရ လုပ်နေတဲ့ပုံသဏ္ဌာန်ဟာ ရွေးကောက်ပွဲတခုကို နောက်ရွေးကောက်ပွဲတခုနဲ့ ကျော်လွှားဖို့လုပ်နေတာ။ အဲဒါကို ကျနော်တို့ လက်မခံနိုင်ဘူး။ ကျနော်ကတော့ အတိတ်မှာကျန်ခဲ့တယ်လို့ မပြောချင်ဘူး။ ကျနော်တို့ဟာ ရွေးကောက်ပွဲအသစ်ကို ၀င်လိုက်တယ်ဆိုရင် ရွေးကောက်ပွဲ အဟောင်းတုန်းက အကောင်အထည်လည်း ရလဒ်တစုံတရာမပေါ်ခဲ့ဘူး၊ ပြည်သူလူထုက အပ်နှင်းတဲ့အာဏာကိုလည်း ကျနော်တို့က ဘာမှအကောင်အထည်ဖော်ပေးနိုင်ခြင်း မရှိဘူး၊ နောက်တခါ အဲဒီရွေးကောက်ပွဲရဲ့ ရလဒ်ကြီးတခုလုံးကိုလည်း တာဝန်ရှိတဲ့ စစ်အစိုးရကနေပြီးတော့ ဖျက်သိမ်းခြင်းတို့ ဘာတို့လည်း ကြေညာခြင်းမရှိဘဲနဲ့ ဒီတိုင်းချန်ခဲ့လို့မရဘူး။ အဲဒါနဲ့ပတ်သက်လို့ ကျနော်တို့ရဲ့သဘောထားက ၁၉၉၀ ပြည့်နှစ် ရွေးကောက်ပွဲရလဒ်ကို တနည်းနည်းနဲ့ အသိအမှတ်ပြုမယ်ဆိုရင် ဒေါ်အောင်ဆန်းစုကြည်က ပြောတဲ့စကားဗျ။ တနည်းနည်းနဲ့ဆိုတာ ကျနော်တို့ အနိမ့်ဆုံးပုံစံနဲ့လည်း ဖြစ်နိုင်ပါတယ်။ အမြင့်ဆုံးပုံသဏ္ဌာန်နဲ့လည်း ဖြစ်နိုင်ပါတယ်။
အမြင့်ဆုံးပုံသဏ္ဌာန်ဆိုတာက အာဏာလွှဲပြောင်းပေးဖို့ပေါ့။ အနိမ့်ဆုံး ပုံသဏ္ဌာန်ဆိုတာကလည်း တွေ့ဆုံဆွေးနွေးပွဲကနေ သဘောတူညီချက်ရရင် အဲဒါတွေကို အခြေခံပြီးတော့ လွှတ်တော်ခေါ်လိုက်။ တနေ့တည်းပဲခေါ်ခေါ် ဒီလွှတ်တော်ကနေ သဘောတူညီချက်များကို အတည်ပြုလိုက်ပြီဆိုတဲ့ဟာမျိုးနဲ့ ပြီးရင် ဒီလွှတ်တော်ကို ဖျက်သိမ်းပြီးတော့ နောက်ထပ်ရွေးကောက်ပွဲ အသစ် လုပ်မယ်ဆိုတာမျိုးပါ။ အဲလိုလုပ်လို့ရပါတယ်။ ဒါက ကျနော်ရဲ့ ကိုယ်ပိုင်အတွေးအခေါ်ပါ။ တနည်းနည်းနဲ့ဆိုတဲ့ ဒေါ်အောင်ဆန်းစုကြည်စကားဟာ အနိမ့်ဆုံးလည်းလုပ်လို့ရပါတယ်။ အမြင့်ဆုံးလည်းလုပ်လို့ရပါတယ်။ ဒါပေမယ့်လို့ ဒီလိုတနည်းနည်းနဲ့ အသိအမှတ်ပြုခြင်းကတော့ လုပ်ဖို့ကောင်းတယ်။ အဲလိုလုပ်တာမဟုတ်ဘဲနဲ့ ရွေးကောက်ပွဲတခုကို နောက်ရွေးကောက်ပွဲတခုနဲ့ နင်းကြိတ်ချေသလိုလုပ်ရင်တော့ ဒါတွေဟာ သမိုင်းမှာလည်း မလှမပဖြစ်မယ်။ ရှေ့ဆက်ပြီး အငြင်းပွားစရာတွေကလည်း ရှိမယ်။ အကြောင်းကြောင်းကြောင့် ဒီရွေးကောက်ပွဲကိုပဲ ဆုပ်ကိုင်ပြီးထားပြီးတော့ နောက်ရွေးကောက်ပွဲကို ကျောခိုင်းတဲ့ပုံသဏ္ဌာန်မျိုးလုပ်ရင်လည်း ဗမာပြည်ရဲ့ နိုင်ငံရေးပြဿနာတွေဟာ ရှင်းစရာ ပြေလည်စရာ ဘာမှ ရှိမှာမဟုတ်ဘူးလို့ ကျနော်က ယူဆပါတယ်။
ခေတ်ပြိုင်မှတဆင့်

ယနေ့ မြန်မာနိုင်ငံအတွင်းမှ လူအခွင့်အရေးချိုးဖောက်ခံရမှု အခြေအနေများ၊ ကူညီဆောင်ရွက်ပေးနေရမှုများနှင့် စပ်လျဉ်း၍ မြန်မာနိုင်ငံအတွင်း လူအခွင့်အရေး ချိုးဖောက်ခံရမှုများကို ကူညီဖြေရှင်းပေးနေသည့် လမ်းပြကြယ်အဖွဲ့ခေါင်းဆောင် ရှေ့နေကြီး ဦးအေးမြင့်နှင့် ခေတ်ပြိုင် ဆက်သွယ်မေးမြန်းချက်။ (ဦးအေးမြင့်သည် အိုင်အယ်လ်အိုရုံးသို့ ဆက်သွယ်ခဲ့သည့်အတွက် နိုင်ငံတော်ပုန်ကန်မှုဖြင့် ဖမ်းဆီးခံရကာ သေဒဏ်အပြစ်ပေးခြင်း ခံခဲ့ရဖူးသူဖြစ်သည်) 
မေး။  ။ အန်ကယ်အနေနဲ့ လမ်းပြကြယ်အဖွဲ့ကို ဘာကြောင့် တည်ထောင်ဖွဲ့စည်းခဲ့တာပါလဲ။
ဖြေ။  ။ ၂၀၀၃ ခုနှစ်မှာ ထောက်လှမ်းရေးဟောင်းတွေရဲ့ အငြိုးတွေကြောင့် နိုင်ငံတော်ပုန်ကန်မှု ၁၂/၂၁ နဲ့ အစွဲခံရပြီး သေဒဏ်ကျခဲ့ရတယ်။ နောက် အိုင်အယ်လ်အိုကပဲ လိုက်ကယ်တဲ့အတွက် ၂၀၀၅ ခုနှစ် မှာ ပြန်လွတ်လာတယ်။ ပြန်လွတ်လာတဲ့အချိန်မှာ ဒေါက်တာစိုးမြင့်သန်းတို့၊ ဦးခင်ဇော်တို့လို မိတ်ဆွေတွေနဲ့ စကားပြော ဖြစ်ကြရင်း အေးလွင်တို့ အဖွဲ့အကြောင်းကို ရောက်သွားကြတယ်။ အေးလွင်တို့အဖွဲ့က အစိုးရ တရားဝင် ခွင့်ပြုချက်မရှိဘဲ လွတ်လွတ်လပ်လပ် ဆောင်ရွက်ခွင့်ရနေတာကို တွေ့ရတယ်။ သူတို့တောင်မှ အစိုးရ ခွင့်ပြုသေးရင် ငါတို့ရှေ့နေတွေ ဘာလို့ မလုပ်ရဲရမှာလဲဆိုပြီး လမ်းပြကြယ်အဖွဲ့ကို ဖွဲ့မယ်ကွာဆိုပြီး ရုတ်တရက် ထဖွဲ့လိုက်တာ။ ၂၀၀၆ ခုနှစ် ဖေဖော်ဝါရီလ (၆) ရက်နေ့မှာ စဖွဲ့ခဲ့ကြတာပါ။ စထောင်တဲ့ အချိန်ကတည်းက ဆုံးဖြတ်ထားကြတာက အစိုးရကောင်းတရပ်ပေါ်ထွက်ရေး တွန်းအားပေးကြမယ်။ ဥပဒေနဲ့ ရာထူးနဲ့ အောက်ခြေလူတန်းစားကို နှိပ်စက်မယ်ဆိုရင် ကိုယ့်စရိတ်နဲ့ကိုယ် အနှိပ်စက်ခံများဘက်က ရပ်တည်ပြီး လိုက်လံကူညီဆောင်ရွက်ပေးကြမယ်ဆိုပြီး ဆုံးဖြတ်ခဲ့ကြတာပါ။ မေး။  ။ အဲလို စတင်ဖွဲ့စည်းချိန်ကစပြီး အခုချိန်ထိပေါ့လေ၊ မြန်မာနိုင်ငံအတွင်းမှာ လူ့အခွင့်အရေးချိုးဖောက်မှု ပုံစံအမျိုးမျိုးရှိတဲ့အနက် လမ်းပြကြယ်အဖွဲ့ အတွေ့များတာက ဘယ်လို လူ့အခွင့်အရေး ချိုးဖောက်ခံရမှုတွေပါလဲ။
ဖြေ။  ။ မြန်မာနိုင်ငံထဲမှာ လူ့အခွင့်အရေးချိုးဖောက်ခံရမှု အမျိုးအစားက စုံပါတယ်။ အန်ကယ်လ်တို့ လမ်းပြကြယ်အဖွဲ့ အများဆုံးတွေ့ကြုံတာက ပညာမဲ့ပြီး အောက်ခြေလူတန်းစားဖြစ်တဲ့ တောင်သူလယ်သမား၊ အလုပ်သမားတွေ ရယကဥက္ကဋ္ဌတွေရဲ့ အဓမ္မလုပ်အားပေးခိုင်းခံရတာတွေ၊ ဘာကြေးညာကြေးဆိုပြီး ငွေကောက်ခံတာတွေ၊ လယ်မြေအသိမ်းခံရတာ စတဲ့အဖြစ်တွေပါပဲ။
မေး။  ။ အခုလို လူ့အခွင့်အရေးချိုးဖောက်ခံရမှုတွေကို လမ်းပြကြယ်အဖွဲ့အနေနဲ့ ဘယ်လိုအကာအကွယ် ပေးပါသလဲ။ တခြားဘယ်အဖွဲ့အစည်းတွေနဲ့ ပူးပေါင်းဆောင်ရွက်နေပါသလဲ။
ဖြေ။  ။ လမ်းပြကြယ်အဖွဲ့ အားထားနေတာက ပြည်ပသတင်းမီဒီယာတွေရယ်၊ ပြည်တွင်းမှာဆို အိုင်အယ်လ်အိုပါ။ အဲဒီနှစ်ခုနဲ့ လိုအပ်သလို တွဲဖက်ဆောင်ရွက်နေရတယ်။ လူ့အခွင့်အရေးချိုးဖောက်ခံရတဲ့ ကိစ္စတွေ၊ မတရားပြုကျင့်ခံရတဲ့ ကိစ္စတွေကို အစိုးရတာဝန်ရှိသူတွေဆီ တိုင်တဲ့အခါမှာ မြန်မာနိုင်ငံဟာ ကြိုးနီစနစ် ရှိနေဆဲဖြစ်တဲ့အတွက် အခက်အခဲရှိပါတယ်။ ဒီလိုအခါမျိုးမှာ အိုင်အယ်လ်အိုကို တင်ပြလိုက်ရင် အိုင်အယ်လ်အိုဟာ အစိုးရအဖွဲ့ဝင် ၀န်ကြီးအဆင့်ထိ တိုက်ရိုက်ဆွေးနွေးနိုင်တာကြောင့် အစိုးရအဖွဲ့ကို အသိမြန်စေတယ်။ နောက်တချက်က သတင်းမီဒီယာတွေက တဆင့်သွားရင်လည်း အစိုးရအဖွဲ့ကို သတင်းအရမြန်စေတယ်။ အစိုးရက မကျေနပ်မှုတွေရှိပါက တိုင်ကြားနိုင်ပါသည်ဆိုပြီး ၀န်ကြီးဌာနတွေရဲ့ ဖုန်းနံပါတ်တွေနဲ့တကွ ကြေညာထားတဲ့အတွက် ပထမဆုံးအားဖြင့် သက်ဆိုင်ရာ ၀န်ကြီးတွေကို တိုင်တယ်။ အဲဒီလိုတိုင်တာကိုမှ အောက်လူတွေက ဖုံးကွယ်ထားလို့ပဲဖြစ်စေ ဘာမှလုပ်မပေးဘူးဆိုရင် သတင်းဌာနကို ပြောတယ်။ အိုင်အယ်လ်အိုကိုတော့ သူအဓိကလုပ်ပေးနိုင်တဲ့ ကလေးစစ်သား စုဆောင်းမှုနဲ့ အဓမ္မလုပ်အားပေးခိုင်းစေမှုတွေကိုပဲ တိုင်ပါတယ်။ လူ့အခွင့်အရေးချိုးဖောက်ခံရမှုတိုင်းကို အိုင်အယ်လ်အိုက မလုပ်ပေးနိုင်ပါဘူး။ အလုပ်သမားတွေရဲ့ အခွင့်အရေး ဆုံးရှုံးနေတာကိုတောင်မှ မလုပ်ပေးနိုင်သေးတာ တွေရှိတယ်။ အိုင်အယ်လ်အိုက နအဖအစိုးရကို အောက်ကျနောက်ကျခံ ဆက်ဆံနေရသလိုဖြစ်တယ်။ ဒီအပြည့်အ၀ လုပ်ဆောင်နိုင်တဲ့ အခွင့်အရေးရှိတဲ့ ကလေးစစ်သား စုဆောင်းမှုနဲ့ လုပ်အားပေးခိုင်းစေမှုမှာတောင် အစိုးရရဲ့ အာခံမှုကို ရင်ဆိုင်နေရတာပဲ။
မေး။  ။ အိုင်အယ်လ်အိုရဲ့ ဆောင်ရွက်ပေးမှုကြောင့် အောင်လံမြို့နယ်ထဲက လယ်သမားတွေ အသိမ်းခံထားရတဲ့ လယ်ယာမြေတွေ ပြန်ရခဲ့ပေမယ့် အိုင်အယ်လ်အိုကို တိုင်ကြားသူ ရှေ့နေကိုဖိုးဖြူနဲ့ လယ်သမားတချို့ အဖမ်းခံနေရတဲ့ အပေါ်မှာရော ဆရာ့အမြင်က ဘယ်လိုရှိပါသလဲ။
ဖြေ။  ။ အိုင်အယ်လ်အိုက အဓိကဖြေရှင်းပေးနေတာက စောစောက ပြောခဲ့သလိုပဲ ကလေးစစ်သားစုဆောင်းမှုနဲ့ လုပ်အားပေးခိုင်းစေခံရမှုတွေပါ။ ဒီကိစ္စတွေအတွက် တိုင်တယ်ဆိုရင်တော့ တိုင်ကြားသူကို လုံးဝ အရေးယူမခံရအောင် အိုင်အယ်လ်အိုက ဆောင်ရွက်ပေးနိုင်ပါတယ်။ သို့သော် အိုင်အယ်လ်အိုကလည်း သူဝင်လို့ရသလောက် ၀င်ပါတယ်။ သူနဲ့ဆက်သွယ်တဲ့သူကို မဖမ်းဖို့ ၀င်တောင်းပန်ပေးတာပဲ ရှိတယ်။ တဘက်က ခင်များနဲ့မဆိုင်ဘူး ဘာလုပ်ချင်လဲမေးရင် အိုင်အယ်လ်အိုအနေနဲ့ကလည်း ဘာမှမလုပ်နိုင်တဲ့ အနေအထားမှာ ရှိနေပါသေးတယ်။
မေး။  ။ အိုင်အယ်လ်အိုရဲ့ လုပ်ပိုင်ခွင့်အတွင်းမှာရှိနေတဲ့ ကလေးစစ်သားစုဆောင်းမှုတွေဟာ မြန်မာနိုင်ငံမှာ ရှိနေဆဲဆိုတော့ နအဖစစ်အစိုးရအနေနဲ့ အမှန်တကယ်ပဲ ကလေးစစ်သားစုဆောင်းမှု ပပျောက်လိုတယ်ဆိုရင် ဘာတွေဆောင်ရွက် ပေးသင့်တယ်လို့ ထင်ပါသလဲ။
ဖြေ။  ။ ၁၉၅၆ ခုနှစ် တပ်မတော်အက်ဥပဒေ (၆၅) အတိုင်း အသက် (၁၈) နှစ် ပြည့်ပြီးသူသည် မိဘအုပ်ထိန်းသူ၏ ခွင့်ပြုချက်ဖြင့် ၀င်ရောက်ရမည်ဆိုတဲ့ ဥပဒေအတိုင်း သွားရင်ပြီးတယ်။ ကလေးစစ်သားစုဆောင်း ရောင်းဝယ်မှုတွေ လုပ်နေတဲ့ စစ်တပ်က အရာရှိတွေ၊ တပ်သားတွေကို လူသိရှင်ကြား အပြစ်ပေးဖို့လိုတယ်။
မေး။  ။ လူတဦးကနေ အခြားလူတဦးအပေါ် လူ့အခွင့်အရေးချိုးဖောက်တာ၊ အဖွဲ့အစည်းတခုကနေ လူတဦး ဒါမှမဟုတ် အခြားအဖွဲ့အစည်းတခုအပေါ် လူ့အခွင့်အရေးချိုးဖောက်တာ၊ နောက် အာဏာပိုင်တွေကိုယ်တိုင်က လူထုအပေါ် ကန့်သတ်ချုပ်ချယ်မှုတွေနဲ့ လူ့အခွင့်အရေးချိုးဖောက်တာဆိုပြီး အမျိုးမျိုးရှိတဲ့အနက် လမ်းပြကြယ်အများဆုံးတွေ့ကြုံရတာ ဘယ်လိုပုံစံမျိုးပါလဲ။
ဖြေ။  ။ အထူးသဖြင့် အောက်ခြေ အာဏာပိုင်တွေရဲ့ လူ့အခွင့်အရေးချိုးဖောက်မှုတွေကို ဖြေရှင်းပေးရတယ်။ နောက်တခုက အချင်းချင်းလူ့အခွင့်အရေး ချိုးဖောက်တာလို့ ပြောရမှာပေါ့၊ အဲဒါတွေကို အကူအညီပေးနေရတယ်။
မေး။  ။  အချင်းချင်း လူ့အခွင့်အရေး ချိုးဖောက်တယ်ဆိုတာ ဘာကိုဆိုလိုတာပါလဲ။
ဖြေ။  ။ အချင်းချင်းလူ့အခွင့်အရေး ချိုးဖောက်တယ်ဆိုတာ ၀န်ထမ်းလောကကို ပြောတာပါ။ တဌာနတည်း တနေရာတည်းမှာ တာဝန်ကျနေကြတာချင်းအတူတူ တချို့ဝန်ထမ်းက ရေသာခိုလုပ်နေပြီး တချို့က တကယ်လုပ်နေရတာတွေရှိတယ်။ အဲဒါမျိုးတွေကိုလည်း ၀န်ထမ်းတွေရဲ့ အရည်အချင်းအမှန်နဲ့ နေရာရမှုတွေ မလွဲစေရအောင် လမ်းပြကြယ်က သိရင် အထက်လူကြီးဆီကို တိုင်ပေးပါတယ်။
မေး။  ။ ၂၀၀၆ ခုနှစ်က စဖွဲ့ခဲ့တဲ့ လမ်းပြကြယ်အဖွဲ့မှာ အခု အဖွဲ့ဝင်အင်အား ဘယ်လောက်ရှိနေပါပြီလဲ။
ဖြေ။  ။ လမ်းပြကြယ်အဖွဲ့ဝင်အင်အား ပြောပါဆိုရင် အန်ကယ်တို့က ပဲခူးကိုလာပြီး အကူအညီတောင်းဖူးသူကတဆင့် ဆင့်ကဲဆင့်ကဲသွားတယ်။ အန်ကယ်တို့ ဆောင်ရွက်ပေးတာကို သဘောကျသွားပြီး သူ့ဟာသူ လမ်းပြကြယ်လုပ်ပါရစေဆိုပြီး ၀င်လာရင်၊ လူထုကို မတရားလုပ်နေတာတွေ့ရင် ငါတို့ဆီကို အကြောင်းကြားပေးပါလို့ပဲ မှာတယ်။ ဘာလက်မှတ်တွေမှ ထိုးစရာမလိုဘူး။ ဒုက္ခရောက်နေတာကို ကူညီဖြေရှင်းပေးလိုက်လို့ တဘက်လူက စေတနာနဲ့ပေးတာ ကျွေးတာရှိရင် စားပါ။ ဒုက္ခရောက်နေသူဆီကတော့ ငွေမတောင်းပါနဲ့ ဒါပဲပြောတယ်။ အဲဒီနည်းနဲ့ပဲ ဆောင်ရွက်လိုက်တာ အခုနောက်ပိုင်း ရဲစခန်းကအစ သူတို့ ရှင်းလို့မရတဲ့ကိစ္စတွေဆို ဦးအေးမြင့်ဆီသွားပါဆိုပြီး ညွှန်လာကြတယ်။ ဆိုတော့ တနိုင်ငံလုံးမှာ လမ်းပြကြယ်အဖွဲ့ဝင်တွေ ရှိနေပါတယ်လို့ပဲ ပြောရမယ်။
မေး။  ။ မြန်မာနိုင်ငံတွင်းမှာ ရှိနေတဲ့လူ့အခွင့်အရေးအခြေအနေဟာ လမ်းပြကြယ်ဖွဲ့စည်းစဉ်ကထက် အခုချိန်မှာ တိုးတက်မှုတွေ ရလာပြီလား၊ ဒါမှမဟုတ် အရင်အခြေအနေတိုင်းပဲ ရှိနေသလား။ အရင်ထက်ပဲ ပိုဆိုးဝါးနေသလား။ ဆရာဘယ်လို မြင်မိပါသလဲ။
ဖြေ။  ။ လူ့အခွင့်အရေးချိုးဖောက်ခံရမှုတွေက ပိုများလာတာ။ လက်ရှိအစိုးရကလည်း သူတတ်သလိုတော့ အုပ်ချုပ်တာပဲ။ ပထမဆုံးပြောထားချင်တာက အန်ကယ်တို့က ကြားလူ။ အမတ်ဝင် အရွေးခံမယ့်သူတွေ မဟုတ်ဘူး။ ကြားက ထောက်ပြပေးမယ့်အဖွဲ့ပဲ။ ကောင်းတာလုပ်ရင် ကြံ့ဖွံ့လည်း ပခုံးနဲ့ ထမ်းတင်မယ်။ မကောင်းတာလုပ်ရင် ဖနောင့်နဲ့ပေါက်မယ်။ အစကတည်းက ဒီလိုရည်ရွယ်ထားတာလေ။ ဆိုတော့ စောစောက စကားကို ပြန်ကောက်ရရင် အစိုးရက သူ့ဝန်ထမ်းတွေကို အားပေးအားမြှောက်ပြုပြီး မြှောက်စားထားတဲ့အတွက် သရဲက ဘီလူးဖြစ်လာတယ်။ အစိုးရက သူတို့လိုချင်တဲ့ အချက်အောင်မြင်ရင် ၀န်ထမ်းက ဘယ်လိုနည်းနဲ့ပဲ ရအောင်လုပ်ပေးလုပ်ပေး ဒီဝန်ထမ်းကို အခွင့်အရေးပေးတယ်။ ဒါ့အပြင် အခုလို စပ်ကူးမတ်ကူးကာလမှာ နအဖအစိုးရ ၀န်ထမ်းတချို့ဟာ ဂျပန်စစ်ပြေးခါနီး ပစ္စည်းတွေ ရသလောက် သိမ်းနေတဲ့ပုံစံမျိုးတွေ လုပ်နေကြတဲ့အတွက် တိုင်းပြည်မှာ အရမ်းပျက်စီးနေပါတယ်။ ဒီလို အချိန်မျိုးမှာ လူ့အခွင့်အရေးမပြောနဲ့ တောတွေမှာဆို တိရစ္ဆာန်အခွင့်အရေးတောင် ချိုးဖောက်ခံနေရတယ်လို့ ပြောရမယ်။ ဘာဖြစ်လို့လဲဆိုတော့ လူစားဖို့တောင်အနိုင်နိုင် ရုန်းကန်နေကြရတော့ ခွေးစာကြောင်စာဆိုတာတောင် ခပ်ခက်ခက်ဖြစ်နေပြီကိုး။
ခေတ်ပြိုင်မှတဆင့်

ယနေ့သည် ကမ္ဘာ့  HIV/AIDS ရောဂါ တိုက်ဖျက်ရေးနေ့ ဖြစ်သောကြောင့် မြန်မာပြည်အတွင်း အဆိုပါဝေဒနာ ခံစားနေရသူများ၏ ဒုက္ခ၊ မဖြူဖြူသင်း ကိုယ်တိုင် ကြုံတွေ့နေရသော အခက်အခဲများနှင့် ပတ်သက်၍ ဧရာဝတီ သတင်းထောက် အေးချမ်းမြေ့က မေးမြန်းထားပါသည်။

မဖြူဖြူသင်းသည် ပြီးခဲ့သည့် ၁၀ နှစ် ဝန်းကျင်မှစတင်၍ အမျိုးသား ဒီမိုကရေစီအဖွဲ့ချုပ်၏ HIV/AIDS ဝေဒနာရှင်များ ကူညီစောင့်ရှောက်ရေးနှင့် ပညာပေးရေး လုပ်ငန်းစဉ်များတွင် ဦးဆောင် လုပ်ကိုင်နေသူတဦး ဖြစ်သည်။

မေး။     ။ ဒီနှစ် ကမ္ဘာ့ HIV/AIDS ရောဂါတိုက်ဖျက်ရေးနေ့မှာ မြန်မာနိုင်ငံအနေနဲ့ HIV ရောဂါ ဖြစ်ပွားနှုန်း ကျဆင်းတယ်ဆိုပြီး ကြေညာထားတာနဲ့ ပတ်သက်ပြီး မဖြူဖြူသင်း ဘယ်လို ထင်ပါသလဲ။

ဖြေ။     ။ ဖြစ်နှုန်းကျတယ်ဆိုပြီး ကြေညာပေမယ့် ဒီမှာက တိုင်းနဲ့ ပြည်နယ်အသီးသီးမှာ သေဆုံးတဲ့ သူတွေကော၊ ဒီရောဂါကို သိပ်ပြီးမသိသေးတဲ့သူတွေကော၊ ရောဂါကိုသိပြီး ဆေးဝါးကုသ ခံချင်တဲ့ သူတွေကော ရပ်တံ့သွားတယ် လို့မရှိဘူး။ ကျမတို့ စ လုပ်တဲ့ ၂၀၀၂ ခုနှစ် လောက်ကထက်စာရင် ပိုပိုပြီးတောင် များလာတယ်လို့ ထင်ရတယ်။ ကျမ ဒီကိစ္စကို ကျွမ်းကျင်တဲ့ ဆရာဝန် တဦးနဲ့ ပြောဖြစ်တယ်။ သူက ဘာပြောလဲဆိုတော့ ရောဂါဖြစ်နှုန်းတွေ ကျသွားတယ်ဆိုတာ၊ ရောဂါဖြစ်နေတဲ့သူတွေ သေသွားလို့ သာ ကျသွားတယ်လို့ ပြောလို့ရမယ်လို့ ပြောတယ်။

နောက်တခါ ပညာပေးမှု အပိုင်းကလည်း တိုင်းနဲ့ ပြည်နယ်အသီးသီးက မြို့ခံတွေနဲ့ ပညာပေးနေလို့သာလေ၊ သီးသန့်သွားပေးဖို့ဆိုရင် မလွယ် ဘူး။ NGO တွေအနေနဲ့လည်း အဲဒီလို သွားမယ်ဆိုရင် အဆင့်ဆင့်စာတင်ရတာနဲ့ ခရီးမရောက်ဘူး။ တရားဝင်လုပ်နေတဲ့ NGO တွေ၊ PSI လိုဟာမျိုး တွေလည်း အစိုးရက ခွင့်ပြုမှ သွားလို့ရတယ်။

အရင်က ARV ဆေးမရှိတော့ လူနာတွေကို ဆွေးနွေးနှစ်သိမ့်ရုံပဲ လုပ်ရင်း သေဆုံးသွားကြတာ များတယ်။ အခုတော့ ARV ဆေးရှိလာတော့ သေဆုံးနှုန်းကတော့ နည်းသွားတယ်။ ဒါပေမယ့် မြန်မာပြည် အခြေအနေနဲ့ လုံလောက်မှုကတော့ မရှိသေးတာ အမှန်ပဲ။ အခုလက်ရှိကို ရောဂါအကြောင်း မသိသေးတာတွေ၊ ဆေးကုသလို့ ရတယ်ဆိုတာကို မသိသေးတာတွေ မြန်မာပြည် အနှံ့အပြား ရှိနေတုန်းပဲ။ ကျမတို့တောင် တိုင်းနဲ့ ပြည်နယ်အသီးသီးက ကိုယ့်အဖွဲ့တွေ အကုန်လုံးကို ပညာပေးတဲ့ အစီအစဉ်တွေ လုပ်ထားလို့ ဒီကို လူနာတွေ ရောက်လာကြတာပါ။

မေး။     ။ တိုင်းနဲ့ ပြည်နယ်အသီးသီးကို ပညာပေးဖို့ လိုတယ်ဆိုတော့၊ အခုလက်ရှိအစိုးရက ရုပ်မြင်သံကြားတို့ … လမ်းထောင့်တွေမှာ ဘေလ်ဘုတ်တွေ၊ ပိုစတာတွေ ထောင်တာတို့နဲ့ ပညာပေးတာကကော ထိရောက်တယ် ထင်လား။

ဖြေ။     ။ ထိရောက်လား မထိရောက်လားဆိုတာထက် အစပိုင်း ၂၀၀၂ တုန်းကဆိုရင် သူတို့ လမ်းဆုံ၊ လမ်းခွမှာ ကုရာနတ္ထိ ဆေးမရှိ ဆိုတာမျိုးတင်တာ တွေ့ရတယ်။ အဲဒီတုန်းကဆို လူနာ တော်တော် များများက ဒီဆိုင်းဘုတ်တွေ တွေ့တာနဲ့တင် စိတ်ဓာတ်ကျပြီး သေသွားတာမျိုးရှိတယ်။ လွန်ခဲ့တဲ့ ၁၀ နှစ် လောက်ကဆိုတော့ ဒီရောဂါအကြောင်းလည်း သိပ်မသိသေးတော့ တော်တော်ကြီး ကြောက်လန့်နေ တုန်းပဲလေ။ တချို့ဆို ဒီဆိုင်းဘုတ်တွေဖတ်ပြီး အိမ်ထဲမှာပဲ အသေခံလိုက်တဲ့သူတွေတောင် ရှိတယ်။ ကျမတို့ လုပ်စ ကပေါ့။

အခုနောက်ပိုင်းမှာတော့ ဝိုင်းဝန်းကူညီတိုက်ဖျက်ရေး ဘာညာဆိုပြီး ဆိုင်းဘုတ်တွေတင်တာရှိတယ်။ ပြည်သူလူထုက ဒီဆိုင်းဘုတ်တွေ ဖတ်ရတာတော့ ရှိတယ်။ ဒါပေမယ့် ဘယ်လိုဆေးဝါး ကုသမှု ခံယူရမယ်၊ ဘယ်သွားကုရမလဲ၊ ဘယ်ဆေးရုံ ဘယ်ဆေးခန်း သွားကုရမလဲ ဆိုတာကအစ အခုအချိန်ထိ မသိသေးတဲ့ သူတွေ အများကြီးပဲ။ ဒါကို ကျမတို့က ကြားထဲကနေ ပြီးတော့ ထိထိရောက်ရောက်၊ လမ်းကြောင်း မှန်မှန်နဲ့ ကုသနိုင်ဖို့ ကူညီရတယ်။

မေး။     ။ ARV ဆေးကို မဖြူဖြူသင်းတို့ ဘယ်လိုပုံစံနဲ့ ရှာဖွေနေရပါသလဲ။

ဖြေ။     ။ ကျမတို့က အမျိုးသားဒီမိုကရေစီ အဖွဲ့ချုပ် (NLD) ဖြစ်နေတော့ ဘယ်သူကမှလည်း မကူညီဘူး။ ဘာဖြစ်လို့လည်း ဆိုတော့ NGO တွေက နိုင်ငံရေးနဲ့ မပတ်သက်ရဘူးဆိုတော့ ဘယ် NGO ကမှ ကျမတို့ကို မကူညီရဲဘူး။

ကျမတို့က ကြားကနေပြီး NGO တွေမှာ ဆေးပေးတာတွေ့ရင် ကြိုးစားပေးတယ်။ အဲဒီ NGO တွေက ရပ်သွားတယ်၊ ဆေးဆက် မပေးတော့ဘူး ဆိုရင် ဒီဆေး သောက်မှကို ဖြစ်မယ့်သူတွေ အတွက် ကျမတို့က သူတို့အသက်ဆက်ဖို့ ကိုယ့်နည်းကိုယ့်ဟန်နဲ့ ဆေးကို ရှာဖွေပြီး တိုက်ထားရတယ်။ အဲဒီအခါမျိုးမှာ ကိုယ့်သူငယ်ချင်းအချင်းချင်း ခက်ခက်ခဲခဲ ရန်ပုံငွေရှာရတယ်။ ဆေးသောက် ဖို့တင် မကဘူး သူတို့ရဲ့ နေရေး ထိုင်ရေး၊ စားရေးသောက်ရေး အတွက်ပါပေါ့။

အဲဒီဆေးကလည်း တလစာကို ကျပ် ၂ သောင်းကျော်နဲ့ သုံးသောင်းကနေ ၁ သိန်းနီးပါးတန်အထိ ရှိတယ်။ သူက တသက်လုံး သောက်ရမှာလေ။ လူတယောက်က ၂ သောင်းကျော် ၃ သုံးသောင်းနီးပါးတန် ဆေးနဲ့ တည့်သွားပြီဆိုရင်တော့ ပြဿနာမရှိဘူး။ အဲဒီလိုမဟုတ်ဘဲ အဲဒီဆေးနဲ့ မတည့်ဘူး ဆိုရင်တော့ ဆေးပြောင်းရတယ်။ အဲဒီဆေးက ၇ သောင်းနဲ့ ၁ သိန်းကြားမှာရှိတယ်။ အဲဒီလို လူက ၁၀၀ မှာ ၅ ယောက် လောက်တော့ ရှိတယ်။

လူနာထဲမှာ ကိုယ့်ဘာသာ ငွေကုန်ကြေးကျခံနိုင်တဲ့သူက ၁၀၀ မှာ ၂ ယောက်လောက်ပဲ ရှိတယ်။ ဒီ HIV ရောဂါဆိုတာက ပညာပေးမှုမရရှိတဲ့ သူတွေရယ်။ အသိပညာ ချို့တဲ့တဲ့ သူတွေသာဖြစ်တာကိုး။ အဲဒီလို လူမျိုး ဆိုတာကလည်း စီးပွားရေးကအစ တော်တော်လေးကို ချွတ်ခြုံကျခဲ့တဲ့သူတွေ ဖြစ်တော့ မြန်မာပြည် မှာက ဝယ်သောက်နိုင်တယ် ဆိုတဲ့သူက တော်တော်လေးကို ရှားပါတယ်။ ဘေးက တယောက်ယောက်က ထောက်ပံ့မှ သောက်နိုင်တာလေ။ လူတွေက စားသောက်ဖို့တောင် မနည်း ရုန်းကန် နေရတာ ဆိုတော့ ဒီဆေးဝယ်သောက်ဖို့ ဆိုတာက တော်တော်လေးကို မလွယ်ကူတဲ့ကိစ္စပဲ။

မေး။     ။ အခု မဖြူဖြူသင်း စောင့်ရှောက်နေတဲ့ လူနာတွေနဲ့ ပတ်သက်လို့ ဘယ်လို အခြေအနေရှိလဲ။ လူနာတွေ ထပ်ထပ် တိုးလာလားဆိုတာ ပြောပြပါဦး။

ဖြေ။     ။ တိုးလာတာပေါ့ ..။ လူနာတွေ ထားစရာတောင် နေရာမရှိအောင်ဘဲ။ ကျမတို့က တိုင်းနဲ့ ပြည်နယ်အသီးသီးမှာ ပညာ ပေးနေတာတွေ ဆက်လုပ်တယ်၊ နောက်ပြီး မီဒီယာတွေ ကနေ ပြောတာတွေရှိတယ်။ အဲဒီတော့ ဒါတွေကို နားထောင်မိတဲ့ သူတွေ၊ ကိုယ့်အဖွဲ့အချင်းချင်း ပြောဖြစ်တာတွေကနေ တဆင့် သိကြပြီး အခုနောက်ပိုင်း တော်တော်များများ ရောက်လာကြတယ်။
ကျမတို့ အိမ် ၃ လုံး ရှိတယ်။ လူကအယောက် ၁၀၀ လောက်ရှိတယ်။

တကယ်က အိမ်တလုံးမှာ ၅ ယောက်၊ ၁၀ ယောက် အများဆုံးနေရမှာ။ ဒါပေမယ့် နေရာမရှိတော့ အယောက် ၄၀ လောက်ကို အိမ်တလုံးတည်းမှာ ဖြစ်သလိုပေါ့၊ တချို့ဆို ခြံထဲ နေရာလွတ်ရင် တဲလေးတွေ ထိုးပေါ့ … အဲဒီလိုပဲ နေရတယ်။

မေး။     ။ မြို့ပေါ်မှာဆိုရင် HIV ရောဂါကို လိင်ဆက်ဆံရာကတဆင့်တို့၊ မူးယစ်ဆေးဝါး အကြောထဲ ထိုးသွင်းလို့ဆိုတာမျိုး တို့နဲ့ ကူးစက်တာ အများဆုံးကြားရတယ်။ နယ်ဘက်တွေမှာ ကုလေ့ရှိတဲ့ အပ်ပုန်းထိုးပြီး ဆေးကုပေးသူတွေကြောင့် ကူးစက် တာမျိုးကော ကြားရလား။ ကြုံရလား။

ဖြေ။     ။ ကြုံရတာပေါ့။ ၂၀၀၀ ပြည့်နှစ်ကျော်ကျော် .. အစပိုင်းတုန်းကဆိုရင် လာတဲ့လူနာ ၁၀ ယောက်မှာ ၇ ယောက်၊ ၈ ယောက်လောက်က အပ်ပုန်းကြောင့် ကူးစက်ခံရတာ တွေ့ရတယ်။ မူးယစ်ဆေးကြောင့် မဟုတ်ဘူးနော်။ ရွာတွေမှာ အပ်ပုန်း ဆိုတာက ဆရာဝန်လည်းမဟုတ်ဘူး၊ ဆေးမှူးလည်းမဟုတ်ဘူး ဒီတိုင်း ကုနေကြတာ။ တချို့ရွာတွေမှာ ကြုံနေရတယ်။

ကျမတို့က လူနာတွေကို ပညာပေးရတာပေါ့။ ဒီအပ်က ဘယ်လောက်မှတန်ဖိုးမရှိဘူး၊ တခါသုံးအပ် မသုံးဘဲ ရောဂါ ကူးစက်ရင် ဘယ်လိုလုပ်မလဲ ဆိုတာမျိုး ပြောရတယ်။

ရန်ကုန်ပတ်ဝန်းကျင်၊ တောင်တွင်းကြီး၊ ရေနံချောင်း၊ ချောက် ပတ်ဝန်းကျင်က မြို့ပေါ်မဟုတ်တဲ့ ရွာတွေ၊ နောက်တော့ ခရမ်း၊ သုံးခွ … မြို့နဲ့ တော်တော်လေးဝေးတဲ့ ဒေသတွေ အကုန်လုံး ပါပဲ။ အစောပိုင်းကပေါ့။ မိသားစုလိုက်တွေတောင် ဒီအပ်ကြောင့် ကူးတာတောင် တွေ့ရတယ်။

၂၀၀၂ ကနေစပြီး တခါသုံးအပ်တွေသုံးဖို့ တခြား NGO တွေကော၊ ကျမတို့ပါ ပညာပေးကြတယ်။ ဆရာဝန်တွေကော၊ ကျန်းမာရေးမှူးတွေကော၊ တချို့ အပ်ပုန်းသမားတွေပါ တခါသုံးအပ်တွေ သုံးလာတာ တွေ့ရတယ်။ ဒါပေမယ့် အဲဒီလို သုံးလာတယ် ဆိုတာတောင် နယ်တွေကလူတွေ တက်လာလို့ မေးကြည့်ရင် တချို့နယ်တွေမှာ ဆရာဝန်တွေကိုယ်တိုင် အပ်ကို ပြန်ပြုတ်ပြီး သုံးနေတုန်းပဲ။ ဒါပေမယ့် ခုနောက်ပိုင်းမှာတော့ အပ်ကကူးတာထက် လိင်ဆက်ဆံရာက ကူးစက်နှုန်းက ပိုများလာတာ တွေ့ရတယ်။

မေး။     ။ အခုနောက်ပိုင်းမှာ လိင်နဲ့ ပတ်သက်တဲ့ အလုပ်လုပ်ကိုင် သူတွေက HIV ဖြစ်နှုန်း ပို အဖြစ်များတယ်လို့ ဆိုချင်တာလား။

ဖြေ။     ။ လိင်အလုပ်သမတွေတင် မကတော့ဘူး သာမန်လက်လုပ်လက်စားတွေ၊ သူ့ရဲ့ မိသားစု၊ သူ့ရဲ့ ကလေးတွေပါ ဖြစ်လာ နိုင်တယ်။ အခုနောက်ပိုင်းမှာက ဒီ လိင်အလုပ်လုပ်စားသူတွေက နေရာဒေသ အတည်တကျ မဟုတ်တော့ဘဲ သွားလာ အလုပ် လုပ်ကိုင် စားသောက်နေကြတာလေ။ ဥပမာ ဘုရားပွဲရှိတဲ့ နေရာမျိုးတွေပေါ့။ အဲဒီလိုမျိုး အခြေအနေကနေ ဒီရွာမှာရှိနေတဲ့ ကာလသားလူငယ်တွေ၊ အသိပညာ မပြည့်ဝသူတွေကို ကူးစက်မယ်၊ အိမ်ထောင်သည်လည်း ဖြစ်ချင်ဖြစ်မယ်။ သူတို့ရဲ့ မိသားစုတွေကို ကူးမယ်။ အဲဒါမျိုးတွေ အများကြီးတွေ့ရတယ်။

အခုဆိုရင် တကယ့်ကိုရိုးသားတဲ့ ဧရာဝတီတိုင်းက လယ်ကွင်းထဲမှာ နေနေတဲ့ သူတွေမှာပါဖြစ်နေတယ်။ သူတို့တွေဆိုရင် တကယ့်ကို ဘာအပျော်အပါးမှ မရှိဘူး။ တနှစ်ပတ်လုံး လယ်ထဲဆင်းနေတဲ့ သူတွေမှာပါ ဖြစ်လာတာ။ သူတို့ကတော့ အဓိက စီးပွားရေးပေါ့။ မြန်မာပြည်မှာ စီးပွားရေး အရမ်းကျလာတော့ အမျိုးသမီးတော်တော်များများဟာ ဒီ လိင်အလုပ်သမ အဖြစ် လုပ်ကိုင် လာရတယ်။ နောက်ပြီး သူတို့တွေဆီ အထိ သွားစရာမလိုဘူး၊ သူတို့က ကိုယ့်ဆီကို ရောက်လာတာမျိုးဆိုတော့ ဒီရောဂါ ကူးစက်ဖို့က တော်တော်လေး လွယ်ကူတာ တွေ့ရတယ်။ အိမ်မှာနေရင်းကို ဒီရောဂါ ကူးစက်နေတာပေါ့။

အခုနောက်ပိုင်းမှာတော့… ၁၀ ယောက်လောက်လာရင်၊ ၉ ယောက်လောက်က လိင်ကနေ တဆင့် ကူးတာ ဖြစ်နေတယ်။ ၉၀ ရာခိုင်နှုန်းပေါ့။ တချို့ကတော့ သွေးသွင်းရာကနေ ကူးတယ်။ အပ်ကြောင့် ကူးစက်တာလည်း ခုထိတော့ ရှိနေတုန်းပဲ။

မေး။     ။ ဒီနှစ် ကမ္ဘာ့ AIDS နေ့ရဲ့ ဆောင်ပုဒ်က လူနာတွေကို ခွဲခြားဆက်ဆံတာနဲ့ ပတ်သက်လို့ လူထုကို ပညာပေးထားတာ တွေ့ရတယ်။ အခုလက်ရှိ မြန်မာပြည်မှာ ဒီလို ရောဂါဖြစ်သူတွေကို ခွဲခြားဆက်ဆံ တာမျိုး ရှိနေတုန်းပဲလား။

ဖြေ။     ။ အများကြီးရှိနေပါတယ်။ ကျမတို့အတွေ့အကြုံအရဆို မိသားစုတွေက လက်မခံချင်လို့ ကျမတို့ဆီ ပို့လိုက်တာ အများကြီးပဲ။ တချို့ဆို ကျမတို့ဆီမှာ လူနာတွေ စုနေကြတယ်။ အဲဒီလို စုနေပြီးရင် မိသားစုဆီကို မပြန်ချင်ကြတော့ဘူး။ ဘာလို့လဲ ဆိုတော့ မိသားစုတွေရဲ့ အကြည့်တွေ၊ နားလည်မှု မပေးနိုင် တာတွေကို ခံနိုင်ရည် မရှိကြဘူး။ အခုအချိန်ထိ ပတ်ဝန်းကျင်နဲ့ မိသားစုက ခွဲခြားဆက်ဆံတာတွေ ရှိနေ တုန်းပဲ။ အဲဒါတွေကိုလည်း ကောင်းကောင်း ပညာမပေးနိုင်သေးဘူး။

ကျမတို့ အိမ်တွေငှားတော့မယ် ဆိုရင် … ဒီဝေဒနာသည်တွေ ထားဖို့လို့ ပွင့်ပွင့်လင်းလင်း ပြောလို့ကို မရနိုင် သေးဘူး။ အဲဒီလို ပြောရင် ငှားလို့ကို မရတာ။ အဲဒီလောက်ထိ ဖြစ်နေသေးတာ။ ပြည်သူလူထုရဲ့ အသိက တော်တော်လေး နည်းနေသေးတယ်လို့ ပြောရမှာပဲ။

မေး။      ။ မဖြူဖြူသင်းအနေနဲ့ အခုလို ကမ္ဘာ့ AIDS တိုက်ဖျက်ရေး နေ့မှာ ထူးထူးခြားခြား ပြောချင်တာများရှိပါသလား။

ဖြေ။     ။ ဒီနေ့လို ကမ္ဘာ့ HIV AIDS တိုက်ဖျက်ရေးနေ့မှာ ပြောချင်တာက၊ ကျမတို့ မြန်မာနိုင်ငံက ဝေဒနာသည်တွေက အကုန်လုံး ဘက်စုံခံစားရတာပါ။ ဒီစစ်အာဏာရှင်ရဲ့ လက်အောက်မှာလည်း နေနေရတယ်။ စားဝတ်နေရေးမှာလည်း ချို့တဲ့ကြတယ်။ ဒီတော့ နိုင်ငံတကာက လျစ်လျှူရှုမထားဘဲ ဝိုင်းဝန်းပြီး ကူညီဖြေရှင်းပေးပါ၊ ကျမတို့လို ပြည်တွင်းကလုပ်နေတဲ့ သူတွေ အနေနဲ့လည်း တတ်နိုင် သလောက် ကြိုးစားပြီး လုပ်ကိုင်သွားမယ်လို့ ပြောချင်ပါတယ်။     ။
ဧရာဝတီမှတဆင့်

(က)။ ဧရာ မြန်မာ ယူနီကုဒ် ရဲ့ ရည်ရွယ်ချက်တွေကို ပြောပြပါလား ?
နိုင်ငံတကာမှာ ယူနီကုဒ် လှုပ်ရှားမှုတွေ ၁၉၈၇ ခုနှစ် ကတည်းက စတင် ပေါ်ပေါက်ခဲ့ပြီး၊ ပထမဆုံး Unicode Standard 1.0 ကို ယူနီကုဒ်အဖွဲ့ (Unicode consortium) ကနေ ၁၉၉၂ ခုနှစ် အောက်တိုဘာလမှာ ထုတ်ပြန်ခဲ့ပါတယ်။
အဲဒီနောက် ကမ္ဘာသုံး အက္ခရာဇယား (Universal Character Set) ကို ဆက်လက် ပြုစုကြရာမှာ မြန်မာနဲ့ တိုင်းရင်းသား အက္ခရာတွေကို စနစ်တကျ ဇယားချနိုင်ခဲ့ပေမယ့် အဲဒီဇယားအတိုင်း ရာနှုန်းပြည့် အတိအကျ လိုက်နာတဲ့ ယူနီကုဒ် စာလုံးတွေ ပေါ်ပေါက် မလာတဲ့အတွက် အက္ခရာ စံလွဲတဲ့ ပြဿနာတွေကို ကြုံတွေ့ ခဲ့ရပါတယ်။ ဥပမာ – ကွန်ပြူတာနဲ့ စာစီရာမှာ ဖြစ်စေ၊ ဖောင့် (Font) ပြောင်းရာမှာ ဖြစ်စေ စာလုံးအရွယ်နဲ့ အထားအသို လွဲမှားတာမျိုးတွေ ကြုံခဲ့ရပါတယ်။ ဒါတင်မက အင်တာနက်မှာ မြန်မာလို ရေးကြဖတ်ကြတဲ့ အခါ ဖောင့်စနစ်တွေ မညီညွတ်တဲ့ အတွက် စာလုံးတွေကို မှန်မှန်ကန်ကန် မမြင်ရတာမျိုး၊ database ထဲမှာ မြန်မာလို သိမ်းဆည်းထားတဲ့ အချက်အလက်တွေကို စံနစ်တကျ ပြန်လည် ရှာဖွေရာမှာ အခက်အခဲ တွေ့တာမျိုးတွေ ကိုလည်း ကြုံခဲ့ရကြပါတယ်။ နောက်ပြီး ကွန်ပြူတာ သုံးစွဲသူတွေ အနေနဲ့ မြန်မာစာ ရေးထုံးမှာရှိတဲ့ ပင့်၊ ယစ်၊ ဆွဲ၊ ထိုး ဆိုတဲ့ အဖြည့်အက္ခရာ အတို၊ အရှည်တွေကို ရိုက်နှိပ်ရာမှာ မြောက်များစွာသော အပို ခလုပ်တွေကို ခက်ခက်ခဲခဲ မှတ်သားရှာဖွေ ရိုက်နှိပ်ခဲ့ကြ ရပါတယ်။
ဒါကြောင့် အဲဒီလို အခက်အခဲ တွေကို ပြေလည်သွားအောင် ကြိုးပမ်းတဲ့ အနေနဲ့ မြန်မာယူနီကုဒ် ဆွေးနွေးပွဲ တခုကို နောင်တချိန် ဧရာမြန်မာ ယူနီကုဒ်အဖွဲ့ ဖြစ်လာမယ့် အဖွဲ့က ကမကထ ပြုပြီး ထိုင်းနိုင်ငံ ဇင်းမယ် တက္ကသိုလ်မှာ ကျင်းပခဲ့ပါတယ်။ ၂၀၀၉ ခုနှစ် ဖေဖေါ်ဝါရီလမှာ ပြုလုပ်တဲ့ ဒီဆွေးနွေးပွဲကို မြန်မာနိုင်ငံ ပြည်တွင်း၊ ပြည်ပက ယူနီကုဒ် ပညာရှင်တွေ၊ ဂရပ်ဖစ် ဒီဇိုင်းပညာရှင်တွေ၊ ဘာသာဗေဒ ပညာရှင်တွေနဲ့ ဘလော့ဂ်ဂါတွေ တက်ရောက် ဆွေးနွေးခဲ့ကြပြီး၊ မတက်ရောက်နိုင်တဲ့ ပညာရှင် တချို့ကတော့ ပညာရပ်ပိုင်းဆိုင်ရာ အချက်အလက်တွေကို ပေးပို့ ဆွေးနွေး ခဲ့ပါတယ်။ ဆွေးနွေးပွဲ ပြီးတဲ့နောက်မှာ လည်းပဲ ဧရာမြန်မာ ယူနီကုဒ် အဖွဲ့ဟာ ပြည်တွင်းပြည်ပ ပညာရှင်တွေနဲ့ စဉ်ဆက်မပြတ် ဆက်လက်ဆွေးနွေး ခဲ့ပါတယ်။ အဲဒီနောက် ရလာတဲ့ အကြံဉာဏ်တွေနဲ့ အတွေ့အကြုံတွေ အပေါ် အခြေခံပြီး ဧရာယူနီကုဒ် အဖွဲ့က အားသွန်ခွန်စိုက် ကြိုးပမ်းခဲ့တာကြောင့် ၂၀၀၉ ခုနှစ် စက်တင်ဘာလမှာ ဧရာမြန်မာ ယူနီကုဒ်ရဲ့ ပထမဆုံး ခြေလှမ်းကို လှမ်းနိုင်ခဲ့တာ ဖြစ်ပါတယ်။
(ခ) ။ ဧရာမြန်မာ ယူနီကုဒ် က လက်ရှိ မြန်မာ ယူနီကုဒ် ဖောင့်တွေ အကြားမှာ ဘယ်လို ထူးခြားမှုတွေ ရှိပါသလဲ ?
ယေဘုယျ သဘော ပြောရရင်တော့ ယူနီကုဒ်ဖောင့် တခုနဲ့ တခုကြားမှာ သိပ်ကြီးမားတဲ့ ထူးခြားမှုတွေ မရှိနိုင်ပါဘူး။ ဒါပေမယ့် ဧရာမြန်မာ ယူနီကုဒ်ကို နောက်ဆုံးထွက် Unicode Standard 5.2 နဲ့ အခြေခံပြီး ရေးထားတာရယ်၊ Windows PC တွေက Microsoft Office တို့ Adobe တို့လို အရေးကြီးတဲ့ application တွေမှာ အမှားအယွင်း မရှိပဲ သုံးနိုင်တာတွေ၊ ပါဠိ ပါဌ်ဆင့်တွေ အပြင် အခြား တိုင်းရင်းသား စာပေတွေပါ ပါရှိလာတာ ကတော့ ဧရာမြန်မာ ယူနီကုဒ်ရဲ့ ထူးခြားမှုတွေလို့ ဆိုနိုင်ပါတယ်။ နောက်ပြီး ဧရာမြန်မာ ယူနီကုဒ် စာလုံးတွေ ထွက်လာတဲ့ အချိန်မှာ Microsoft Windows ရဲ့ Internet browser တွေဖြစ်ကြတဲ့ Firefox, Opera, Google Chrome, Safari စတာတွေမှာ ဖောင့်ကို မြုပ်ထားလို့ ရတဲ့ font embedding နည်းစံနစ်တွေ ပူးတွဲ ထွက်ရှိနေခဲ့တာ ဟာလည်း ဧရာမြန်မာ ယူနီကုဒ် စာလုံးများကို သုံးစွဲရာမှာ ပိုမိုအဆင်ပြေ လွယ်ကူ စေခဲ့ပါတယ်။ ဒီထက် ပိုပြီး ထူးခြားတာ ကတော့ ဧရာမြန်မာ ယူနီကုဒ် စာလုံးတွေကို ငွေကြေး အမြတ်အစွန်း အတွက် ထုတ်လုပ်ဖြန့်ချီ ခဲ့တာ မဟုတ်ပဲ အများသုံးအတွက် ရည်ရွယ်ပြီး လွတ်လပ်သော နည်းပညာရင်းမြစ် Open Source အနေနဲ့ ထုတ်လုပ် ဖြန့်ချီခဲ့တာ ဖြစ်ပါတယ်။ ဆိုလိုတာ ကတော့ မူပိုင်ခွင့်ကို ဧရာယူနီကုဒ် အဖွဲ့က ပိုင်ဆိုင်ပေမယ့် ထူးခြားတာက ဧရာယူနီကုဒ် စာလုံးတွေကို ဧရာမြန်မာ ယူနီကုဒ်အဖွဲ့ရဲ့ ခွင့်ပြုချက်နဲ့ ဘယ်သူမဆို လွတ်လွတ်လပ်လပ် ထပ်ဆင့်ပြုပြင် ဖန်တီးခွင့် ပေးထားခြင်းပဲ ဖြစ်ပါတယ်။
(ဂ) ။ ဧရာမြန်မာ ယူနီကုဒ်က ပါဠိ ပါဌ်ဆင့်တွေ အတွက် လုပ်ဆောင် ထားတာလေးတွေကို ရှင်းပြပေးပါလား ?
ပါဠိ ပါဌ်ဆင့်တွေနဲ့ ပတ်သက်လို့ လည်းပဲ ပါဠိဘာသာကို နှံ့စပ်ကျွမ်းကျင်တဲ့ ရဟန်းတော်တွေ၊ ဘာသာဗေဒ ပညာရှင်တွေနဲ့ တိုင်ပင်ညှိနှိုင်းပြီးမှ ဧရာမြန်မာ ယူနီကုဒ် စာလုံးတွေကို ရေးဆွဲခဲ့တာမို့ အသုံးအနည်းဆုံး ပါဠိ အက္ခရာတွေ ကိုပါ အခက်အခဲ မရှိ သုံးစွဲနိုင်မှာပါ။ နောက်ပြီး ပါဠိ အက္ခရာတွေကို နေရာ ချစဉ်က (ဧရာမြန်မာ အက္ခရာတွေကို နေရာချစဉ်က အတိုင်း) ကမ္ဘာသုံး အက္ခရာ ဇယားနဲ့အညီ အတိအကျ နေရာချထား တာကြောင့် စံလွဲတဲ့ ပြဿနာ မရှိနိုင်ပါဘူး။ အကယ်၍ သုံးစွဲသူတွေ အနေနဲ့ လက်တွေ့ သုံးစွဲကြည့်လို့ အခက်အခဲ တစုံတရာ တွေ့လာခဲ့မယ် ဆိုရင်တောင် ဧရာမြန်မာ ယူနီကုဒ် အထောက်အကူပြု အဖွဲ့ကနေ ကူညီဖြေရှင်း ပေးသွား နိုင်မှာပါ။
(ဃ) ။ ဧရာမြန်မာ ယူနီကုဒ် သုံးစွဲသူတွေ အတွက် Font converter လုပ်ဆောင်ထားတယ်လို့ သိရပါတယ်။ အဲ့တာနဲ့ ပတ်သက်ပြီး နည်းနည်းလောက် ရှင်းပြပါလား ?
ဇော်ဂျီ၊ မြန်မာ ၁၊ ယူနီကုဒ် ၅.၁ စာလုံးများ၊ ဝင်းဗားမိစ်၊ ဝင်းအင်းဝ၊ ဘီအိုင်တီ (BIT) ဖောင့်တွေကို အခက်အခဲ မရှိ အပြည့်အဝ ပြောင်းလဲပေးနိုင်တဲ့ Ayar Text Tools ခေါ် font converter တမျိုးးကို ဧရာ ဝဘ်ဆိုဒ်မှာ တင်ပေးဖို့ ရှိပါတယ်။ လောလောဆယ်မှာ Myanmar Text Tool ဆိုတာကို တင်ထား ပေးပါတယ်။ Ayar Text Tools ခေါ် font converter ထဲမှာဆိုရင် ဒေတာဘေ့စ်တွေ အပြင်၊ အက္ခရာစဉ်ခြင်း၊ ဝဏ္ဏဖြတ်ခြင်းများ အတွက်ပါ သုံးစွဲတဲ့ ပရိုဂရမ်တခုကို ဧရာမြန်မာ ယူနီကုဒ် အတွက် အခမဲ့ ဝေငှ ပေးထားပါတယ်။ ဒါနဲ့ ပတ်သက်တဲ့ အကြောင်းအရာကို ရေးသားထားတဲ့ အင်တာနက် စာမျက်နှာလိပ်စာ (link) အတိအကျ ကတော့ http://www.ayarunicodegroup.org/faq/myanmar-text-tools-convertor/#more-212 ဖြစ်ပါတယ်။
(င) ။ ဧရာမြန်မာ ယူနီကုဒ်မှာ တိုင်းရင်းသား စာပေတွေ အတွက်လဲ ပါဝင်တယ်လို့ သိရပါတယ်။ တိုင်းရင်းသား စာပေတွေနဲ့ ပတ်သက်တဲ့ အချက်အလက် တွေကို ပြောပြပေးပါလား ?
မြန်မာ တိုင်းရင်းသား စာလုံးတွေကိုလည်း Unicode Standard 5.2 ကို အခြေခံပြီး ဧရာမြန်မာ ယူနီကုဒ် အဖွဲ့က ဖန်တီး နေပါတယ်။ လောလောဆယ်မှာ ကရင် စာပေအတွက် (စကော ကရင်၊ အရှေ့ ပိုးကရင်၊ အနောက် ပိုးကရင်စာ) တွေ အတွက် ဖန်တီး ပေးထားခဲ့ပြီး ဖြစ်ပါတယ်။ တချို့ တိုင်းရင်းသား ယူနီကုဒ် စာလုံးတွေဟာ စမ်းသပ်တဲ့ အဆင့်တခုကို ရောက်နေပြီမို့ မကြာခင်မှာပဲ ဧရာဝဘ်ဆိုဒ်က တဆင့် သုံးစွဲသူတွေ လက်ထဲကို ဖြန့်ချီပေးနိုင် တော့မှာပါ။ တိုင်းရင်းသား စာပေ အတွက်ကိုလည်း အကောင်းဆုံး ဖြစ်အောင် သေသေချာချာ သုတေသနပြုပြီး သက်ဆိုင်ရာ စာပေနယ်က ပုဂ္ဂိုလ်တွေ၊ ဘာသာဗေဒ ပညာရှင်တွေ နဲ့ တိုင်ပင်လေ့လာ လုပ်ဆောင်လျှက် ရှိနေပါတယ်။ တိုင်းရင်းသား စာပေတွေနဲ့ ပတ်သက်တဲ့ စာလုံးပြောင်း ပရိုဂရမ် font converter တွေကိုလည်း လိုအပ်ချက်တွေ အပေါ် အခြေခံပြီး၊ ကြိုးပမ်း ပေးသွားဖို့ ရှိပါတယ်။
(စ) ။ ဧရာမြန်မာ ယူနီကုဒ် ကို ဘယ်သူတွေကို အတွက် မျှော်မှန်း ထားခဲ့ပါသလဲ။ လက်ရှိမှာရော ဘယ်သူတွေ စတင် သုံးစွဲနေပြီလို့ ပြောလို့ ရပါသလဲ ? ၊ ဘယ်သူတွေ အတွက် အသုံးကျမယ်လို့ မျှော်လင့်ပါလဲ ?
ဧရာ ဝဘ်ဆိုဒ်က တဆင့် ဖောင့်တွေ၊ Keyboard တွေနဲ့ လက်ကွက်တွေကို download လုပ်ကြတဲ့ လူအရေအတွက် စာရင်းကို http://code.google.com/p/ayarunicode/downloads/list?q=label:im နဲ့ http://code.google.com/p/ayarunicode/downloads/list?q=label:ttf မှာ တွေ့နိုင်ပါတယ်။ သို့သော် ဒါဟာ download လုပ်ကြတဲ့ အရေအတွက် စာရင်းသာ ဖြစ်ပြီး ဘယ်လို ပုဂ္ဂိုလ်မျိုးတွေက ဘယ်လို ရည်ရွယ်ချက်နဲ့ သုံးစွဲမယ် ဆိုတာကိုတော့ မှတ်တမ်း တင်ထားနိုင်တာ မရှိလို့ အတိအကျ ပြောနိုင်မှာ မဟုတ်ပါဘူး။
ဧရာမြန်မာ ယူနီကုဒ် စာလုံးတွေဟာ ပုံမှန် ကွန်ပြူတာ စာရိုက်ရာမှာ ဖြစ်စေ၊ ပုံနှိပ်လုပ်ငန်း အတွက် သုံးစွဲရာမှာ ဖြစ်စေ၊ အင်တာနက်ပေါ်မှာ ဖြစ်စေ၊ အမှားအယွင်း မရှိပဲ အလွယ်တကူ သုံးစွဲနိုင်တာကြောင့် ကျောင်းသားတွေနဲ့ ရုံးလုပ်ငန်း လုပ်ကိုင်သူတွေ၊ ကွန်ပြူတာ စာစီစာရိုက် လုပ်ငန်း လုပ်ကိုင်သူတွေနဲ့ ဂရပ်ဖစ် ဒီဇိုင်း ပညာရှင်တွေ အပြင် အင်တာနက် သုံးစွဲကြသူ တွေပါ တစထက် တစ တိုးမြှင့် သုံးစွဲလာကြလိမ့်မယ်လို့ ဧရာမြန်မာ ယူနီကုဒ် အဖွဲ့က ခန့်မှန်းပါတယ်။ ဒါကလည်း မြန်မာစာနဲ့ တိုင်းရင်းသား စာလုံးတွေကို ရေးသား သုံးစွဲကြသူတွေ အားလုံးနဲ့ အကျုံးဝင်တာမို့ ဧရာမြန်မာ ယူနီကုဒ် စာလုံးတွေကို သူတို့ အားလုံးအတွက် ရည်ရွယ် ဖန်တီးထားတာလို့ ပြောနိုင်ပါတယ်။
(ဆ) ။ Microsoft မဟုတ်ဘဲ Mac ခေါ် မက်ကင်တော့ရှ် တို့ လင်းနတ်တို့ မှာရောသုံးလို့ ရပါသလား ?
Mac မှာ ဧရာမြန်မာ ယူနီကုဒ် စာလုံးတွေကို အသုံးပြုတဲ့ အခါ Adobe အုပ်စုဝင် application တွေဖြစ်ကြတဲ့ Photoshop, InDesign နဲ့ Illustrator တို့ကလွဲလို့ တခြား application တွေမှာ ligature ပြဿနာတွေ ရှိနေဆဲ ဖြစ်ပါတယ်။ Mac မှာသုံးတဲ့ Internet browser တွေမှာလည်း ligature ပြဿနာတွေ ရှိနေ ပါသေးတယ်။ ဒါပေမယ့်လည်း Mac Internet browser တွေမှာ ဧရာမြန်မာ ယူနီကုဒ် စာလုံးတွေကို သုံးမယ်ဆိုရင် Safari သုံးတာက Firefox သုံးတာထက် ပိုပြီး အဆင်ပြေပါတယ်။ Mac application တွေနဲ့ browser တွေ အားလုံးမှာ ဧရာမြန်မာ ယူနီကုဒ်စာလုံးတွေကို အခုထက် ပိုပြီး အဆင်ပြေပြေ သုံးနိုင်အောင် ဧရာယူနီ ကုဒ် အဖွဲ့က ဆက်လက် ကြိုးပမ်းနေပါတယ်။
(ဇ) ။ Unicode Standard 5.2 က ဘာလို့များ Unicode Standard 5.1 နဲ့ မတူဘဲေ– နဲ့ြ– က ရှေ့ရောက်သွားတာလဲ ဆိုတာ ရှင်းပြ ပေးပါလား ?
သဝေထိုးနဲ့ ယရစ်ကို ကမ္ဘာသုံး အက္ခရာဇယား (Universal Character Set) အတွင်း နေရာချတဲ့ ကိစ္စမှာ Unicode 5.2 နဲ့ Unicode 5.1 က ကွာခြားမှု မရှိပါဘူး။ တကယ်တော့ သဝေထိုးနဲ့ ယရစ် ကိစ္စဟာ Unicode Standard version ကွာခြားမှုနဲ့ မသက်ဆိုင်ပဲ encoding system ကိစ္စနဲ့သာ သက်ဆိုင်ပါတယ်။ ယူနီကုဒ် အဖွဲ့ (Unicode Consortium) က လောလောဆယ် အတည်ပြုထားတဲ့ မြန်မာစာ ရေးထုံး ဖွဲ့စည်းမှု စံနစ် (Myanmar Character Encoding System) ထဲက သဝေထိုးနဲ့ ယရစ် တွဲဖက် ရေးထုံးကို application အများစုက အသိအမှတ် မပြုကြပါဘူး။ ဒါကြောင့် သဝေထိုးနဲ့ ယရစ် နေရာလွဲတဲ့ ပြဿနာဟာ မြန်မာယူနီကုဒ် စာလုံး စံနစ်တိုင်းမှာ ကြုံတွေ့ နေရတဲ့ ပြဿနာ ဖြစ်ပါတယ်။ ဒီ encoding ပြဿနာကို application တွေက ဖြေရှင်း မပေးသရွေ့ သဝေထိုးနဲ့ ယရစ် ပြဿနာ ရှိနေဦးမှာ ဖြစ်ပါတယ်။ ဒီပြဿနာကို မြန်မာ ယူနီကုဒ် စာလုံး ဖန်တီးသူတွေက ဖြေရှင်းပေးလို့ မရတဲ့ အပြင်၊ ဒီပြဿနာ ပြေလည်သွားတဲ့ အထိ မြန်မာ ယူနီကုဒ် စာလုံးတွေကို ပိုမို ကောင်းမွန်အောင် ထပ်မရေးပဲ ထိုင်စောင့်နေဖို့ ဆိုတာလည်း မဖြစ်သင့်ပါဘူး။ ဒါကြောင့် ဒီပြဿနာကို ချွင်းချက်တခု အဖြစ် လက်ခံပြီး ဧရာယူနီကုဒ် စာလုံးတွေကို ဖန်တီးခဲ့တာ ဖြစ်ပါတယ်။
တကယ်တော့ ဒီလို encoding ပြဿနာမျိုးကို အရှေ့တိုင်းက စာရေးထုံး စံနစ် အများစု – ဥပမာ အိန္ဒိယပြည်သုံး ဒေဝနာဂရီ (Devanagari) နဲ့ တရုတ်၊ ဂျပန်၊ ကိုရီးယား စာရေးနည်း စံနစ်တွေမှာ ကြုံနေရဆဲ ဖြစ်ပါတယ်။ အကယ်၍ Unicode Consortium က လောလောဆယ် အတည်ပြုထားတဲ့ မြန်မာစာ ရေးထုံး စံနစ်ထဲက သဝေထိုးနဲ့ ယရစ် တွဲဖက် ရေးထုံးကို ပြင်ဆင်ပေဖို့ မြန်မာ ယူနီကုဒ် အဖွဲ့တွေက တညီတညွတ်တည်း တောင်းဆိုနိုင်မယ် ဆိုရင်တော့ ဒီပြဿနာကို ရှောင်လွှဲကောင်း ရှောင်လွှဲနိုင်ပါလိမ့်မယ်။ ဘာပဲပြောပြော မြန်မာ လက်နှိပ်စက် စံနစ်ကို အခြေခံတဲ့ ဧရာမြန်မာ ယူနီကုဒ် ရေးထုံးဟာ သဝေထိုးနဲ့ ယရစ် တွဲဖက်ရေးထုံး ကလွဲလို့ ယူနီကုဒ်အဖွဲ့ (Unicode Consortium) က အတည်ပြု ထားတဲ့ မြန်မာစာ ရေးထုံးမူနဲ့ တထပ်တည်း ကျတဲ့အတွက် သိပ်ကြီးမားတဲ့ ပြဿနာ မဟုတ်ဘူးလို့ ဆိုနိုင်ပါတယ်။
(စ်) ။ ဧရာမြန်မာ ယူနီကုဒ် စာလုံး ရဲ့ Normalization အကြောင်း၊ rendering အကြောင်းလည်း ရှင်းပြပေးပါဦး ?
Normalization ဆိုတာ သတ်မှတ်ထားတဲ့ စံ၊ ရေးထုံးအတိုင်း ဖြစ်လာအောင် လုပ်ဆောင်ခြင်းကို ဆိုလိုပါတယ်။ Normalization ဆိုတာထက် Text Normalization ဆိုရင် ပိုပြီး သင့်တော်ပါတယ်။ စာရေးသားသူ တွေက အမျိုးမျိုး ရေးသားထားတဲ့ ပုံစံကို သတ်မှတ်ထားတဲ့ စံအတိုင်း ပြန်လည်း ပြောင်းယူတာကို ဆိုလိုတာပါ။ ဥပမာ အနေနဲ့ ကိုကိုရေ ကို ရိုက်မယ်ဆိုပါတော့ … (တချို့က ကကြီးပြီး၊ လုံးကြီးတင် တချောင်ငင် က–ိ-ု က–ိ-ုရေ လို့ ရိုက်ကြမယ်။ တချို့က ကကြီးပြီး၊ တချောင်ငင်၊ လုံးကြီးတင် က–ု-ိ က–ု-ိ ရေ လို့ ရိုက်ကြမယ်။) အဲဒါတွေကို သတ်မှတ်ထားတဲ့ စံတခု အနေနဲ့ ပြန်လည် ပြုစုတာကို ပြောတာပါ။ ဆိုလိုတဲ့ ရည်ရွယ်ချက်က အသံတူ၊ အကြောင်းတူ အက္ခရာတွေကို လိုအပ်တာထက် ပိုနေရင် ဖြုတ်ပစ်တာမျိုးကို ပြောတာပါ။ ဥပမာ တချောင်းငင် အတိုနဲ့ အရှည်ကို ကြည့်မယ်ဆိုရင် အဓိပ္ပါယ်ရော အသုံးအနှုန်းပါ တူတာကြောင့် Unicode ဇယားမှာ တလုံးတည်းသာ နေရာ ပေးထားတာမျိုးကို ဆိုလိုပါတယ်။ အလားတူပဲ ဝိုက်ချနဲ့ မောက်ချ တွေကိုလည်း တလုံးတည်း ထားနိုင်အောင် ကြိုးစားရပါတယ်။ ဒါပေမယ့် တိုင်းရင်းသား ဘာသာ စကားတခုဖြစ်တဲ့ ပိုးကရင်ရဲ့ ရေးထုံးမှာ မောက်ချကို မဖြစ်မနေ သုံးရမယ့် အနေအထားမျိုးကြောင့် ဝိုက်ချရော၊ မောက်ချကိုပါ Unicode ဇယားမှာ ထည့်ထားရတဲ့ အနေအထားမျိုးလည်း ရှိပါတယ်။
ဧရာမြန်မာ ယူနီကုဒ် စာလုံးတွေဟာ ယရစ် (ြ  ) တခုကလွဲရင် မြန်မာစာရေးထုံး အတိုင်းပဲ အခြေခံ ထားပါတယ်။ ပုံမှန်အားဖြင့် Normalization ဆိုတာကို ကိုတခြား ပရိုဂရမ် တခုအတွင်းမှာ သွားရောက် လုပ်ဆောင်ရတာ ဖြစ်ပါတယ်။ Normalization ကို အတိုင်းအတာ တခုအထိ လုပ်ပေးနိုင်တဲ့ software ကိုလည်း ဧရာ အင်တာနက် စာမျက်နှာမှာ မည်သူမဆို အခမဲ့ ရယူနိုင်အောင်လည်း စီစဉ်နေပါတယ်။ Rendering ရဲ့ အဓိပ္ပါယ်ကို မြန်မာလို ဆီလျော်မယ့် စကားလုံးက ပုံဖော်ခြင်းပါ။ ပရိုဂရမ် အများစုမှာ တိုက်ရိုက်ပုံ ဖော်ပြီးသား မရှိတဲ့ ကိစ္စလိုမျိုး၊ ဥပမာ 3D လိုဟာမျိုးမှာ indirect setup လုပ်ပြီး အချောသတ် ကြည့်လိုတဲ့အခါ rendering လုပ်တဲ့ သဘောပါ။ Rendering မှာ မြန်မာစာ ရေးထုံးအရ အသံတူ၊ အကြောင်းတူ ဖြစ်ပေမယ့် အမြင်အားဖြင့် မတူတဲ့ နေရာတွေမှာ စာလုံးတွေရဲ့ ပုံသဏ္ဌာန်တွေကို အလျဉ်းသင့်သလို ပြောင်းပေးတာမျိုးကို ဆိုလိုခြင်း ဖြစ်ပါတယ်။ အထက်ပါ တချောင်းငင် အတိုအရှည် ဥပမာကိုပဲ ကြည့်မယ်ဆိုရင် တချို့နေရာမှာ တချောင်းငင်ကို အတိုအနေနဲ့ အသုံးပြုပြီး၊ တချို့နေရာတွေမှာ အရှည်ကို အသုံးပြုရတာမျိုးပဲ ဖြစ်ပါတယ်။ ဧရာမြန်မာ ယူနီကုဒ် စာလုံးတွေဟာ ကမ္ဘာသုံး အက္ခရာဇယား (Universal Character Set) အတွင်း နေရာချတဲ့ အတိုင်း လိုက်နာထားပြီး open type rander ကို အခြေခံပြီးတော့ ဖန်တီးထားခဲ့တာလို့ ပြောနိုင်ပါတယ်။
ဥပမာ။
သဏဌာန် လို့ ရိုက်ရင် သဏ္ဌာန်
စဏဍာ လို့ ရိုက်ရင် စဏ္ဍာလ
မဟာသမုဒ္ဒပိဌေ လို့ ရိုက်ရင် မဟာသမုဒ္ဒပိဋ္ဌေ
စတဲ့ စကားလုံးပေါင်း များစွာကို သေချာလေ့လာ စီစစ်ပြီး၊ သုံးစွဲသူတွေ အတွက် များစွာ လွယ်ကူစေမယ့် Auto Rendering များကို ထည့်သွင်းပြုစု ဖန်တီး လုပ်ဆောင် ထားပါတယ်။
(ည) ။ အားသာချက်၊ အားနည်းချက်တွေ ရှိပါသလား ?
ဧရာမြန်မာ ယူနီကုဒ် စာလုံးစံနစ်မှာ အားနည်းချက် တွေရော၊ အားသာချက်တွေပါ ရှိပါတယ်။ လက်ရှိ မြန်မာ ယူနီကုဒ် စာလုံးတွေ အားလုံးရဲ့ အားနည်းချက်က Apple ဖြစ်တဲ့ Mac မှာ ကောင်းကောင်း အလုပ် မလုပ်သေးခြင်း ပါပဲ။ ဧရာမြန်မာ ယူနီကုဒ် စာလုံး စံနစ်မှာလည်း ဒီပြဿနာ ရှိနေဆဲ ဖြစ်ပေမယ့် Mac Adobe application တချို့မှာ အခက်အခဲမရှိ အသုံးပြုနိုင်အောင် ဆောင်ရွက် ပေးထားပါတယ်။ အားသာချက် ကတော့ ဧရာမြန်မာ ယူနီကုဒ် စာလုံးကို နောက်ဆုံးထွက် Unicode 5.2 ကို အခြေခံပြီး ဖန်တီး ထားနိုင်ခဲ့တာ ပါပဲ။ နောက်တခုက ဧရာမြန်မာ ယူနီကုဒ် သုံးစွဲသူတွေဟာ မိမိ စိတ်တိုင်းကျ ဧရာမြန်မာ ယူနီကုဒ် စာလုံးဒီဇိုင်း အမျိုးမျိုးကို ရွေးချယ် သုံးစွဲနိုင်တာကြောင့် သုံးစွဲသူတွေ အနေနဲ့ ပိုပြီး စိတ်တိုင်းကျ နိုင်ပါလိမ့်မယ်။ လက်ရှိ ထွက်ခဲ့ပြီးတဲ့ မြန်မာ ယူနီကုဒ် စာလုံးတွေ မှာ မြန်မာ တိုင်းရင်းသား စာပေတွေအတွက် ထည့်သွင်း ပေးထားတာတွေ မရှိသေးပါဘူး။ ဧရာမြန်မာ ယူနီကုဒ် စာလုံးမှာ အဲ့တာတွေကို ဖြည့်ဆည်း ပေးထားပါတယ်။ ဧရာမြန်မာ ယူနီကုဒ် စာလုံးတွေကို ၂၀၁၀ ခုနှစ် ဖေဖော်ဝါရီ လလောက်မှာ ဆိုရင် ဧရာမြန်မာ ယူနီကုဒ် စာလုံးစနစ် တခုတည်းနဲ့ မြန်မာ တိုင်းရင်းသား စာပေတွေကို ဖတ်ရှု ရေးသားလာနိုင်မှာမို့ ဒါကိုလည်း ဧရာရဲ့ အားသာချက်တခု အဖြစ် ရှုမြင်နိုင်ပါတယ်။
(ဋ) ။ ဆိုလိုတာက ဧရာမြန်မာ ယူနီကုဒ် စာလုံးတလုံး ရှိယုံနဲ့ မြန်မာ တိုင်းရင်းသား စာပေတွေကိုပါ ရေးသားနိုင် ဖတ်ရှုနိုင်မယ်လို့ ပြောတာလား ?
ဟုတ်ပါတယ်။ ဧရာမြန်မာ ယူနီကုဒ် စာလုံးတလုံး ရှိယုံနဲ့ မြန်မာ တိုင်းရင်းသား စာပေတွေကိုပါ ရေးသားနိုင် ဖတ်ရှု နိုင်ပါတယ်။ အဲ့တာမှ ယူနီကုဒ် စာလုံးဆိုတဲ့ ပြည့်ဝတဲ့ ဖန်တီးမှုတခု ဖြစ်လာမှာပါ။ ယူနီကုဒ် စာလုံးများ ဆိုတာ မည်သည့် ယူနီကုဒ် စာလုံးတလုံး ရှိယုံမျှဖြင့် မည်သည့် ဘာသာစကားကို မဆို လွယ်လင့်တကူ ဖတ်ရှုရေးသား နိုင်အောင်ဆိုပြီး စံ သတ်မှတ်ချက် အဖြစ်နဲ့ ယူနီကုဒ် စံ ဆိုပြီး ရေးသားခဲ့တာပါ။ ဧရာမြန်မာ ယူနီကုဒ် စာလုံးတွေမှာ အဲ့တာတွေ အတွက် ယူနီကုဒ် ကွန်ဆိုတီယမ်က သတ်မှတ်ထားတဲ့ ယူနီကုဒ် ၅.၂ ဆိုတဲ့ ဗားရှင်းမှာပါတဲ့ မြန်မာစာ၊ တိုင်းရင်းသား စာတွေအတိုင်း ပြင်ဆင် ပေးထားပါတယ်။ လက်တလော အနေနဲ့ တိုင်းရင်သား စာပေတွေ အားလုံး အတွက် မရေးသား နိုင်သေးမယ့် ၅၀% ဖတ်ရှုနိုင်ပါတယ်။ ယူနီကုဒ် စာလုံးဆိုတာ လူမျိုးတမျိုး၊ စာပေ တခုအတွက် ဖန်တီးပေး နိုင်ယုံမျှနဲ့ ပြည်စုံတယ်လို့ မဆိုလို ပါဖူး။ မြန်မာ ယူနီကုဒ် ဆိုတာနဲ့ မြန်မာ ယူနီကုဒ်အတွက် ပေးထားတဲ့ သတ်မှတ်ထားတဲ့ ဗားရှင်းအလိုက် အချက်အလက်တွေ အားလုံး ပါဝင်မှသာ ပြည်စုံတယ်လို့ ဆိုပါတယ်။ လက်ရှိမည့်သည့် မြန်မာ ယူနီကုဒ် စာလုံးကမျှ မြန်မာ တိုင်းရင်းသား စာပေတွေအတွက် ထည့်သွင်း ပေးထားတာ၊ ရေးသား ဖတ်ရှုနိုင်အောင် စွမ်းဆောင် ပေးနေတဲ့ သူတွေ မရှိသလောက် ပါဘဲ။ အဲဒီလို လိုအပ်ချက်တွေ အားလုံးအတွက် ဧရာမြန်မာ ယူနီကုဒ် အဖွဲ့ဟာ သက်ဆိုင်ရာ ပညာရှင်တွေ အားလုံးနဲ့ သေခြာ တိုင်ပင် လုပ်ဆောင်နေပါတယ်။
(ဌ) ။ ရှေ့ဆက် အစီအစဉ်တွေ စာဖတ်သူတွေကို ပြောပြပေးပါဦးလား ?
ဧရာမြန်မာ ယူနီကုဒ် အဖွဲ့ အနေနဲ့ Apple ဖြစ်တဲ့ Mac မှာပါ ဧရာမြန်မာ ယူနီကုဒ် စာလုံးတွေကို ရာနှုန်းပြည့် သုံးလာနိုင်ဖို့ရယ်၊ တိုင်းရင်းသား ယူနီကုဒ် စာလုံးတွေကို မကြာခင် ဖန်တီး ထုတ်ဝေနိုင်ဖို့ရယ်၊ နောက်ပြီး သုံးစွဲသူတွေ တိုးပွားလာတာနဲ့ အမျှ သူတို့ အတွက် ပံပိုး ကူညီမှုတွေ၊ လိုအပ်ချက် တွေကို အခုထက်ပိုပြီး ဖြည့်ဆည်း ပေးနိုင်ဖို့ရယ်၊ ဒါတွေ အားလုံးဟာ ဧရာမြန်မာ ယူနီကုဒ် အဖွဲ့ရဲ့ ရှေ့ဆက် အစီအစဉ်တွေ ဖြစ်ပါတယ်။
(ဍ) ။ ဧရာမြန်မာ ယူနီကုဒ် စာလုံးများဟာ တခြား ယူနီကုဒ် စာလုံးများလို ဝင်းဒိုးရဲ့ စံနစ်တခုခု hack ထားပါသလား။ အဲ့ဒီ အကြောင်းလေးတွေ ပြောပါပေးပါ ?
ဧရာမြန်မာ ယူနီကုဒ် စာလုံးများဟာ မည်သည့် ဝင်းဒိုးစံနစ်ကို (Windows family of operating systems) မှ ပြင်ဆင်ခြင်း (Hack) ပြုလုပ်ထားတာ မရှိပါဘူး။ အဲ့လို ပြင်ဆင်ခြင်း (Hack) ပြုလုပ်ခြင်းဟာ မှန်ကန်တဲ့ လုပ်ရပ် မဟုတ်ဘူးလို့ ယူဆ မိပါတယ်။ ဧရာမြန်မာ ယူနီကုဒ် အဖွဲ့ အနေနဲ့ အင်စတော်လာ ဖန်တီးပေးရမှာလည်း ဖောင့်နဲ့ လက်ကွက် ၂မျိုးထဲကိုသာ အလွယ်တကူ သုံးစွဲနိုင်အောင် လုပ်ဆောင် ပေးထားသာ ဖြစ်ပြီးတော့ သုံးစွဲသူ ပိုင်ရှင်များ (USER) ရဲ့ ခွင့်ပြုချက် မရှိဘဲ၊ မည်သည့် အချက်အလက် များကိုမှ ပြင်ဆင်ခြင်း၊ ထည့်သွင်းခြင်း မရှိပါဘူး။ ဧရာမြန်မာ ယူနီကုဒ် အင်စတော် (Ayar Installer) တွေရဲ့ ဖိုင်ဆိုဒ်ကို ကြည့်မယ်ဆိုရင် သိသာပါတယ်။ ၁ အမ်ဘီ(1MB)တောင် မပြည့်ပါဘူး။ ဧရာမြန်မာ ယူနီကုဒ်အဖွဲ့ အနေနဲ့ တခြား ဖန်တီးထားခဲ့တဲ့ သူတွေလို ပိုင်ရှင်ရဲ့ နည်းပညာဆိုင်ရာ အားနည်ချက်တွေကို အခွင့်ကောင်းယူပြီး၊ မည်သည့်အခါမှ လုပ်ဆောင်မှာ မဟုတ်သလို၊ သုံးစွဲမည့်သူတွေ အတွက် လိုအပ်မယ့် အချက်အလက် တွေကို နည်းပညာ ထောက်ကူပြု စာမျက်နှာကသာ သုံးစွဲမည့်သူတွေ အတွက် အမှန်တကယ် လိုအပ်မယ့် အချက်အလက်တွေကို ရေးသားတင်ပြ ပေးသွားမှာသာ ဖြစ်ပါတယ်။ ဧရာမြန်မာ ယူနီကုဒ် အဖွဲ့ သုံးစွဲနေသူ ပိုင်ရှင်များရဲ့ နည်းပညာဆိုင်ရာ အားနည်ချက် တွေကို အခွင့်ကောင်းယူပြီး၊ မိမိ ဖန်တီးထားတာမှ ကောင်းတယ် အဆင်ပြေတယ်လို့ ထင်တတ်တဲ့ အဖွဲ့အစည်း မဟုတ်ပါဘူး။ အထက်မှာ ပြောခဲ့သလို လိုအပ်ချက်တွေ အရ စုစည်း ဖန်တီး ပေးထားခဲ့မို့လို့ ဧရာမြန်မာ ယူနီကုဒ် စာလုံးစံနစ်ကြောင့် မည်သည့် ကွန်ပြူတာ စံနစ်ကိုမှ ထိခိုက် ဖျက်ဆီးစရာ မရှိပါဘူး။ အဲ့လောက်နဲ့ဘဲ လုံလောက်ပြီ ထင်ပါရဲ့။
(ဎ) ။ ဧရာမြန်မာ ယူနီကုဒ် အဖွဲ့ အနေနဲ့ စာဖတ်သူတွေကို တခြား ဘာများ ပြောချင်ပါသေးလဲ? ပြောစရာ တွေများ ရှိပါသေးလား ? ပြောစရာများရှိရင် ပြောပါလား ?
ယူနီကုဒ် စာလုံးတွေဟာ မတူညီတဲ့ လိုအပ်ချက်တွေ ရှိကြတဲ့ လူတွေ အားလုံးအတွက် ခြုံငုံ လုပ်ဆောင်ရတာ ဖြစ်လို့ လူတိုင်း အတွက် ဒေါင့်ပေါင်းစုံမှာ ရာနှုန်းပြည့် အဆင်ပြေအောင် လုပ်ပေးနိုင်ဖို့ ဆိုတာ မဖြစ်နိုင် သလောက်နီးပါး ခက်ခဲပါတယ်။ ဒါပေမယ့် ဒါကိုပဲ ကောင်းသော စိန်ခေါ်မှုတခု အဖြစ် ဧရာ ယူနီကုဒ် အဖွဲ့က ခံယူပြီး၊ အောင်မြင်မှု မရ-ရအောင် မဖြစ်မနေ ကျော်လွှားကြဖို့ သံန္နိဋ္ဌာန် ချထားကြပါတယ်။ သို့သော် အဲဒီလို အောင်မြင်မှုမျိုးကို ရနိုင်ဖို့ ဆိုတာက ဧရာမြန်မာ ယူနီကုဒ် အဖွဲ့ အနေနဲ့ ယူနီကုဒ် စာလုံးတွေကို သုံးစွဲကြသူတွေ ထံကရော ဧရာမြန်မာ ယူနီကုဒ်အဖွဲ့ ပြင်ပက ယူနီကုဒ် ပညာရှင်တွေ ထံကပါ အကြံပေး ကူညီမှုတွေ လိုအပ်ပါတယ်။
စောစောက ပြောခဲ့သလိုပဲ ဧရာမြန်မာ ယူနီကုဒ် စာလုံးတွေကို ဖန်တီး တီထွင်တာဟာ စီးပွားရေး အကျိုးအမြတ် တစုံတရာ အတွက် မဟုတ်ပဲ တိုင်းရင်းသား စာပေများ အပါအဝင် ဖြစ်တဲ့ မြန်မာ စာပေလောက၊ မြန်မာ ကွန်ပြူတာ နည်းပညာ လောကနဲ့ (ဘလော့ဂ်ဂါများ အပါအဝင်) မြန်မာ အင်တာနက် လောကတို့ကို နိုင်ငံတကာ အဆင့်မီ ဖွံ့ဖြိုးတိုးတက် စေချင်တဲ့ စေတနာနဲ့ ဖန်တီး တီထွင်ခဲ့တာ ဖြစ်ပါတယ်။ ဒါကြောင့် ဒီသဘောထားမျိုး ရှိသူ မည်သူမဆိုရဲ့ အားပေးကူညီမှုကို ဧရာမြန်မာ ယူနီကုဒ် အဖွဲ့က တန်ဘိုးထားပြီး ကြိုဆိုပါတယ်။
ဧရာမြန်မာ ယူနီကုဒ် အဖွဲ့ဟာ ၂၀၀၉ ခုနှစ်မှာ ဧရာမြန်မာ ယူနီကုဒ် စာလုံးများ ဖြစ်မြောက်ရေး အတွက် စတင် ဆွေးနွေးတိုင်ပင် ခဲ့တဲ့ ရလဒ်တွေကို အကောင်အထည် ဖေါ်ခဲ့တာသာ ဖြစ်ပါတယ်။ လာမည့် ၂၀၁၀ ဖေဖေါ်ဝါရီမှာ ထပ်မံတွေ့ဆုံ စည်းဝေးကြပြီး၊ အားနည်းချက် အားသာချက်တွေကို ပြန်လည်သုံးသပ်ပြီး၊ ဧရာမြန်မာ ယူနီကုဒ် စာလုံး သုံးစွဲသူတွေ အတွက် အကောင်းဆုံးသော ရလဒ်များ ပေးသွားနိုင်အောင် ကြိုးစားနေပါတယ်လို့ ပြောလိုက်ပါရစေ။
အခုလို ဖြေကြားခွင့် ရတဲ့အတွက် လူထုအသံ ဝိုင်းတော်သားတွေကို ကျေးဇူးတင်ပါတယ်။

ဧရာမြန်မာ ယူနီကုဒ် အဖွဲ့
လူထုအသံမှတဆင့်