Category: ၂၀၁၀ရွေးကောက်ပွဲသတင်း


ပြည်ထောင်စု ရွေးကောက်ပွဲ ကော်မရှင် က ပါတီ မှတ်ပုံ တင်ခွင့် ပြုပြီး ဖြစ်သော ၁၉၉ဝ ရွေးကောက်ပွဲဝင် တည်ဆဲ ပါတီ ငါးခု အပါအဝင် စုစုပေါင်း ပါတီ ၂၉ ပါတီ ရှိပြီ ဖြစ်ရာ ယင်း ပါတီများ သည် ပါတီဆိုင်းဘုတ် ထူထောင်ရန် စတင် လုပ်ဆောင် နေပြီ ဖြစ်ကြောင်း တိုင်း ဒေသကြီးများ အခြေစိုက် ပါတီများ ထံမှ စုံစမ်း သိရှိ ရသည်။ ”ကျွန်တော်တို့ ပါတီက အခု ကျိုက္ကဆံလမ်းကို ပြောင်းသွား ပြီ။ အဲဒါ ဒီနေ့ (ဇွန်လ ၁ ရက်နေ့) ပါတီ ဆိုင်းဘုတ် တင်ဖို့စီစဉ် ထားတာ သတင်းစာ မှာတော့ ပါတီ မှတ်ပုံ တင်ခွင့် ပြုကြောင်း တရားဝင်ကြေညာ ထားပြီး ပါပြီ။ ဒါပေမဲ့ ကျွန်တော်တို့ဆီ တရားဝင် အကြောင်းကြားစာ မရောက် သေးတော့ မြို့နယ် ကော်မရှင် မှာ ဆိုင်းဘုတ် တင်လို့ ရမလား စုံစမ်းတော့ သူတို့ဆီ ညွှန်ကြားချက် မရောက် သေးလို့ မတင်ပါနဲ့ဦး ဆိုလို့ ဒီနေ့တော့ မတင်ဖြစ် ဘူး။ ခွင့်ပြုချက် ရတာနဲ့ တင်မှာပါ” ဟု ပြည်ထောင်စု ဒီမိုကရေစီ ပါတီ ဥက္ကဌ ဦးဖြိုးမင်းသိန်းက ရှင်းပြသည်။

မှတ်ပုံ တင်ခွင့် ပြုသော ပါတီ များကို ဧပြီလ ၂၈ ရက်နေ့မှ စ၍ နိုင်ငံပိုင် မီဒီယာ များမှ တစ်ဆင့် တရားဝင် ထုတ်ပြန် ကြေညာ ထားပြီး ဖြစ်သည်။ ယင်းသို့ ထုတ်ပြန် ထားသည့်မှတ်ပုံ တင်ခွင့်ရ ပါတီများ စာရင်းတွင် ၁၉၉ဝ ရွေးကောက်ပွဲဝင် တည်ဆဲ ပါတီ ငါးခု ပါဝင်ပြီး ပါတီသစ် ၁၉ ပါတီ တွင် ကိုးပါတီ မှာ တိုင်းရင်းသား ပါတီများ ဖြစ်ကြောင်း တွေ့ရသည်။

”ကျွန်တော်တို့ ပြည်ထောင်စု ရွေးကောက်ပွဲ ကော်မရှင်ကို စုံစမ်း ကြည့်တော့ အကြောင်း ကြားစာ ပို့လိုက်ပြီ။ မြို့နယ် ကော်မရှင်ဆီမှာ စုံစမ်းဖို့ ပြောတယ်။ အကြောင်း ကြားစာ ရောက်မှ ဆိုင်းဘုတ် ထောင်ခွင့် ရမယ်လို့ ပြောတယ်။ အခု ထိတော့ မြို့နယ် ကော်မရှင်ဆီကို စာ မရောက်သေးဘူး” ဟု ပြည်ထောင်စု ဒီမိုကရေစီ ပါတီ အထွေထွေ အတွင်းရေးမှူး ဦးသိန်းတင်အောင် က ပါတီ ဆိုင်းဘုတ် ထူထောင်ရန် ပြည်ထောင်စု ရွေးကောက်ပွဲ ကော်မရှင် သို့ဆက်သွယ် မေးမြန်း ထားသည်ကို ပြန်လည် ပြောကြား သည်။

ပြည်ထောင်စု ကော်မရှင် က မြို့နယ် ကော်မရှင် ခွဲများ စာရင်းကို ၂ဝ၁ဝ ပြည့်နှစ် မေလ ၆ရက်နေ့က နိုင်ငံပိုင် မီဒီယာများမှ တစ်ဆင့် ထုတ်ပြန် ကြေညာထား ပြီးဖြစ်သည်။ ”ကျွန်မတို့ ပါတီက ဆိုင်းဘုတ်ထောင်ဖို့ လုပ်နေ ပါပြီ။ အခု စာပေ စိစစ် နဲ့မှတ်ပုံတင် ဌာနမှာ မှတ်ပုံတင် လျှောက်ဖို့လုပ်နေတယ်” ဟု ဒီမိုကရက်တစ် ပါတီ (မြန်မာ) အထွေထွေ အတွင်းရေးမှူးချုပ်ဒေါ်သန်းသန်းနုက ဆိုသည်။၂ဝ၁ဝ ပြည့်နှစ် ဇွန်လ ၂ရက်နေ့ အထိ နိုင်ငံရေး ပါတီပေါင်း ၄၂ ပါတီ တည်ထောင် မှတ်ပုံ တင်ခွင့် လျှောက်ထား ခဲ့ပြီး တည်ထောင်ခွင့် လျှောက်ထားသော ပါတီ သစ် ၃၇ ပါတီ တွင် ၁၉၉ဝ ရွေးကောက် ပွဲဝင် တည်ဆဲ ပါတီ ငါးပါတီ နှင့် ပါတီ သစ်၂၇ ပါတီမှာ ပါတီ မှတ်ပုံ တင်ခွင့် လျှောက်ထား ခဲ့ပြီး ယင်း တို့မှ ၁၉၉ဝ ရွေးကောက်ပွဲဝင် တည်ဆဲ ပါတီ ငါးခု အပါ အဝင် ၂၉ ပါတီ ကို မှတ်ပုံ တင်ခွင့် ပြုခဲ့ပြီး ဖြစ်ကြောင်းပြည်ထောင်စု ရွေးကောက်ပွဲ ကော်မရှင် ၏ ဇွန်လ ၁ ရက်နေ့ အထိ ထုတ်ပြန်ထား ချက်များ အရ သိရသည်။

၁၀ . ၆ . ၂၀၁၀ 
(ဟံသာဝတီမှတဆင့်)

ဝန်ကြီးချုပ် ဦးသိန်းစိန် ခေါင်းဆောင်သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP) ကို နိုင်ငံရေး ပါတီအဖြစ် မှတ်ပုံတင်ခွင့် ပြုလိုက်ကြောင်း ပြည်ထောင်စု ရွေးကောက်ပွဲ ကော်မရှင်၏ ထုတ်ပြန်ချက်ကို ယနေ့ထုတ် နိုင်ငံပိုင် သတင်းစာ များတွင် ဖော်ပြထားသည်။

ဝန်ကြီးချုပ် ဦးသိန်းစိန် (ဓာတ်ပုံ – Reuters)

“သူ့ ပါတီနဲ့ ပတ်သက်ပြီး တရားဝင် ထုတ်ပြန်ချက်တွေ ဇွန်လထဲမှာ ထုတ်မယ် ဆိုပြီး USDP ပါတီက ပြည်တွင်း ဂျာနယ် တွေကိုတော့ တလောက ခေါ်ယူ ပြောဆိုခဲ့ ဖူးတယ်”ဟု ပြည်တွင်း အခြေစိုက် ဂျာနယ် သတင်းထောက် တဦးက ပြောသည်။

၂၀၁၀ ရွေးကောက်ပွဲတွင် ၀င်ရောက် ယှဉ်ပြိုင်ရန် ရွေးကောက်ပွဲ ကော်မရှင်တွင် လျှောက်ထားသော ပါတီပေါင်း ၄၂ ပါတီရှိပြီး ၄င်းတို့ အထဲကမှ ကော်မရှင်က ပါတီ တည်ထောင်ခွင့် ခွင့်ပြုချက် ချပေးလိုက်သော ပါတီပေါင်း ၃၃ ပါတီတွင် USDP ကို မှတ်ပုံ တင် အမှတ်စဉ် ၃၂ ဖြင့် ခွင့်ပြုခဲ့ခြင်းဖြစ်ကြောင်း သိရသည်။

ဤအတောအတွင်း USDP ကိုမွေးဖွားပေးလိုက်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး(ကြံ့ဖွံ့)အသင်းသည် ရန်ကုန် တိုင်း ရှိ တချို့မြို့နယ် များတွင် ၎င်းတို့၏အသင်းဆိုင်းဘုတ် ဖြုတ်ချမှုများရှိခဲ့သည်။ ထိုသို့လုပ်ဆောင်ခြင်းသည် အသင်းမှ ပါတီအသွင် လုံးဝ ပြောင်းလဲခြင်း ဟုတ်မဟုတ် ရှင်းရှင်းလင်းလင်း မသိရသေးပါ။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီရုံးချုပ်ကို နေပြည်တော် ဒက္ခိဏသီရိမြို့နယ် ရာဇသင်္ကြန်လမ်းနှင့် စီ လမ်း
ထောင့် မြေကွက်အမှတ် ၅ တွင် ပါတီရုံးချုပ်ဖွင့်လှစ်ထားကြောင်းသိရသည်။

ဧပြီလ ၂၉ ရက်နေ့တွင် လက်ရှိ စစ်အစိုးရ ၀န်ကြီးချုပ် ဗိုလ်ချုပ်ကြီးဟောင်း ဦးသိန်းစိန်နှင့် အပေါင်းအပါ ၀န်ကြီးများ၊ အစိုးရ အရာရှိကြီးများ ၂၆ ဦးတို့သည် ၂၀၁၀ ရွေးကောက်ပွဲတွင် ၀င်ရောက်ယှဉ်ပြိုင်ရန် USDPပါတီကို ဖွဲ့စည်းခဲ့သည်။  

ထိုသို့ စစ်အစိုးရက နိုင်ငံရေးပါတီ ထူထောင်လိုက်ခြင်းအပေါ် လက်ရှိ အစိုးရ ရာထူးတာဝန်များကို မစွန့်လွှတ်ဘဲ ပါတီ ထောင်ခြင်းသည် ရွေးကောက်ပွဲ ဥပဒေများကို ချိုးဖောက်ခြင်းဖြစ်သည်ဟု ပြည်တွင်းပြည်ပမှ ရွေးကောက်ပွဲ စောင့်ကြည့် လေ့လာသူများ၏ ဝေဖန် ထောက်ပြမှုများ ထွက်ပေါ်ခဲ့သည်။
(ဧရာဝတီမှတဆင့်)

ကချင်နိုင်ငံရေးပါတီများ စည်းရုံးခွင့် မရှိနိုင်သေးသည့် ကချင်ပြည်နယ်တွင် တစညပါတီနှင့် ကြံ့ဖွံ့ပါတီတို့က ရွေးကောက်ပွဲဝင်မည့် အမတ်လောင်း ရှာဖွေစည်းရုံးမှုများ လုပ်နေကြောင်း မြစ်ကြီးနားမြို့နေ ကချင်တိုင်းရင်းသား ခေါင်းဆောင်တဦးက ပြောသည်။

၎င်းက “လက်ရှိ ကချင်ပြည်နယ်ထဲမှာ တစညရော ကြံ့ဖွံ့တို့ကပါ လူထု စည်းရုံးရေးထက် အမတ်လောင်း ရှာဖွေ စည်းရုံးရေးကို ပိုပြီး လုပ်နေကြတယ်။ ဒေသခံတွေက မဲပေး ရွေးချယ်နိုင်လောက်တဲ့ ကချင်လူမျိုး၊ ရှမ်းလူမျိုး သြဇာရှိသူတွေထံ ချဉ်းကပ်ပြီး သူတို့ပါတီတွေရဲ့ အမတ်လောင်းလုပ်ဖို့ စည်းရုံးကြတယ်။ နဂိုကတော့ ဒေသခံ ခေါင်းဆောင်တွေဟာ ကချင်ပါတီတွေမှာ ပါဝင်ဖို့၊ ကချင်ပါတီတခုခုရဲ့ အမတ်လောင်းအဖြစ် ဝင်ပြိုင်ဖို့ အားခဲထားကြတာ။ ဒါပေမယ့် စစ်အစိုးရက ကချင်ပါတီတွေကို ပါတီထူထောင်ခွင့်တောင် မပေးသေးတဲ့အောက်မှာ စိတ်ပျက်လာကြတယ်။ တချို့ ဒေသခေါင်းဆောင်တွေကတော့ ဘာပဲဖြစ်ဖြစ် ကိုယ့်လူထုကိုကိုယ် ဖြစ်တဲ့နည်းနဲ့ အကာအကွယ်ပေးရမယ်လို့ စဉ်းစားပြီး တစညနဲ့ ကြံ့ဖွံ့ပါတီက အမတ်လောင်းလုပ်ဖို့ ကမ်းလှမ်းတာကို လက်ခံလိုက်ကြတာတွေ ရှိလာတယ်” ဟု ပြောသည်။

ကချင်ပြည်နယ်တွင် စစ်အစိုးရ၏ လက်ကိုင်တုတ် ကြံ့ဖွံ့ပါတီမှာ နာမည်ပျက်နေပြီး အမတ်လောင်းစည်းရုံးရာတွင် တစည ပါတီက အသာစီးရနေကြောင်း၊ ကချင်ပြည်နယ် ဒေသခံများကလည်း ပါတီထက် လူပုဂ္ဂိုလ်ကိုကြည့်ပြီး ကိုယ်စားလှယ်လောင်း ရွေးချယ်မည့် အနေအထား ရှိနေခြင်းကြောင့် အဆိုပါ ပါတီ (၂) ခု ယခုကဲ့သို့ အမတ်လောင်းရှာနေရခြင်းဖြစ်ကြောင်း ကချင်တိုင်းရင်းသားခေါင်းဆောင်က ပြောသည်။

ယခင် အန်ဒီအေ အဖွဲ့တွင် ခေါင်းဆောင်တာဝန်ယူခဲ့ပြီး ယခုအခါ ညီညွတ်သောဒီမိုကရေစီပါတီ (ကချင်ပြည်နယ်) ထူထောင်ရာတွင် ပါဝင်သူတဦးက “ကျနော်တို့ပါတီ နေပြည်တော်မှာ ဧပြီ (၃ဝ) ကတည်းက ပါတီတည်ထောင်ခွင့် သွားလျှောက်ထားတယ်။ အခု ဇွန် (၈) ရက်အထိ ဘာမှ အကြောင်းပြန်တာ မရှိသေးဘူး။ ပါတီ တည်ထောင်ခွင့်တောင် မရတော့ ဘာစည်းရုံးရေးမှလည်း မလုပ်နိုင်သေးဘူး” ဟု ပြောသည်။

ကေအိုင်အို၊ အန်ဒီအေနှင့် ကချင်အတိုင်ပင်ခံကောင်စီမှ ခေါင်းဆောင်ဟောင်းများဖြင့် ဖွဲ့စည်းထားသည့် ကချင်ပြည်နယ်တိုးတက်ရေးပါတီ သည်လည်း ဧပြီ (၅) ရက်နေ့ကတည်းက ပါတီတည်ထောင်ခွင့် လျှောက်ထားသော်လည်း ပါတီတည်ထောင်ခွင့် မရရှိသေးပေ။

အဆိုပါ ပါတီသည် ရွေးကောက်ပွဲကော်မရှင် မဖွဲ့ခင်ကတည်းက ကချင်ပြည်နယ်အတွင်း မြို့နယ်၊ ကျေးရွာ အတော်များများကို စည်းရုံးရေးဆင်းခဲ့ပြီး ပြည်သူလူထု ထောက်ခံမှု ရရှိထားသည့် ပါတီဖြစ်သည်။

ဒေသခံ ကချင်ခေါင်းဆောင် အတော်များများကလည်း အဆိုပါ ပါတီတွင် ပါဝင်ပူးပေါင်းကြရန် အားခဲထားကြသော်လည်း ကချင်ပါတီများ တည်ထောင်ခွင့်မရသေးသည့်အတွက် တစညနှင့် ကြံ့ဖွံ့ပါတီ အခွင့်အရေး ပိုရသွားသကဲ့သို့ ဖြစ်နေသည်။

ရန်ကုန်အခြေစိုက် နိုင်ငံရေးပါတီကြီးတခုမှ ခေါင်းဆောင်တဦးက “ဒီ ပြည်မကြီးမှာလည်း ဒေါ်အောင်ဆန်းစုကြည်၊ အန်အယ်လ်ဒီ၊ မင်းကိုနိုင်တို့ အပါအဝင် နိုင်ငံရေးသမား အတော်များများ ပါဝင်ခွင့် မရကြဘူး။ ကချင်ပြည်နယ်လို နေရာမျိုးမှာလည်း ကချင်တိုင်းရင်းသားတွေ ပါဝင်ခွင့် မရဘူးဆိုရင် ဒီ ရွေးကောက်ပွဲဟာ ဘယ်လိုမှ တရားမျှတ လွတ်လပ်တယ် ဆိုပြီး မပြောနိုင်ပါဘူး” ဟု ဝေဖန်ပြောဆိုသည်။

စစ်အစိုးရက ရွေးကောက်ပွဲရက်ကို ယခုတိုင်ထုတ်ပြန်ကြေညာခြင်းမရှိသေးဘဲ ယခုအခါ ၂၀၁၀ နှစ်ဝက်ကျိုးလာပြီ ဖြစ်သည့်အတွက် ရွေးကောက်ပွဲ ပါဝင်ယှဉ်ပြိုင်မည့် ပါတီအဖွဲ့အစည်းများအတွက် စည်းရုံးရေးလုပ်ငန်းများ လုပ်ဆောင်ရန် အချိန်လုံလောက်စွာ ရရှိလိမ့်မည်ဟု မထင်ကြောင်း ပြည်တွင်းမှ နိုင်ငံရေးအကဲခတ်တဦးက ပြောကြားသည်။
(ခေတ်ပြိုင်မှတဆင့်)

 ‘နအဖ’ စစ်အစိုးရ ကျင်းပပြုလုပ်မယ့် ရွေးကောက်ပွဲကို ၀င်ရောက် ယှဉ်ပြိုင်ဖို့ ပြင်ဆင်နေတဲ့ နိုင်ငံရေးပါတီတွေရဲ့ စည်းရုံးလှုပ်ရှားမှုတွေနဲ့ ပါတီလုပ်ငန်း စဉ်တွေကို ဒေသဆိုင်ရာ အာဏာပိုင်အဖွဲ့စည်းတွေရဲ့ ခွင့်ပြုချက်ရမှ လှုပ်ရှားခွင့်ရရှိ နေကြရတယ်လို့ သိရပါတယ်။ ပါတီဆိုင်းဘုတ်၊ ပါတီရုံးခန်း အပါအ၀င် ပါတီရဲ့ စည်းရုံးလှုပ်ရှားမှုတွေနဲ့ ပတ် သက်ပြီး ဒေသဆိုင်ရာ ရွေးကောက်ပွဲ ကျင်းပရေးကော်မရှင်ရုံးတွေအပြင် မယက၊ ခရက နဲ့ တရက လို ‘နအဖ’ အုပ်ချုပ်ရေးဆိုင်ရာ အဖွဲ့အစည်းတွေကို အသိပေးပြီး မှ ပြုလုပ်နေကြရပါတယ်။
ဒီလိုပြုလုပ်နေရပုံကို ပါတီထူထောင်ခွင့်ရရှိပြီးဖြစ်တဲ့ အမျိုးသားနိုင်ငံရေး မဟာမိတ်များ အဖွဲ့ချုပ် ဦးအုန်းလွင်က … “ကျနော်တို့အခု ဆိုင်းဘုတ်တင်ရင်လည်း တိုင်းကော်မရှင်၊ မြို့နယ်ကော်မ ရှင်၊ မယက ကျနော်တို့က စာတင်ပြီးမှ လုပ်ရတာ။ နောက်တခါ ကျနော်တို့ သတင်း စာရှင်းလင်းပွဲကို ခန်းမတွေ ဘာတွေငှားပြီးတော့ လုပ်ခွင့်မရှိဘူး။ ကိုယ့်ရုံးခန်းမှာပဲ ကိုယ်လုပ်ရမယ်ဆိုတာ၊ ဌာနချုပ်ဆိုင်းဘုတ် တင်ပြီးမှ မြို့နယ်ဆိုင်းဘုတ် တင်ရမယ် ဆိုတာတို့၊ နောက် မယက အသိအမှတ်ပြုဖို့ စာတင်ဖို့ လိုတယ်ဆိုတာတော့ ကျနော်တို့ သိပ်မကြိုက်ဘူးဗျ။ ဘာဖြစ်လို့လည်းဆိုရင် အစကတည်းက မကျေနပ် ရင် အချက်လက်နဲ့မညီရင် မှတ်ပုံတင်ခွင့် မပေးနဲ့လေဗျာ။ မှတ်ပုံတင်ခွင့်ပေးပြီးမှ ဆိုတဲ့အခါကျတော့ သိပ်မဟုတ်ဘူးလေဗျာ။”
ဒါအပြင် မဲဆွဲစည်းရုံးရေးတွေမှာ ဒေသခံ ထောက်လှမ်းရေးတွေကြောင့် စည်းရုံးရေး အခက်တွေ့ရပုံကိုလည်း ဒီမိုကရက်တစ်ပါတီ ဥက္ကဋ္ဌ ဦးသုဝေက … “တိုင်းမှာတောင်မှပဲ မြို့နယ်တွေထဲမှာဆိုရင် ကျနော်တို့သွားရင် ထောက် လှမ်းရေးတွေက ရောက်နေပြီ။ ထောက်လှမ်းရေးတွေက သူတို့ရောက်နေတော့ တချို့လူတွေကတော့ ထောက်လှမ်းရေး မြင်တဲ့အခါကျတော့ လန့်တာပေါ့နော်၊ အဲဒါ တွေက ရှိတာပေါ့။ အစည်းအဝေး လာမတက်ရဲတာတို့၊ တချို့လူတွေ ပါတီမ၀င်ရဲ တာတို့ ဒါတွေကတော့ ရှိသွားတာပေါ့။ သူတို့ကိုပြောတာ ခင်ဗျားတို့ ဘာလို့လာ တာလဲဆိုတော့ သူတို့အကြောင်းပြတာက သတင်းလာယူတာပါ။ နောက်ပြီးတော့ သူတို့ကို ခိုင်းစရာရှိရင်၊ ကူညီစရာရှိရင် ကူညီရအောင် လာတာပါလို့ သူတို့က တော့ ပြောတာပေါ့။ ဒါပေမယ့် သူတို့ကို လူတွေကတော့ ကြောက်တာပေါ့။”
နိုင်ငံတော်ဝန်ကြီးချုပ် ဦးသိန်စိန် ဦးဆောင်တဲ့ ပြည်ထောင်စုကြံ့ခိုင်ရေးနဲ့ ဖွံ့ရေးပါတီ အပါအ၀င် တစညပါတီတွေရဲ့ စည်းရုံးလှုပ်ရှားမှုတွေနဲ့ ပါတီသစ်တွေရဲ့ စည်းရုံးလှုပ်ရှားခွင့်ကတော့ ကွာခြားမှုများလွန်းတယ်လို့လည်း သိရပါတယ်။ လက်ရှိအခြေအနေတွေမှာတော့ ရွေးကောက်ပွဲပြီးကာလတွေမှာ ‘နအဖ’ စစ်အစိုးရအနေနဲ့ သူတို့မျှော်မှန်းထားတဲ့ ကြံ့ခိုင်ရေးနဲ့ တစည စတဲ့ ပါတီတွေ အနိုင် မရဘဲ အရပ်သားနိုင်ငံရေးပါတီတခုခုက အနိုင်ရခဲ့ရင် အာဏာလွဲပြောင်းပေးပါ့ မလားဆိုတဲ့ ဝေဖန်ချက်တွေလည်း နိုင်ငံရေးလောကအတွင်း ထွက်ပေါ်နေပါတယ်။
ဒါနဲ့ပတ်သက်ပြီးတော့ ဒီမိုကရက်တစ်ပါတီ ဥက္ကဋ္ဌ ဦးသုဝေက သူ့အမြင်ကို အခုလို ပြောပါတယ်။ “၂၀၁၀ ရွေးကောက်ပွဲမှာက စစ်အစိုးရက သူတို့ရဲ့ အခြေခံနေရာတွေကို ယူထားပြီးသား ဖြစ်နေတယ်။ အခြေခံနေရာဆိုတာကတော့ လွှတ်တော်တွေမှာ လေးပုံတပုံကို ယူထားတယ်ပေါ့။ သူတို့အတွက်က သိပ်စိုးရိမ်စရာ မရှိတော့ဘူးထင် တယ်။ ၉၀ ခုနှစ် ရွေးကောက်ပွဲတုန်းကတော့ သူတို့ ရှုံးသွားတယ်ဆိုရင် အာဏာ များ လွှဲပေးလိုက်ရင် သူတို့အတွက် အန္တရာယ်ရှိတယ်လို့ သူတို့ တွက်တာပေါ့နော်။ “အခုတော့ သူတို့က အန္တရာယ်မှ မရှိပဲ။ ဒါကြောင့် ကျနော်ထင်တယ်ပေါ့ နော် ရွေးကောက်ပွဲလည်း တရားမျှတအောင် လုပ်လိမ့်မယ်၊ အာဏာကလည်း ဘယ်သူရသည် ဖြစ်စေ၊ သူတို့ကလည်း သူတို့ဟာသူတို့ ကြိုးစားတော့ သူတို့ လည်း ရချင်ရမှာပေါ့နော်။ မရပဲနဲ့ တခြားပါတီကရရင်လည်း လွှဲပေးလိမ့်မယ်လို့ ထင်တယ်ပေါ့။”
ဒါနဲ့ပတ်သက်ပြီး အမျိုးသားနိုင်ငံရေး မဟာမိတ်များအဖွဲ့ချုပ်က ဦးအုန်း လွင်က လည်း သူ့အမြင်ကို အခုလိုပြောပါတယ်။ “ဟိုတုန်းကConstitution Proof (ဖွဲ့စည်းအုပ်ချုပ်ပုံ အခြေခံဥပဒေမူကြမ်း) မရှိဘူး။ ထင်ယောင်ထင်မှားနဲ့ ဝေေ၀၀ါးဝါးနဲ့ ရွေးကောက်ပွဲ ၀င်ခဲ့ရတယ်၊ အခု Constitution ရှိပြီဗျာ။ အဲဒီ Constitution  ကိုမှ ဖောက်လွဲဖောက်ပြန် လုပ်လို့ရှိရင် ဘယ်သူ့အပြစ်လဲဆိုတာ ကမ္ဘာမှာ ထင်ထင်ရှားရှားနဲ့ ပေါ်လာမှာပေါ့ဗျာ။ အဲဒါက ကျနော်တို့က No one is above law ဆိုတာကိုများ ဖောက်ပြန်ရင် ကျနော်တို့က အဲဒီစာအုပ်ကြီးကို မီးရှို့လိုက်ရုံပေါ့ဗျာ။” လက်ရှိအခြေအနေတွေမှာတော့ ‘နအဖ’ စစ်အစိုးရ ရွေးကောက်ပွဲကျင်းပ ရေးကော်မရှင်ရဲ့ ဇွန်လ ၃ ရက်နေ့ ထုတ်ပြန်ချက်စာရင်းအရ နိုင်ငံရေးပါတီ တည် ထောင်ခွင့်နဲ့ ဆက်လက်တည်ထောင်ခွင့် လျှောက်ထားတဲ့ နိုင်ငံရေးပါတီ စုစုပေါင်း ၄၂ ပါတီရှိပြီဖြစ်ပြီး အဲ့ဒီထဲမှာ ပါတီသစ် ၃၂ ပါတီပါဝင်ပြီး၊ ၂၉ ပါတီကို မှတ်ပုံတင် ခွင့်ပြုပြီးဖြစ်ပေမယ့် ရွေးကောက်ပွဲကျင်းပမယ့် နေ့ရက်ကိုတော့ အတိအကျ ထုတ် ပြန်ကြေညာခြင်း မရှိသေးပါဘူး။

ဒါကာ (မဇ္ဈိမ)။      ။ ရခိုင်ပြည်နယ်ရှိ မြို့နယ် ၃ မြို့နယ်တွင် ၁၉၉ဝ ခုနှစ် ခရိုင်ရွေးကောက်ပွဲ ကော်မရှင်ဟောင်းနှင့် ဥပဒေကျွမ်းကျင်သူ ၂ ဦးက ရွေးကောက်ခြင်းဆိုင်ရာ တရက်တာ သင်တန်းကို ယခုလဆန်းတွင် ပေးခဲ့သည်။

ဘူးသီးတောင်၊ မောင်တောနှင့် ရသေ့တောင်တွင် ရယက ဥက္ကဋ္ဌများနှင့် စာရေးများကို မဲရုံအား ထိန်းသိမ်းစောင့်ကြပ်နိုင်ရန် စစ်တွေခရိုင် ရွေးကောက်ပွဲ ကော်မရှင် အတွင်းရေးမှူး ဦးစည်သူအောင်၊ ခရိုင်လဝကမှူး ဦးမြင့်ဝင်းနှင့် ဥပဒေအရာရှိ ဦးမြင့်သန်းက ရွေးကောက်ပွဲဥပဒေများအား လိုက်လံရှင်းလင်းတင်ပြကာ သင်တန်းပေးခဲ့ခြင်း ဖြစ်သည်။

“ရွေးကောက်ပွဲဆိုင်ရာ နည်းဥပဒေနဲ့ ဥပဒေစာအုပ်ထဲမှာပါတဲ့ မဲရုံထိန်းသိမ်းရေး ပြဋ္ဌာန်းချက်တွေကို သေသေချာချာ နားလည်သဘောပေါက်အောင် ရှင်းပြတာပါ။ မဲရုံ၊ မဲပုံး၊ မဲထည့်တဲ့ လူတွေကို စနစ်တကျနဲ့၊ ဥပဒေနဲ့အညီ လုပ်တတ်အောင် သင်တာပါ” ဟု သင်တန်းတက်ရောက်ခဲ့သူ ဘူးသီးတောင်မြို့မှ ရယက ဥက္ကဋ္ဌ တဦးက မဇ္ဈိမကို ပြောသည်။

ယင်းသင်တန်းများကို ယခုလ ၁ ရက်နေ့တွင် ရသေ့တောင်မြို့ မြို့တော်ခန်းမတွင်လည်းကောင်း၊ ၃ ရက်နေ့တွင် ဘူးသီးတောင်မြို့ မယကရုံးနှင့် ၆ ရက်နေ့တွင် မောင်တောမြို့၌ နံနက် ၉ နာရီမှ ညနေ ၄ နာရီအထိ သင်တန်းများ ပို့ချခဲ့ခြင်း ဖြစ်သည်။

သက်ဆိုင်ရာ မြို့နယ်/ရပ်ကွက် ရွေးကောက်ပွဲ ကော်မရှင်များကို ယခုသင်တန်းပေးထားသည့် ရယက ဥက္ကဋ္ဌနှင့်  ရယက ရုံး စာရေးများထဲမှ ရွေးချယ်ဖွဲ့စည်းသွားဖွယ်ရှိကြောင်း မောင်တောမြို့ မယကရုံးမှ စာရေးတဦးက ပြောသည်။
(မဇ္ဈိမမှတဆင့် ကူးယူသည်)

ဧရာဝတီ Monday, June 07, 2010

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (ကြံ့ဖွံ့) က ရန်ကုန်မြို့တွင်းရှိ  မြို့နယ် ရုံးခွဲတချို့သည် ၎င်းတို့၏ ဆိုင်းဘုတ်များကို ယနေ့ ဖြုတ်ချ ခဲ့ကြောင်း သိရသည်။

တာမွေ၊ မင်္ဂလာတောင်ညွန့်၊ အလုံ၊ ကျောက်တံတားနှင့် ရန်ကင်းမြို့နယ်ရှိ ရုံးများတွင် တပ်ဆင်ထားသော ဆိုင်းဘုတ်များကို  ဖြုတ်ချနေခြင်း ဖြစ်ကြောင်း မျက်မြင်သက်သေများက ဆိုသည်။

ဧပြီလ ၂၉ ရက်နေ့တွင် ကြံ့ဖွံ့အသင်း ခေါင်းဆောင်များဖြစ်သော ဝန်ကြီးချုပ် ဗိုလ်ချုပ်ကြီးဟောင်း ဦးသိန်းစိန်၊ တခြားသော ၀န်ကြီး ၂၆ ဦးနှင့် စစ်တပ်မှ အရာရှိတို့စုစည်းကာ ၂၀၁၀ ရွေးကောက်ပွဲတွင် ၀င်ရောက်ယှဉ်ပြိုင်ရန်  ကြံ့ဖွံ့ ပါတီကို ဖွဲ့စည်းခဲ့သည်။

ယခုကဲ့သို့ ဆိုင်းဘုတ်ဖြုတ်ချခြင်းမှာ ကြံ့ဖွံ့ အသင်းကို နိုင်ငံရေး ပါတီအဖြစ်သို့ လုံးလုံးလျားလျား အသွင်ပြောင်းလဲခြင်း ဟုတ်၊ မဟုတ် ကိုမူ မသိရှိရသေးပေ။

ကြံ့ဖွံ့သည် ၁၉၉၃ ခုနှစ်တွင် လူမှုရေးအဖွဲ့အစည်းအဖြစ် မှတ်ပုံတင်ခဲ့ပြီး စတင် ဖွဲ့စည်းစဉ်က နိုင်ငံရေးနှင့် မပတ်သက်ဟု ဆိုခဲ့သော် လည်း နောက်ပိုင်းတွင် နအဖ၏ နိုင်ငံရေးမူဝါဒများကို အကောင် အထည် ဖော်လာခဲ့ကြောင်း တွေ့ရသည်။

(ဧရာဝတီမှကူးယူသည်။)

ရွေးကောက်ပွဲကျင်းပမည့် နေ့ရက်ကို မသတ်မှတ်သေးသော်လည်း စစ်အုပ်စုကို ထောက်ခံသူများကမူ စည်းရုံးရေးလုပ်ငန်းများကို အင်တိုက်အားတိုက် လုပ်ကိုင်လျက်ရှိသည်။

”မြန်မာ့အလင်း သတင်းစာမှာ ဒေသခံ ခေါင်းဆောင်တွေကို စစ်အစိုးရ ဝန်ကြီးတွေက လက်ဆွဲနှုတ်ဆက်နေတာတွေ၊ ငွေကြေးအကူအညီ ပေးနေတာတွေနဲ့ ဖွံ့ဖြိုးရေးစီမံချက်တွေ၊ ဒေသခံတွေကို မိန့်ခွန်းပြောနေတဲ့ ပုံတွေ၊ သတင်းတွေ အပြည့်ဖော်ပြနေတာ တွေ့ရတယ်” ဟု မြန်မာနိုင်ငံက မကြာခင်သေးခင်က ပြန်ရောက်လာသည့် အနောက်တိုင်း သံတမန်တဦးက မဇ္ဈိမကို ပြောပြသည်။

”ဒါတွေက တကယ်တော့ မဲဆွယ်စည်းရုံးခြင်း တမျိုးပါပဲ။ စစ်တပ်ဟာ ဒေသခံတွေရဲ့ နှလုံးသားကို ဖမ်းစားဖို့ ကြိုးစားနေတာပါ” ဟု သူက ဆက်ပြောခဲ့သည်။
thanshwe
”ဒီနေ့ မြန်မာနိုင်ငံက ဒီမိုကရေစီဟာ နုနယ်သေးတယ်။ ပြီးတော့ ဂရုတစိုက် စိတ်ရှည်ဖို့နဲ့ အာရုံစူးစိုက်ဖို့လည်း လိုပါတယ်” ဟု မြန်မာစစ်တပ် အကြီးအကဲ ဗိုလ်ချုပ်မှူးကြီးသန်းရွှေက သူ၏ ပြီးခဲ့သည့်နှစ် တပ်မတော်နေ့ မိန့်ခွန်းတွင် ပြောသွားခဲ့သည်။ ပြီးခဲ့သည့် ဇန်နဝါရီလမှ လွဲ၍ ဤအကြောင်းအရာနှင့် ပတ်သက်ပြီး ရှားရှားပါးပါး ပြောဆိုခဲ့သော်လည်း သူ့အနေနှင့် နိုင်ငံရေးပါတီများနှင့် နိုင်ငံရေးသမားများကို အာဏာမမက်ကြရန်နှင့် စည်းကမ်းလိုက်နာကြရန် အလိုရှိနေလေသည်။

”ဒီနှစ်ထဲမှာ ရွေးကောက်ပွဲတွေ စနစ်တကျ ကျင်းပဖို့ အစီအစဉ်တွေ ဆွဲနေတုန်းပဲ။ ဒါကြောင့် ပြည်သူလူထု တရပ်လုံးက မှန်ကန်တဲ့ ရွေးချယ်မှုကို လုပ်ရလိမ့်မယ်” ဟု သူက သတိပေးခဲ့သည်။
သို့သော် ရွေးကောက်ပွဲ ဥပဒေနှင့် နိုင်ငံရေးပါတီ အက်ဥပဒေတို့ အတည်မပြုရသေးသော်လည်း ထိုရွေးကောက်ပွဲ အစီအစဉ်များက မြန်မာနိုင်ရှိ အရာအားလုံးကို လွှမ်းမိုးလျက်ရှိသည်။ ယခုအချိန်အထိ ရွေးကောက်ပွဲကျင်းပမည့် ရက်ကိုလည်း အတိအကျ မကြေညာရသေးချေ။

သို့သော် မြန်မာပြည်တဝှန်းတွင် နှစ်ပေါင်း ၂ဝ အတွင်း ပထမဆုံးအကြိမ် ကျင်းပမည့် ရွေးကောက်ပွဲအတွက် တိတ်တဆိတ် ပြင်ဆင်မှုများကို ပြုနေကြသည်။ အစိုးရ အုပ်ချုပ်ရေး ယန္တယားမှာ ယာယီရပ်ဆိုင်းထားပြီး အစိုးရ ဝန်ကြီးများ၊ အရာရှိကြီးများမှာ နိုင်ငံရေး စည်းရုံးမှုများကိုသာ ဦးစားပေး လုပ်ဆောင်နေကြသည်။
”ရွေးကောက်ပွဲအတွက် ကြိုတင်ပြင်ဆင်မှုနဲ့ မဆိုင်တဲ့ အစိုးရဆုံးဖြတ်ချက်တွေ ဘာကိုမှ မလုပ်တော့ဘူး” ဟု အမည်မဖော်လိုသော ထိပ်တန်း ကုလသမဂ္ဂ အရာရှိတဦးက မဇ္ဈိမကို ပြောသည်။ အရေးကြီးသည့် စီမံကိန်းများကို ရွေးကောက်ပွဲများ ပြီးမှသာ စတင်နိုင်မည်ဟု အစိုးရဝန်ကြီးများက အခြား ကုလသမဂ္ဂ အကူအညီပေးရေး အရာရှိတဦးသို့လည်း ပြောပြသည်။

အပတ်စဉ် အစိုးရအဖွဲ့ အစည်းအဝေးကိုလည်း ဗုဒ္ဓဟူးနေ့သို့ ရွေ့ပြောင်းလိုက်ခြင်းအားဖြင့် ဝန်ကြီးများကို ကြာသပတေးမှ တနင်္ဂနွေအထိ တပတ်လျှင် ၄ ရက်၊ ၎င်းတို့ စည်းရုံးရေးအတွက် တာဝန်ကျရာ အရပ်ဒေသများတွင် လာမည့်ရွေးကောက်ပွဲအတွက် နိုင်ငံရေး လုပ်ငန်းများကို လုပ်ဆောင်နိုင်ရန် ခွင့်ပြုခဲ့သည်ဟု ထိပ်တန်း စစ်တပ်အသိုင်းအဝိုင်း အဆိုအရ သိရသည်။ ထိုဆောင်ရွက်ချက်များတွင် သတ်မှတ်ထားသည့် ဒေသခံ လူထုကို လက်ဆောင်ပစ္စည်းနှင့် ငွေကြေးများ ပေးအပ်သည်သာမကဘဲ ရွေးကောက်ပွဲရက် ကြေညာသည့်အခါ စည်းရုံးရေးလုပ်ငန်းများ အမှန်တကယ် လုပ်ဆောင်ရန်အတွက် ငွေကြေးကောက်ခံသည့် လုပ်ငန်းများလည်း ပါဝင်သည်။

ဗိုလ်ချုပ်မှူးကြီးသန်းရွှေက သူ၏ သြဇာကြီးပြီး အဂတိလိုက်စားသော ဝန်ကြီးဦးအောင်သောင်းကို ရွေးကောက်ပွဲ စည်းရုံးရေးများ ကြီးကြပ်ရန်နှင့် စစ်အုပ်စုထောက်ခံသော ကိုယ်စားလှယ်များကို ငွေကြေးထောက်ပံ့ရန် တာဝန်ပေးထားသည်ဟု ဗိုလ်ချုပ်မှူးကြီးနှင့် နီးစပ်သော အသိုင်းအဝိုင်းက ပြောသည်။
thein-sein
သူက ”အဘိုးကြီးရဲ့ လူယုံဖြစ်နေတယ်” ဟု စီးပွားရေးလုပ်ငန်းရှင် ဦးတေဇပိုင် ကုမ္ပဏီတခုမှ အကြီးတန်း မန်နေဂျာတဦးက မဇ္ဈိမကို ပြောသည်။ ”သူ့ရဲ့ လျှို့ဝှက်ရည်မှန်းချက်က စစ်အုပ်စုသဘောကျတဲ့ ကိုယ်စားလှယ်တွေကို ရိုဟင်ဂျာတွေက ထောက်ခံလာအောင်နဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးအသင်းနဲ့ တိုင်းရင်းသား စည်းလုံးညီညွတ်ရေး ပါတီတို့ကို လူထုရဲ့ ထောက်ခံမဲတွေရလာအောင် သေသေချာချာ လုပ်ဆောင်ဖို့ပဲ” ဟု စစ်အစိုးရ အရာရှိတဦးက ပြောသည်။ 

၁၉၉ဝ ခုနှစ် မေလ ၂၇ ရက်နေ့တွင် ကျင်းပခဲ့သော ပြီးခဲ့သည့် ရွေးကောက်ပွဲတွင် အောင်ဆန်းစုကြည်၏ အမျိုးသား ဒီမိုကရေစီအဖွဲ့ချုပ်က မဲအပြတ်အသတ်နှင့် အနိုင်ရခဲ့သည်။ သို့သော် မြန်မာစစ်တပ်က ၎င်းတို့ကို အရပ်သားအစိုးရ ဖွဲ့စည်းရန် မည်သို့မှ ခွင့်မပြုခဲ့ချေ။ ဒီတခါ စစ်ဗိုလ်ချုပ်ကြီးများက ထိုစဉ်က အမှားမျိုး ဆက်လက်မကျူးလွန်ရန် စီစဉ်နေပြီး ဤတကြိမ်တွင် သူတို့ မရှုံးရန် အရာအားလုံးကို တင်းကျပ်စွာ ထိန်းချုပ်ထားသည်။ တချိန်တည်းမှာပင် ၎င်းတို့က လူတိုင်းကို အမှောင်ထဲမှာ ရှိနေစေခဲ့သည်။

”ရွေးကောက်ပွဲနဲ့ နိုင်ငံရေးပါတီ ဥပဒေတွေက အခုဆိုရင် ၉၇ ရာခိုင်နှုန်း ပြီးစီးနေပြီ” ဟု နိုင်ငံခြားရေးဝန်ကြီး ဦးဥာဏ်ဝင်းက အင်ဒိုနီးရှားဝန်ကြီး မာတီ နာတလီဂါဝါကို ဟနွိုင်းရှိ အာဆီယံဒေသဆိုင်ရာ အစည်းအဝေး တခုတွင် ပြောကြားခဲ့သည်။ ”၁ဝဝ ရာခိုင်နှုန်းပြီးဖို့ နောက်ထပ် ၂ လ ဒါမှမဟုတ် ၃ လ ထပ်စောင့်ရလိမ့်မယ်။ ဒါကြောင့် ရွေးကောက်ပွဲဟာ ဒီနှစ် ဒုတိယ ခြောက်လပတ်ထဲမှာမှ ဖြစ်လိမ့်မယ်” ဟု သူက ပြောဆိုကြောင်း သိရသည်။

မြန်မာနှင့် အနီးစပ်ဆုံး မဟာမိတ် တရုတ်နိုင်ငံကလည်း ရွေးကောက်ပွဲသည် ယခုနှစ် နောက်ဆုံး ၃ လ အတွင်း ဖြစ်လိမ့်မည်ဟု ယုံကြည်ကြောင်း တရုတ်သံတမန်များ အဆိုအရ သိရသည်။ ၎င်းရွေးကောက်ပွဲမှာ ၁ဝ ရက် ၁ဝ လ ၂ဝ၁ဝ ခုနှစ်တွင် ဖြစ်လိမ့်မည်ဟု မြို့တော်သစ် နေပြည်တော်ရှိ ထိပ်တန်း စစ်တပ် အသိုင်းအဝိုင်းက မဇ္ဈိမကို ပြီးခဲ့သည့် နှစ်ကုန်ပိုင်းတွင် ပြောကြားခဲ့သည်။ နိုင်ငံရေးပါတီ ၁ဝ ခုသာ ပါဝင်ယှဉ်ပြိုင်ရန် ခွင့်ပြုမည်ဖြစ်ကြောင်း ဝန်ကြီးချုပ်သိန်းစိန်က ပြီးခဲ့သည့် အောက်တိုဘာလအတွင်း ဟွာဟင်း၌ ကျင်းပသည့်  အာဆီယံ ထိပ်သီးဆွေးနွေးပွဲအတွင်း အခြား အာရှခေါင်းဆောင်များကို ပြောကြား
ခဲ့ကြောင်း ထိုအခမ်းအနားသို့ တက်ရောက်ခဲ့သည့် အင်ဒိုနီးရှား သံတမန်တဦးက ပြန်ပြောပြသည်။

သို့သော် အောင်ဆန်းစုကြည်နှင့် ပတ်သက်၍လည်ကောင်း၊ အမျိုးသားဒီမိုကရေစီအဖွဲ့ချုပ်နှင့် ပတ်သက်၍လည်းကောင်း တစုံတရာ ရည်ညွှန်းသွားခြင်း မရှိကြောင်း သူက ဆက်ပြောသည်။

ကိန်းဂဏန်းများအပေါ် သက်ဝင်ယုံကြည်လွန်းသော စစ်အုပ်စု၏ အမူအကျင့်အရ ၁ဝ ရက်၊ ၁ဝ လ၊ ၂ဝ၁ဝ မှာ ပိုမိုဖြစ်နိုင်ကြောင်း လူအများက ခန့်မှန်းနေကြသည်။ အတိတ်တုန်းက စစ်တပ်သည် ၁၉၉ဝ ပြည့် ရွေးကောက်ပွဲ နေ့ရက်နှင့် မြို့တော်သစ်သို့ အလုံးအရင်းဖြင့် ပြောင်းရွေ့သည့်နေ့ အပါအဝင် အရေးကြီးသည့် ဆုံးဖြတ်ချက်များ ချမှတ်တိုင်း ဗေဒင်ဆရာများ၏ တွက်ချက်မှုအပေါ် အခြေခံ၍သော်လည်ကောင်း၊ ထူးခြားသည့် နေ့ရက်များကို အခြေခံ၍သော်လည်ကောင်း ပြုလုပ်လေ့ရှိသည်။ ယခုအခါ ရွေးကောက်ပွဲမှာ ယခုနှစ် မိုးရာသီ ကုန်လွန်ပြီးနောက် အောက်တိုဘာလ သို့မဟုတ် နိုဝင်ဘာလတွင် ကျင်းပရန် သေချာနေပြီး လောလောဆယ် ပြောဆိုနေသော နေ့ရက်မှာ လှည့်စားခြင်းသက်သက်သာ ဖြစ်ကြောင်းလည်း ဖြစ်နိုင်လေသည်။ ရွေးကောက်ပွဲကို လူတိုင်း ပုံမှန်အလုပ်နားရက်ဖြစ်သော တနင်္ဂနွေနေ့တွင် ပြုလုပ်မည်ဆိုသည်ကတော့ သေချာနေသည်။

ရွေးကောက်ပွဲဥပဒေ ကြေညာသည့် အချိန်အထိ ဖြစ်နိုင်ချေရှိသော နိုင်ငံရေးသမားများ ပါဝင်လှုပ်ရှားရန် အနည်းအကျဉ်းသာရှိပြီး သူတို့၏ အချိန်ကို စောင့်ဆိုင်းနေရန်သာ ရှိသည်။ ထိုအချိန်ထိ ရွေးကောက်ပွဲ များကို မည်သို့မည်ပုံ ကျင်းပမည်ကို မည်သူမျှ မသိရှိနိုင်သလို ပိုမိုအရေးကြီးသည့် မည်သူများ ပါဝင်ယှဉ်ပြိုင်မည်ကိုလည်း မသိနိုင်ဘဲ ရှိနေသည်။ တရားဝင်အားဖြင့် ရွေးကောက်ပွဲတွင် ယှဉ်ပြိုင်မည့် ကိုယ်စားလှယ်များအတွက် နိုင်ငံရေးပါတီများ မှတ်ပုံတင်ရန် မရှိသေးဘဲ ထိုသို့ ပြုလုပ်ရန် နိုင်ငံရေး ပါတီများ မှတ်ပုံတင်သည့် ဥပဒေများ ထုတ်ပြန်ပြီး ရွေးကောက်ပွဲနှင့် မဲဆွယ်စည်းရုံးမှုများကို ကြီးကြပ်ရန် ရွေးကောက်ပွဲ ကော်မရှင်ကို ဖွဲ့စည်းပြီးမှသာ ဖြစ်နိုင်လေသည်။

”နိုင်ငံရေးပါတီနဲ့ ရွေးကောက်ပွဲ ဥပဒေများကို နောက်ဆုံးအချိန်အထိ လျှို့ဝှက်ထားလိမ့်မယ်” ဟု ထိုင်းနိုင်ငံ ချင်းမိုင်တက္ကသိုလ်မှ မြန်မာ့အရေး လေ့လာသုံးသပ်သူ ဦးဝင်းမင်းက မဇ္ဈိမကို ပြောသည်။ ”ဖြစ်နိုင်ချေရှိတဲ့ အတိုက်အခံတွေ အားလုံးကို ခြေလှမ်းမှားအောင်နဲ့ စုစည်းချိန်မရအောင် သူတို့ လုပ်ထားလိမ့်မယ်” ဟု ဆက်လက်ပြောသည်။

ပြီးခဲ့သည့် နောက်ဆုံး ရွေးကောက်ပွဲများ ကျင်းပခဲ့သည့် ၁၉၉ဝ ခုနှစ် မေလ ၂၇ ရက်နေ့ မတိုင်မီ လပေါင်း ၂ဝ စောပြီး ရွေးကောက်ပွဲ ဥပဒေကို ထုတ်ပြန်ခဲ့သည်။

စစ်အုပ်စုခေါင်းဆောင်များက ထိုအမှားမျိုး ထပ်မံမကျူးလွန်ရန် သတိကြီးစွာ ထားနေသည်။ သို့သော် ထိုစဉ်ကထက်စာလျှင် နှစ်ပေါင်း ၂ဝ ဖြတ်ကျော်ပြီးသော ယနေ့ မြန်မာပြည်မှာ လွန်စွာ ကွာခြားသွားခဲ့ပြီ ဖြစ်သည်။ ဖိနှိပ်ချုပ်ချယ်မှု၊ စော်ကားမော်ကားပြုမှုနှင့် စီးပွားရေး ချွတ်ခြုံကျမှုတို့က မြန်မာလူမျိုး အများအပြားမှာ စစ်တပ်အပေါ် စိတ်ရှုပ်ထွေးစေပြီး ပိုမိုဒေါသထွက်လာစေသည်။ သို့သော် ၎င်းမှာ ရွေးကောက်ပွဲတွင် စစ်အစိုးရ ဆန့်ကျင်သော ခိုင်မာသည့် ဆန္ဒမဲများအဖြစ် ပြောင်းလဲသွားမည်၊ မသွားမည်ကတော့ စောင့်ကြည့်ရဦးမည့် သဘောရှိသည်။ ဒီမိုကရေစီလိုလားသူများအတွင်း ရွေးကောက်ပွဲ ဝင်ရေး၊ မဝင်ရေးနှင့် ပတ်သက်ပြီး သဘောထား ကွဲလွဲလျက်ရှိသည်။

”စစ်တပ်က တင်းတင်းကျပ်ကျပ် ချုပ်ကိုင်ထားမယ့် ဒီရွေးကောက်ပွဲမှာ ကျနော်တို့ ဘာကြောင့် ဝင်ပြိုင်ရမှာလဲ” ဟု ပြည်ပရောက် မြန်မာများ၏ ပြောရေးဆိုခွင့်ရှိသူ ဦးဇင်လင်းက မဇ္ဈိမကို ပြောသည်။

”ကျနော်တို့ရဲ့ ခေါင်းဆောင် တော်တော်များများဟာ သူတို့ရဲ့ နိုင်ငံရေးလုပ်ဆောင်ချက်တွေကြောင့် အကျဉ်းထောင်တွေထဲ ရောက်နေတဲ့ ဒီလိုအချိန်မျိုးမှာ ဘယ်လိုလုပ် လွတ်လပ်ပြီး တရားမျှတတဲ့ ရွေးကောက်ပွဲတွေ ဖြစ်နိုင်မှာလဲ။ ဖွဲ့စည်းပုံ အခြေခံဥပဒေကို  သူတို့ဘာသာ ရေးဆွဲပြီး လူတိုင်းကို ပြည်သူ့ဆန္ဒခံယူပွဲမှာ အတင်းအကျပ် ထောက်ခံမဲပေးအောင် လုပ်ပြီး (၂ဝဝ၈ ခု မေလမှာ) ပြဋ္ဌာန်းခဲ့တယ်” ဟု သူက ဆက်ပြောသည်။

ရွေးကောက်ပွဲများသည် စစ်အစိုးရအတွက် ဒီမိုကရေစီကျသည့် အရပ်သား အုပ်ချုပ်ရေးကို ပြောင်းလဲသည်ဟု ထင်ယောင်ထင်မှားဖြစ်ရန် အသုံးချခြင်းသက်သက်သာ ဖြစ်ကြောင်း အကဲခတ်အများက ယုံကြည်နေကြသည်။ ဖွဲ့စည်းပုံ အခြေခံဥပဒေအရ လွှတ်တော်နေရာ၏ လေးပုံတပုံကို စစ်တပ် အရာရှိများအတွက် သီးခြားဖယ်ထားသည်။ ပြီးခဲ့သည့်နှစ်က အငယ်တန်း အရာရှိများကို စစ်တပ်၏ လွှတ်တော်အမတ်များအဖြစ် ထမ်းဆောင်ရန် နိုင်ငံရေး၊ စီးပွားရေးပညာရပ်များနှင့် ပတ်သက်၍ ၎င်းတို့အတွက် အဆင့်မြင့် အရာရှိသင်တန်းများ၏ တစိတ်တပိုင်းအဖြစ် အထူး သင်တန်းများ ပို့ချခဲ့သည်ဟု စစ်အစိုးရ အသိုင်းအဝိုင်း၏ အဆိုအရ သိရသည်။  အမျိုးသား ကာကွယ်ရေးကောလိပ်ဟု အမည်ရသည့် ထိပ်တန်း စစ်တက္ကသိုလ်သို့ တက်ရောက်ခဲ့ရသည့် အရာရှိတော်တော်များများမှာ လွှတ်တော်သစ်ရှိ နေရာများအတွက် လျာထားလျက်ရှိသည်။

”၂ဝ၁ဝ မှာ ရွေးကောက်ပွဲဟာ အာဏာရှင်တွေအတွက်ပဲ ဖြစ်လိမ့်မယ်။ သူတို့ကိုယ် သူတို့ စစ်ဝတ်စုံချွတ်ပြီး အရပ်သားပုံစံနဲ့ အာဏာဆက်ယူဖို့ ဖြစ်မယ်” ဟု ထိုင်းနိုင်ငံအခြေစိုက် ဒီမိုကရေစီ လိုလားသည့် အတိုက်အခံ ဦးစိုးအောင်က ပြောသည်။ စစ်အစိုးရ အရာရှိတော်တော်များများက ယခုဖြစ်စဉ်မှာ ရွေးကောက်ပွဲမဟုတ်ဘဲ ရွေးချယ်ပွဲသာ ဖြစ်လိမ့်မည်ဟု သီးခြား ဝန်ခံလေသည်။

”ဒီနှစ်မှာ ရွေးကောက်ပွဲ ရှိတယ်ဆိုပေမယ့် အောင်ဆန်းစုကြည် ဒါမှမဟုတ် သူမရဲ့ ပါတီ ဝင်ပြိုင်သည်ဖြစ်စေ၊ မပြိုင်သည်ဖြစ်စေ အာဏာလွှဲပြောင်းရေးကတော့ ဖြစ်လာစရာ မရှိပါဘူး” ဟု မြန်မာ့အရေးကို အနီးကပ် လေ့လာနေသော တရုတ်သံတမန်တဦးက ဆိုသည်။  ”အားလုံး အရင်အတိုင်းပဲ။ နိုင်ငံရေး အပြောင်းအလဲ ရှိမှာမဟုတ်ဘူး” ဟု ထိပ်တန်း တရုတ်အစိုးရ အရာရှိတဦးကလည်း မဇ္ဈိမကို ပြောပြသည်။

၂ဝ၁ဝ အတွက် အာဏာရယူရန် ပါတီများ ဖွဲ့စည်းခြင်းမရှိဘဲ တရားဝင် ကိုယ်စားလှယ်လောင်းများ ရွေးချယ်ခြင်း မရှိသေးသော်လည်း ရွေးကောက်ပွဲနှင့် မဲဆွယ်စည်းရုံးရန်အတွက် စစ်အစိုးရက ပြင်ဆင် နေခဲ့သည်။ စစ်အစိုးရနှင့် နီးစပ်သည့် စီးပွားရေးသမားများကို စစ်အစိုးရ ကိုယ်စားလှယ်လောင်းကိုသာ ထောက်ခံရန်နှင့် ရန်ပုံငွေ ပံ့ပိုးပေးရန် ညွှန်ကြားထားသည်။ ထို့ကြောင့် အချို့မဲဆန္ဒနယ်များတွင် စီးပွားရေးသမား အချို့အတွက် လျာထားပြီး ငွေကြေး အထောက်အပံ့ကိုလည်း ရယူရန် စီစဉ်ထားသည်။

”ဒီရွေးကောက်ပွဲမှာ ရှုံးလို့မရဘူး” ဟု မြန်မာဝန်ကြီးချုပ် ဗိုလ်ချုပ်ကြီးသိန်းစိန်က ထိပ်တန်း စီးပွားရေးသမား တချို့ကို ပြီးခဲ့သည့်နှစ်က ပြောဆိုခဲ့သည်။ ”တကယ်လို့ ရှုံးခဲ့ရင် လွန်ခဲ့တဲ့ နှစ် ၂ဝ ကြိုးပမ်းခဲ့တာတွေ အလကားဖြစ်သွားမယ်” ဟု ပြောကြောင်း မြန်မာ့စီးပွားရေး အသိုင်းအဝိုင်းနှင့် နီးစပ်သည့် အနောက်တိုင်း သံတမန်များ၏ အဆိုအရ သိရသည်။

ဖြစ်ချင်သောရလဒ် ထွက်ပေါ်လာရေးအတွက် ရွေးကောက်ပွဲများကို အတည်ပြုရန်မှာ စစ်ခေါင်းဆောင်များအတွက် အကြီးမားဆုံး ပြဿနာများဖြစ်သည်။ ရွေးကောက်ပွဲများသာ လွတ်လပ်ပြီး တရားမျှတခဲ့လျှင် ရွေးကောက်ပွဲဝင်မည့်သူများ ထောက်ခံမဲရရန်မှာ ယနေ့ မြန်မာနိုင်ငံတွင် ဖြစ်နိုင်ချေ နည်းနေသည်။ အနည်းဆုံး လက်ရှိ ဝန်ကြီး တဒါဇင်ခန့်ကို ရွေးကောက်ပွဲဝင်ပြိုင်ရန် ဗိုလ်ချုပ်မှူးကြီးက ရွေးချယ်ထားသည်။ ၎င်းတို့မှာ ရွေးကောက်ပွဲတွင် ပါဝင်ယှဉ်ပြိုင်ရန် အစိုးရရာထူးမှ နုတ်ထွက်ရလိမ့်မည်။

အဆိုပါ ဝန်ကြီးများမှာ ၎င်းတို့၏ ဝန်ကြီးဌာနများ အဆင်ပြေချောမွေ့နေစေရန် ယခု ဘဏ္ဍာရေးနှစ်၏ အဆုံးဖြစ်သော ဧပြီလအထိ လက်ရှိရာထူးတွင် ရှိနေရမည်ဖြစ်သည်။ ၎င်းတို့ကို စစ်အစိုးရ၏ လက်ရှိ နိုင်ငံပိုင် လုပ်ငန်းများ ပုဂ္ဂလိကပိုင်အဖြစ် လွှဲပြောင်းပေးခြင်းကို သွက်လက်မြန်ဆန်ရန်နှင့် ဝန်ကြီးဌာနများ၏ ငွေစာရင်းများ မှန်ကန်မှုရှိစေရန် ညွှန်ကြားထားသည်။ ရန်ကုန်ရှိ စစ်အစိုးရ ဝန်ကြီးဌာနများမှ ပိုင်ဆိုင်သော ဧက ၁၁ ဝဝဝ ကျော်ရှိသည့် မြေကွက်များနှင့် အဆောက်အဦးများကို ရောင်းချရန်ရှိကြောင်း မြန်မာခေါင်းဆောင်များနှင့် နီးစပ်သည့် အနောက်တိုင်း စီးပွားရေးသမား တဦး၏ အဆိုအရ သိရသည်။

ထိုကာလအတွက် အုပ်ချုပ်ရေးအာဏာသာရှိပြီး ဥပဒေပြုအာဏာမရှိသော ကြားဖြတ်အစိုးရ တရပ်ကို ဖွဲ့စည်းကာ ရွေးကောက်ပွဲ ကျင်းပချိန်အထိ ၆ လတာ အချိန်အတောအတွင်း အုပ်ချုပ်လိမ့်မည်ဖြစ်ပြီး ၎င်းနောက် ရွေးကောက်ခံ လွှတ်တော်သစ် အစည်းအဝေး မစတင်မီ နောက်ထပ် ၆ လခန့်အတွက်လည်း ဖြစ်လိမ့်မည်။ ”အစိုးရအတွက် တနိုင်ငံလုံးက မဲတွေ ရေတွက်ဖို့နဲ့ နောက်ဆုံး ရလဒ်ကို အတည်ပြုဖို့ သီတင်းပတ်ပေါင်းများစွာ ဒါမှမဟုတ် လပေါင်းများစွာ ကြာလိမ့်မယ်” ဟု မြန်မာပြည်တွင်းရှိ မြန်မာပညာရှင်တဦးက ဆိုသည်။ ထိုကာလမှ မလုံလောက်သေးလျှင် လွှတ်တော်သစ်မှာ အနည်းဆုံး တနှစ်အထိ ကြာမြင့်နိုင်သည်ဟု (လွှတ်တော် ဆောက်လုပ်ရေး) စီမံကိန်းအတွက် အလုပ်လုပ်နေသော မြန်မာဆောက်လုပ်ရေး မန်နေဂျာ ဦးဖေထွန်းက မဇ္ဈိမကို ပြောသည်။

လာမည့် လအနည်းငယ်အတွင်း အစိုးရနှင့် စစ်တပ်အတွင်း အဓိက အပြောင်းအလဲမှာ ဖြစ်ထွန်းလိမ့်မည်။ အစိုးရ အုပ်ချုပ်ရေးယန္တယားကို အဆင်ပြေချောမွေ့စေရန် ဆောင်ရွက်မည်ဖြစ်ပြီး အစိုးရဝန်ထမ်း အများအပြားမှာလည်း ပင်စင်ယူလိမ့်မည်။ ဝန်ကြီးဌာနများကိုလည်း ခွဲခြမ်းပစ်ပြီး ဝန်ကြီး ၁၇ ဦးသာ ကျန်ရှိလိမ့်မည်ဖြစ်သည်။ နိုင်ငံရေးသမား လုပ်ရန်အတွက် ဝန်ကြီး ၂ ဦးမှာ ရာထူးမှ နုတ်ထွက်ခဲ့ပြီး ၎င်းတို့၏ ဝန်ကြီးဌာနများကို အခြားဌာနများနှင့် ပူးပေါင်းပစ်ခဲ့သည်။ ကျန်ဝန်ကြီးများမှာ မြန်မာနှစ်သစ်ကူးကာလ (သင်္ကြန်) အပြီး ဧပြီလ အလယ်ပိုင်းလောက်တွင် ရာထူးမှ နုတ်ထွက်ပြီး နိုင်ငံရေးသမား ဖြစ်သွားလိမ့်မည်။ ၎င်းတို့အားလုံးမှာ လွှတ်တော် ကိုယ်စားလှယ်အဖြစ် မှတ်ပုံမတင်မီ ပိုင်ဆိုင်သမျှကို ကြေညာရလိမ့်မည်ဟု မြန်မာနိုင်ငံရှိ အစိုးရ အသိုင်းအဝိုင်း၏ အဆိုအရ သိရသည်။

နိုင်ငံရေးပါတီ ဥပဒေကြေညာပြီးနောက် လအနည်းငယ်အတွင်း အခြေခံ လူတန်းစားများအတွင်း စစ်အစိုးရကို ထောက်ခံရန် ဗိုလ်ချုပ်မှူးကြီးသန်းရွှေကိုယ်တိုင် လွန်ခဲ့တဲ့ ၁၅ နှစ်က ဖွဲ့စည်းခဲ့သော လူထုအဖွဲ့အစည်းဖြစ်သည့် ကြံ့ဖွံ့မှာ ယခုနှစ် ရွေးကောက်ပွဲများတွင် ဝင်ပြိုင်ရန် ပါတီတရပ်အဖြစ် ဖွဲ့စည်းကြောင်း ကြေညာလိမ့်မည်ဟု မျှော်လင့်ရသည်။

လွန်ခဲ့သည့် နှစ်အနည်းက ပါတီ ၃ ရပ် ဖွဲ့စည်းမည်ဟု စီစဉ်ခဲ့သေးသော်လည်း ယခုအခါ ကြံ့ဖွံ့ လက်အောက်တွင် ပါတီတရပ်သာ ဖွဲ့စည်းမည်ဟု စိတ်ချရသည့် မြန်မာသတင်းရပ်ကွက် အဆိုအရ သိရသည်။ စစ်တပ် အသိုင်းအဝိုင်းအဆိုအရ နိုင်ငံရေးလောကသို့ မဖြစ်မနေ ဝင်ရောက်ရမည့် လက်ရှိဝန်ကြီးများမှာ အဆိုပါ ပါတီသို့ ဝင်ရောက်ရလိမ့်မည်။ တစည (တိုင်းရင်းသား စည်းလုံးညီညွတ်ရေး ပါတီ) မှာလည်း ခေတ်သစ်၏ အစိတ်အပိုင်း တရပ်အဖြစ် တည်ရှိလိမ့်မည်။ ထိပ်သီးစစ်ဗိုလ်ချုပ်ကြီးက စစ်သားနှင့် အစိုးရ ဝန်ထမ်းများကို တစညသည် စစ်တပ်၏ ညီနောင်ပါတီအဖြစ် သဘောထားရန် ညွှန်ကြားထားကြောင်း စစ်ဗိုလ်ချုပ်များနှင့် နီးစပ်သည့် အသိုင်းအဝိုင်းက ဆိုသည်။

လာမည့် လများအတွင်း စစ်တပ်နှင့် အစိုးရအတွင်း အပြောင်းအလဲများ ပေါ်ပေါက်လိမ့်မည်။ အသက် ၆ဝ ပြည့် ပင်စင်ယူရန် ဦးသန်းရွှေက အတင်းအကျပ် စည်းမျဉ်းထုတ်ပြန်သည့်အတိုင်း ထောင်ပေါင်းများစွာ မဟုတ်ခဲ့လျှင် ရာပေါင်းများစွာသော အကြီးတန်း စစ်အရာရှိများကို အနားယူစေပြီး အငယ်တန်း အရာရှိများအတွက် အဆင့်မြင့်ရာထူးများ ရယူရန် စစ်တပ်အတွင်း အပြောင်းအလဲကြီးများ ဖြစ်ပေါ်လိမ့်မည်။ ထိုအချင်းအရာသည် ရွေးကောက်ပွဲများပြီးနောက် ပေါ်ပေါက်လာမည့် ဆက်ဆံရေးသစ်အတွက် အကြီးမားဆုံး ပြင်ဆင်မှု ဖြစ်သည်။

ထုံးစံအားဖြင့် စစ်တိုင်းမှူးများမှာ ဒေသဆိုင်ရာ အရပ်သားအာဏာပိုင်များကို တာဝန်ခံရသည်ဆိုသော်လည်း လွန်ခဲ့သည့် နှစ် ၂ဝ အတွင်း စစ်တပ်၏ အမူအကျင့်မှာ ၎င်းနှင့် ပြောင်းပြန်ဖြစ်သည်။ တချို့ဧရိယာများတွင် ဗဟိုအစိုးရနှင့် ဒေသဆိုင်ရာ အာဏာပိုင်တို့အကြား လုပ်အားပေးခိုင်းစေမှုနှင့် နိုင်ငံတကာ အလုပ်သမား အဖွဲ့ကြီး၏ လုပ်ပိုင်ခွင့်တို့နှင့် ပတ်သက်၍ အငြင်းပွားမှုများ ရှိနှင့်နေပြီဖြစ်သည်။

အဓမ္မ သိမ်းပိုက်ထားသည့် မြေယာများကို ပြန်ပေးရန် အာဏာတည်သည့် အမိန့်ကို ဆန့်ကျင်၍ ဒေသဆိုင်ရာ တရားရုံးတို့က ဆုံးဖြတ်ပြီး မြေယာ ပြန်လည်အပ်နှင်းခံရသည့် လယ်သမားများကို ပိုင်နက်ကျူးလွန်မှုနှင့် တရားစွဲဆိုခြင်းများ ရှိနေသည်။ ဒေသတခုတွင် ဗဟိုအာဏာပိုင်တို့က တရားမဝင် သိမ်းယူမှုအဖြစ် လက်ခံထားပြီး မြေယာ ပိုင်ဆိုင်ခွင့် ရရှိသည့် လယ်သမား ၆ဝ ကျော်မှာ ထောင်ဒဏ်များ ချမှတ်ခံထားရသည်။ ထိုအချင်းအရာများမှာ နောက်လာမည့် ပြဿနာများ၏ အစအဦးသာဖြစ်သည်။
ယခုနှစ် ရွေးကောက်ပွဲဖြစ်စဉ်မှာ ပဋိပက္ခ္ခနှင့် စိုးရိမ်ပူပန်မှုများ တိုးမြင့်လာမည့်သဘော ရှိလေသည်။ မြန်မာဆရာဝန်များ၏ အဆိုအရ အထူးသဖြင့် ရန်ကုန်တွင် ပြည်သူလူထုအကြား လာမည့် ရွေးကောက်ပွဲများနှင့် ပတ်သက်၍ မသေချာမရေရာမှုကြောင့် စိုးရိမ်ပူပန်မှုနှင့် ကြောက်ရွံ့စိတ်များ တိုးပွားလျက်ရှိနေသည်ဟု သိရသည်။

အာရှသံတမန်တချို့၏ အဆိုအရ ရွေးကောက်ပွဲရလဒ်ကို ခန့်မှန်းရန် အလှမ်းဝေးလျက်ရှိသည်။ ”ရွေးကောက်ပွဲ အစီအစဉ်က ရှိနေတုန်းဖြစ်ပေမယ့် သတင်းပတ် ကြာလာတာနဲ့အမျှ စစ်အစိုးရအတွက် ရလဒ်ကို မထိန်းချုပ်နိုင်မှာကို ပိုပိုပြီး စိုးရိမ်နေတယ်” ဟု ရန်ကုန်အခြေစိုက် အာရှ သံတမန်တဦးက ဆိုသည်။

ရွေးကောက်ပွဲ နီးလာသည်နှင့်အမျှ ထိန်းချုပ်မှုနှင့် ကန့်သတ်မှုများ တိုးပွားလာမည့်သဘော ရှိနေသည်။ ကုလသမဂ္ဂ ကိုယ်စားလှယ်များနှင့် နိုင်ငံတကာ အကူအညီပေးရေး လုပ်သားများမှာ တနေ့ထက်တနေ့ ပြည်ဝင်ခွင့်ဗီဇာ ရရန်နှင့် ရန်ကုန်မြို့ပြင်သို့ ခရီးထွက်ခွင့် ရရန်မှာ ခက်ခဲလျက်ရှိသည်။ အကြိမ်ကြိမ် ဝင်ထွက်ခွင့် ဗီဇာမှာ အတိတ်တုန်းက အရာသာဖြစ်ကြောင်း အစိုးရမဟုတ်သည့် အဖွဲ့အစည်းတခုမှ ဝန်ထမ်းတဦးက ဆိုသည်။

ဆင်ဆာဖြတ်တောက်မှုနှင့် သတင်းမီဒီယာကို ထိန်းချုပ်မှုမှာလည်း တင်းကျပ်လျက်ရှိသည်။ ပြည်တွင်း စာစောင်များတွင် ရွေးကောက်ပွဲအကြောင်းကို ဖော်ပြခွင့် ရရှိနေသော်လည်း ပါတီများ ဖွဲ့စည်းသည့် အကြောင်းအရာနှင့် ပတ်သက်၍ ပိတ်ပင်ထားသည်ဟု လွတ်လပ်သည့် သတင်းစာစောင်များမှာ အယ်ဒီတာ အများအပြားက ဆိုသည်။

ရွေးကောက်ပွဲမှာ စစ်အစိုးရအတွက် တကယ့် စမ်းသပ်မှုဖြစ်သည်။ သို့သော် အဓိကကျသည့် ကိစ္စရပ်မှာ မြန်မာလူမျိုးများက ရွေးကောက်ပွဲဖြစ်စဉ်ကို မည်သို့ ယူဆသနည်း ဆိုသည့်အပေါ် မူတည်လေသည်။ ”ဒီစစ်အစိုးရ (လူတွေကို)  ကြောက်ရွံ့အောင် အုပ်ချုပ်ထားပေမယ့် (ရွေးကောက်ပွဲ) ရလဒ်ကို စစ်တပ်က အလွန်အကျွံ လှည့်စားတယ်လို့ ယူဆကြရင် အီရန်လို တုံ့ပြန်မှုမျိုး မဖြစ်ဘူးလို့ မပြောနိုင်ဘူး” ဟု ရွေးကောက်ပွဲဝင်ရန် ပြင်ဆင်နေသော လူငယ်နိုင်ငံရေးသမား တဦးက ဆိုသည်။ သို့သော် ဖမ်းဆီးခံရမည့် အရေးကြောင့် သူ၏ အမည်ကို ထုတ်ဖော်ပြောဆိုရင် ငြင်းဆန်ခဲ့သည်။
မဇ္ဈိမမှတဆင့်

မြစ်ကြီးနားမြို့ရှိ အစ္စလာမ်ဘာသာဝင်များထံမှ ၂ဝ၁ဝ ရွေးကောက်ပွဲတွင် မဲရရှိရေးအတွက် ကြံ့ခိုင်ဖွံ့ဖြိုးရေး အဖွဲ့ဝင်များက ယခုလဆန်းမှစ၍ ကြိုးပမ်းဆောင်ရွက်နေသည်။

ခရစ်ယာန်ဘာသာဝင် အများဆုံး ကိုးကွယ်ကြသော ကချင်ပြည်နယ်တွင် ဝင်ရောက်ရွေးချယ်ခံရန် လျာထားသူ ဆက်သွယ်ရေး၊ စာတိုက်နှင့် ကြေးနန်းဝန်ကြီး ဗိုလ်မှူးချုပ်သိန်းဇော်ကို မဲထည့်ကြရန် သူ၏အကိုဖြစ်သူ ဦးခင်မောင်လတ် ဦးဆောင်သည့် အဖွဲ့က ဗလီဝတ်ကျောင်းများ၌ စည်းရုံးနေသည်။

“ငြိမ်းချမ်းမှု၊ ဘာသာပေါင်းစုံ အခွင့်အရေး တန်းတူညီမှုကို လက်ရှိ စစ်အစိုးရ လက်ထက်မှာပဲ ရခဲ့တယ်။ အဲဒီအတွက် ၂၀၁၀ ရွေးကောက်ပွဲမှာလည်း အခု စစ်အစိုးရကနေပြီးမှ ရွေးကောက်ပွဲကိုဝင်ဖို့ တင်မြှောက်လိုက်တဲ့ ကြံ့ခိုင်ရေး ကိုယ်စားပြုထားတဲ့ ဗိုလ်မှူးချုပ် သိန်းဇော်ကို မဲထည့်ဖို့ ဆွယ်တရားပေါ့” ဟု ဗလီကျောင်းတွင် နားထောင်ခဲ့ရသူတဦးက မဇ္ဈိမကို ပြောသည်။
USDA_flag
မြစ်ကြီးနားဇာတိဖြစ်သူ ဦးခင်မောင်လတ် (မဆလ – မြို့နယ်ကောင်စီ အတွင်းရေးမှူးဟောင်း) နှင့်အတူ ကချင်ပြည်နယ် ကြံ့ဖွံ့အမှုဆောင် ဒေါက်တာခင်မောင်ထွန်း၊ ဗိုလ်မှူးဟောင်း မြင့်ဆွေ၊ အငြိမ်းစား ဒုဗိုလ်မှူးကြီး မျိုးဆွေတို့ အဖွဲ့က လူနည်းစု အစ္စလာမ်ဘာသာဝင်များကို ဟောပြော စည်းရုံးသည်။

မြစ်ကြီးနားမြို့တွင် တရားဝင် ခွင့်ပြုထားသော ရပ်ကွက် ၇ ခုရှိ ဗလီဝတ်ကျောင်း ၇ ခုအနက် ရပ်ကွက် ၃ ခုတွင် ဟောပြောခဲ့ပြီးဖြစ်ကြောင်း သိရသည်။ ဗလီ ၃ ခုပေါင်းလျှင် ပုံမှန်အားဖြင့် ဝတ်တက်သူ ၇၀၀ ဦးခန့်ရှိကြောင်း၊ ဝတ်ပြုခြင်း ပြီးဆုံးသည်အထိ စောင့်ဆိုင်း၍ ဟောပြောခြင်းဖြစ်ပြီး မဖြစ်မနေ နားထောင်ကြရကြောင်း သိရသည်။

‘အောင်နန်း’ ရပ်ကွက်တွင် ယခုလ ၁ ရက်နေ့၊ ‘ကျွန်းပင်သာ’ တွင် ၈ ရက်နေ့၊ ‘ခေမာသီရိ’ တွင် ၁၅ ရက်နေ့ အသီးသီးဖြစ်သည်။ ‘မင်းရပ်’ ရပ်ကွက်တွင် ယနေ့ ဟောပြောရန် ရှိသော်လည်း အစီအစဉ် ပျက်သွားကြောင်း ရပ်ကွက်နေ အစ္စလာမ်ဘာသာဝင်တဦးက ပြောသည်။

ဗိုလ်မှူးချုပ်သိန်းဇော်သည် မြစ်ကြီးနားမြို့ စီတာပူရပ်ကွက်၊ ဒူကထောင်ရပ်ကွက်၊ နောင်နန်းကျေးရွာ၊ ရွှေစက်ကျေးရွာ၊ ရှဒေါင်ကျေးရွာ စသည့် ရပ်ကွက်-ကျေးရွာ ၁၈ နေရာတွင် ‘စေတနာပြည့်ဖြိုး’ အခမဲ့ ဆေးခန်းများနှင့် ‘ပါရမီ’ အခမဲ့ ဆေးပေးခန်းများ  ဖွင့်လှစ်ထားကြောင်း မြို့ခံက ပြောသည်။

စစ်အစိုးရက ၂ဝ၁ဝ ရွေးကောက်ပွဲ ဥပဒေ ထုတ်ပြန်ခြင်း မရှိသေးသော်လည်း ကြံ့ဖွံ့အပါအဝင် နိုင်ငံရေးပါတီနှင့် အသင်းအဖွဲ့အချို့မှာမူ မဲဆွယ်စည်းရုံးရေးလုပ်ငန်းများ လုပ်ဆောင်ခွင့်ရနေသည်။

ကချင်ပြည်နယ် တိုးတက်သောပါတီ Kachin State Progressive Party (KSPP) ကလည်း ကချင်ပြည်နယ် အတွင်း ရွေးကောက်ပွဲဝင်ရန် ပြင်ဆင်နေပြီး ကချင်ပြည်နယ်အတွင်းရှိ မြို့နယ် ၁၈ ခု သို့ စည်းရုံးရေးခရီး လှည့်လည်သွားရောက်ခဲ့ပြီး ဖြစ်သည်။

မြန်မာနိုင်ငံတွင် ဗုဒ္ဓဘာသာ ၄၆ သန်း၊ ခရစ်ယာန်ဘာသာ ၃ သန်း၊ အစ္စလမ်ဘာသာဝင် ၂ သန်း၊ ဟိန္ဒူ ဘာသာဝင် ၃ သန်း ရှိသည်ဟု စစ်အစိုးရ ထုတ်ပြန်သည့် စာရင်းများက ဆိုသည်။
မဇ္ဈိမမှတဆင့်

ငြိမ်းအဖွဲ့များကို နယ်ခြားစောင့်တပ်ဖွဲ့များအဖြစ် အသွင်ပြောင်းရန် စစ်အစိုးရ၏ ကမ်းလှမ်းချက်ကို အဆိုပါအဖွဲ့များက ငြင်းဆန်ခဲ့အပြီး နှစ်ဖက်ကြား တင်းမာနေကြသော်လည်း အေးဆေး ငြိမ်သက်လျက် ရှိသည်ဟု အကဲခတ်များ၏ အပြောအရ သိရသည်။

စစ်အစိုးရနှင့် လက်နက်ကိုင် အပစ်ရပ်အဖွဲ့များအကြား မြင်သာထင်သာရှိသော တင်းမာမှုများ ရှိမနေသော်လည်း စစ်အစိုးရက နောက်တလှမ်း လှမ်းရန်အတွက် ဆက်လက်ပြီး လျှို့ဝှက် ပြင်ဆင်နေသည်ဟု တရုတ်-မြန်မာနယ်စပ်အခြေစိုက် စစ်ရေးလေ့လာသူ ဦးအောင်ကျော်ဇောက ယမန်နေ့က မဇ္ဈိမကို ပြောသည်။

”သူတို့ (စစ်အစိုးရ) က အခုတော့ ငြိမ်နေတာပဲ။ အပစ်ရပ်အဖွဲ့တွေကို ဘယ်လိုဖြိုခွဲရမယ်ဆိုတာ သူတို့ စဉ်းစားနေကြတာ၊ အခြေအနေက သူတို့ ကနဦး ထင်ထားသလောက် မလွယ်ဘူးဖြစ်နေတယ်” ဟု ဦးအောင်ကျော်ဇောက တွက်ချက်ပြောဆိုသည်။

khin-nyunt-pao-yu-chang

ဖြုတ်ထုတ်ခံရသော ဝန်ကြီးချုပ် ဗိုလ်ချုပ်ကြီး ခင်ညွှန့်နှင့် UWSA ခေါင်းဆောင် ပေါက်ယူချန်း

စစ်အစိုးရသည် အပစ်ရပ်အဖွဲ့ ၁၇ ဖွဲ့ကို စစ်အစိုးရ အုပ်ချုပ်မှုအောက်တွင် ထားရှိမည့် နယ်ခြားစောင့် တပ်များအဖြစ် ပြင်ဆင်ဖွဲ့စည်းရေး အတွက် ၂ဝဝ၉ ခုနှစ် ဧပြီလက စတင် ကမ်းလှမ်းခဲ့သည်။

ဒီမိုကရေစီသစ်တပ်မတော် – ကချင် (NDA-K) အပါအဝင် ငြိမ်းအဖွဲ့အနည်းငယ်က အဆိုပါ ကမ်းလှမ်းချက်ကို လက်ခံခဲ့ကြသော်လည်း ပိုမိုအင်အားကြီးမားသော ဝ’ပြည် သွေးစည်းညီညွတ်ရေး တပ်မတော် (UWSA)၊ ကချင်လွတ်မြောက်ရေးအဖွဲ့ (KIA) ကဲ့သို့သော အဖွဲ့ကြီးများက လက်မခံ ငြင်းဆန်ခဲ့ကြသဖြင့် စစ်အစိုးရ၏ အစီအစဉ် ရပ်တန့်သွားခဲ့ရသည်။

အပစ်ရပ်အဖွဲ့အားလုံး လိုအပ်သော အပြောင်းအလဲများ ပြုလုပ်ထားကြရန် နောက်ဆုံးရက်အဖြစ် ၂ဝဝ၉ ခုနှစ် အောက်တိုဘာလကို စစ်အစိုးရက အစောပိုင်းတွင် သတ်မှတ်ထားခဲ့သော်လည်း အဖွဲ့ အများအပြားက အဆိုပါ အစီအစဉ်ကို ငြင်းဆန်ခဲ့ကြပြီးနောက်ပိုင်းတွင် နောက်ဆုံးရက်ကို ၂ဝဝ၉ ခုနှစ်ကုန်အထိ ရွှေ့ဆိုင်းပေးခဲ့ရသည်။

”ဒီအဖွဲ့တွေကို အကြမ်းကိုင်လို့ မရဘူးဆိုတာ သူတို့သိသွားတော့ အခု သူတို့ (စစ်အစိုးရ) မဟာဗျူဟာကို အချိန်ယူပြန်စဉ်းစားနေရပြီ” ဟု ဦးအောင်ကျော်ဇောက ပြောသည်။

အဖြေပေးရန် သတ်မှတ်ထားသည့် နောက်ဆုံးရက် ကျော်လွန်လာခဲ့ပြီဖြစ်သော်လည်း စစ်အစိုးရနှင့် လက်နက်ကိုင် အပစ်ရပ်အဖွဲ့တို့အကြား အခြေအနေမှာ အေးချမ်းလျက်ပင်ရှိသေးကြောင်းနှင့် နှစ်ဖက်စလုံးက လုံခြုံရေးများ တိုးမြှင့်လုပ်ဆောင်သည့် အနေအထားများ မတွေ့ရသေးကြောင်း ထိုင်းအခြေစိုက် ရှမ်းသံတော်ဆင့်သတင်းစဉ် (SHAN) ၏ အယ်ဒီတာ ဦးစိန်ကြည်၏ အပြောအရ သိရသည်။

”စစ်အစိုးရဘက်က လက်လျှော့သွားတယ်လို့တော့ ကျနော်မထင်ဘူး။ ဒါပေမဲ့ကျနော်ထင်တာ သူတို့က နောက်တလှမ်းလှမ်းဖို့ အခု အသာနောက်ဆုတ်ထားလိုက်တယ်လို့ ထင်တယ်” ဟု ဦးစိန်ကြည်က ပြောသည်။

စစ်အစိုးရအနေဖြင့် အပစ်ရပ်အဖွဲ့များအပေါ် အဓိက စစ်ရေးထိုးစစ်ကြီးများ လုပ်လိမ့်မည် မဟုတ်သော်လည်း စစ်အစိုးရ အသုံးပြုမည့် အမြင်သာဆုံး မဟာဗျူဟာမှာ အဆိုပါအဖွဲ့များကို ခွဲထုတ်ပစ်လိုက်ရန် ကြိုးစားကာ အလွယ်တကူ အနိုင်ရအောင် ကြိုးပမ်းမည့် အလားအလာရှိနေသည်ဟု သူက ပြောသည်။

ပြီးခဲ့သည့်နှစ် သြဂုတ်လအတွင်းက စစ်အစိုးရက ကိုးကန့်တပ်မတော်ဟုလည်း သိကြသော ဖုန်ကျားရှင် ဦးဆောင်သည့် မြန်မာအမျိုးသား ဒီမိုကရက်တစ် မဟာမိတ်တပ်မတော် (MNDAA) ကို ဝင်ရောက်တိုက်ခိုက်ခဲ့ရာ အဆိုပါအဖွဲ့အတွင်း ဖုန်ကျားရှင် ဦးဆောင်သော အဖွဲ့နှင့် ပိုင်စိုချိန် ဦးဆောင်သော အဖွဲ့ဟူ၍ အောင်မြင်စွာ ခွဲထုတ်နိုင်ခဲ့သည်။

ထို့နောက် စစ်အစိုးရက ပိုင်စိုချိန်ကို ကိုးကန့်အဖွဲ့၏ ခေါင်းဆောင်သစ်အဖြစ် တင်မြှောက်ခဲ့ပြီး ဖုန်နှင့် အဖွဲ့ကိုမူ တရားခံပြေးများအဖြစ် ကြေညာခဲ့သည်။ ဤအဖြစ်အပျက်ကို အကဲခတ်များက လက်နက်ကိုင် တိုင်းရင်းသားများကို အနိုင်ယူရာတွင် စစ်အစိုးရ အသုံးပြုလေ့ရှိသည့် စံကျသော နည်းပရိယာယ်တရပ်အဖြစ် ပြောဆိုကြသည်။

ထိုအဖြစ်အပျက် ဖြစ်ပွားပြီးနောက် စစ်အစိုးရက သူတို့တပ်ဖွဲ့ အမြောက်အမြားကို UWSA အဖွဲ့ ထိန်းချုပ်ရာ နယ်မြေအနီး ရှမ်းပြည်မြောက်ပိုင်းတွင် ပြောင်းရွှေ့တပ်စွဲစေခဲ့သည်။ ထို့ကြောင့် အကြီးဆုံး လက်နက်ကိုင် အပစ်ရပ်အဖွဲ့နှင့် စစ်အစိုးရတပ်ဖွဲ့များအကြား ကြီးမားသော စစ်ပွဲကြီးတရပ် မကြာမီ ပေါ်ပေါက်တော့မည်ဟု ခန့်မှန်းတွေးဆမှုများ ပေါ်ပေါက်လာစေခဲ့သည်။

သို့သော် ထိုသို့ နှစ်ဖက်လုံးမှ စစ်ရေးပြင်ဆင်မှုများရှိနေပြီး နယ်ခြားစောင့်တပ်အရေး မပြီးပြတ်သေးသော်လည်း ဝ’တပ်ဖွဲ့ကိုသော်၎င်း၊ အခြားအပစ်ရပ်အဖွဲ့များကိုသော်၎င်း၊ စစ်အစိုးရက ထိုးစစ်ဆင် တိုက်ခိုက်မည့် အရိမ်အယောင်များ ပြသခဲ့ခြင်း မရှိဟု ဦးစိန်ကြည်က ပြောသည်။

”လက်နက်ကိုင် အပစ်ရပ်အဖွဲ့တွေအပေါ် ကြီးကြီးမားမား ထိုးစစ်ဆင်တိုက်ခိုက်မယ့် အလားအလာ မရှိဘူးလို့ ကျနော် ထင်တယ်။ သူတို့မှာလည်း ၂ဝ၁ဝ ရွေးကောက်ပွဲအတွက် ပြင်ဆင်နေရတာနဲ့ အလုပ်ရှုပ်နေကြတာ။ ဖြစ်နိုင်တာ အပစ်ရပ်အဖွဲ့တွေနဲ့ ကိစ္စကို နောက်မှကိုင်မယ်။ ပထမတော့ အစိုးရသစ်ဖွဲ့ရေး ကိစ္စကိုပဲ အရင်လုပ်လိမ့်မယ်လို့ ထင်တယ်” ဟု သူက ဆက်လက်ပြောဆိုသည်။

အလားတူပင် KIO က စစ်အစိုးရ၏ နယ်ခြားစောင့်တပ်ဖွဲ့ရေး အဆိုပြုချက်ကို ငြင်းဆန်လိုက်သော်လည်း နှစ်ဖက်အကြား စစ်ပွဲဖြစ်ပွားမည့် အရိပ်အယောင် မတွေ့ရသေးကြောင်းဖြင့် ထိုင်းအခြေစိုက် ကချင်သတင်းဌာန အယ်ဒီတာ နော်ဒင်းက ပြောသည်။

”အခုလောလောဆယ် ရွေးကောက်ပွဲကိစ္စနဲ့ အလုပ်ရှုပ်နေတာကြောင့် စစ်ရေးအရ ထိုးစစ်ဆင်တာက စစ်အစိုးရအတွက် နောက်ဆုံးလမ်း ဖြစ်လိမ့်မယ်။ ကျနော်ထင်တယ်၊ ဒီကိစ္စကို နောက်မှဖြေရှင်းဖို့ စစ်အစိုးရက ခဏခေါက်ထားလိမ့်မယ်” ဟု နော်ဒင်းက ပြောသည်။

သို့သော် အပစ်ရပ်အဖွဲ့များကိစ္စ စစ်အစိုးရက အလျှော့မပေးမှာကတော့ သေချာကြောင်းနှင့် ဤအဖွဲ့များ အပေါ် သူတို့သြဇာတည်အောင် အနှေးနှင့် အမြန်ဆိုသလို နည်းပရိယာယ်များ ချမှတ် လုပ်ဆောင် လာလိမ့်ဦးမည်ဟု သူက ဆက်လက်ပြောဆိုသည်။

သို့သော် အခြားတဖက်တွင် အပစ်ရပ်အဖွဲ့များဘက်က ကြည့်လျှင် သူတို့ ဆယ်စုနှစ်ပေါင်းများစွာ တိုက်ပွဲဝင် လာခဲ့သော အရေးကိစ္စကို အလျှော့ပေးလိုက်သလိုဖြစ်မည့် အဆိုပါ ကမ်းလှမ်းချက်ကို လက်ခံရန်မှာ လွန်စွာ ခဲယဉ်းလှကြောင်း သူက ဆိုသည်။

စစ်အစိုးရ၏ နယ်ခြားစောင့်တပ်အဖြစ် အသွင်ပြောင်းလဲရေး အဆိုပြုချက်အရ တပ်ရင်းတရင်းစီတွင် အင်အား ၃၂၆ ဦး ရှိမည်ဖြစ်ကာ မြန်မာ့တပ်မတော်ဘက်မှ စစ်သား ၃ဝ ဦး ပါဝင်မည်ဖြစ်သည်။

တပ်ဖွဲ့ဝင်အားလုံး၏ လစာကို ဗဟိုအစိုးရက ထုတ်ပေးမည်ဖြစ်ကာ အုပ်ချုပ်မှုအရလည်း မြန်မာ့ တပ်မတော်၏ လက်အောက်တွင်ပင် ရှိမည်ဖြစ်သည်။
မဇ္ဈိမမှတဆင့်

ရွေးကောက်ပွဲဥပဒေ မကြေညာသေးဘဲ နှောင့်နှေးနေခြင်းကြောင့် မိမိတို့အနေဖြင့် မည်သူ့ကို ကိုယ်စားလှယ်လောင်းအဖြစ် ရွေးချယ်ရမှန်းမသိ ဖြစ်နေသည်ဟု စစ်အစိုးရကျင်းပပေးမည့် ရွေးကောက်ပွဲတွင် ဝင်ရောက်ယှဉ်ပြိုင်ရန် စိုင်းပြင်းနေသော ရန်ကုန်အခြေစိုက် နိုင်ငံရေးပါတီတခုက ယနေ့ မချင့်မရဲ ပြောကြားလိုက်သည်။

ရွေးကောက်ပွဲဥပဒေကို မကြေညာသေးသဖြင့် မိမိတို့ ဒီမိုကရက်တစ်ပါတီအနေဖြင့် ကျင်းပမည့် ရွေးကောက်ပွဲတွင် ပါဝင်ယှဉ်ပြိုင်နိုင်ပါ့မလားဟုပင် ပါတီခေါင်းဆောင်ပိုင်းအနေဖြင့် မရေမရာ ဖြစ်နေရကြောင်းနှင့် ပါတီဖွဲ့စည်းတည်ထောင်ရာ၊ ရွေးကောက်ပွဲအတွက် မဲဆွယ်စည်းရုံးရေးလုပ်ငန်းများ လုပ်ဆောင်ရာတွင် အချိန်အကန့်အသတ်ဖြင့်သာ ရှိနေမည့်အတွက်ကြောင့်ဖြစ်ကြောင်း ဒီမိုကရက်တစ် ပါတီ၏ အထွေထွေအတွင်းရေးမှူး ဒေါ်ချိုချိုကျော်ငြိမ်းက မဇ္ဈိမကို ပြောသည်။

”ကျမတို့ကြားတာက ရွေးကောက်ပွဲဥပဒေကို ရွေးကောက်ပွဲနေ့မတိုင်ခင် ၃ လအလိုလောက်မှ ကြေညာမယ်လို့ ကြားတယ်။ ဒါတကယ်မှန်ရင် ဝင်ပြိုင်ဖို့ ခက်မှာပါ။ ဒါကြောင့် ကျမတို့ရပ်တည်ချက်ကို ပြန်သုံးသပ်၊ ပြန်စဉ်းစားနေရပါတယ်” ဟု သူက ပြောသည်။

ဒီမိုကရက်တစ်ပါတီကို ယခင်ဒုဝန်ကြီးချုပ်ဟောင်း ဦးကျော်ငြိမ်း၏သမီး ဒေါ်ချိုချိုကျော်ငြိမ်း၊ ဝန်ကြီးချုပ်ဟောင်း ဦးနု၏သမီး ဒေါ်သန်းသန်းနု၊ ဝန်ကြီးချုပ်ဟောင်း ဦးဗဆွေ၏သမီး ဒေါ်နေရီဗဆွေတို့ အပါအဝင် ဝါရင့်နိုင်ငံရေးသမားများဖြင့် ဖွဲ့စည်းတည်ထောင်ထားသည်။

ဤအမျိုးသမီး ၃ ဦးသည် အထိန်းသိမ်းခံ နိုဘယ်ဆုရှင် ဒေါ်အောင်ဆန်းစုကြည်နှင့် နိုင်ငံရေးအရ ခေတ်ပြိုင်များဖြစ်ကြပြီး သူတို့၏ ဖခင်များသည်လည်း အင်္ဂလိပ်ကိုလိုနီလက်အောက်မှ လွတ်မြောက်ရေး မြန်မာ့လွတ်လပ်ရေးတိုက်ပွဲတွင် ဒေါ်အောင်ဆန်းစုကြည်၏ ဖခင်နှင့်အတူ လက်တွဲတိုက်ပွဲဝင်ခဲ့ကြသူများ ဖြစ်သည်။

ပထမအကြိမ် ကျင်းပခဲ့သော ရွေးကောက်ပွဲအပြီး ဆယ်စုနှစ် ၂ ခုအကြာတွင် နောက်ထပ် အထွေထွေ ရွေးကောက်ပွဲတရပ်ကို ထပ်မံကျင်းပပါမည်ဟု စစ်အစိုးရက ကြေညာထားသော်လည်း ယခုအချိန်ထိ ရွေးကောက်ပွဲ ကျင်းပမည့် နေ့ရက်နှင့် ရွေးကောက်ပွဲဥပဒေများကို ထုတ်ပြန်ကြေညာခြင်း မရှိသေးပါ။ အဆိုပါ ရွေးကောက်ပွဲဥပဒေတွင် ရွေးကောက်မည့် ကိုယ်စားလှယ်လောင်းနှင့် ပတ်သက်သည့် လမ်းညွှန်မှုများ ပါဝင်မည်ဖြစ်သည်။

”အမှန်တကယ် ရွေးကောက်ပွဲကျင်းပမယ့်ရက် မတိုင်ခင် ၃ လပဲ ကြိုပြီး ရွေးကောက်ပွဲဥပဒေကို ထုတ်ပြန် ကြေညာမယ်ဆိုတဲ့ကိစ္စ ပြန်လည်သုံးသပ်ပေးဖို့ ကျမတို့ဥက္ကဋ္ဌ ဦးသုဝေက ဗိုလ်ချုပ်မှူးကြီးသန်းရွှေကို မေတ္တာရပ်ခံထားပါတယ်။ အခုထိတော့ ဘာတုံ့ပြန်ချက်မှ ပြန်မရသေးပါဘူး” ဟု ဒေါ်ချိုချိုကျော်ငြိမ်းက ထုတ်ဖော်ပြောဆိုသည်။

အခြားနိုင်ငံရေးပါတီများကဲ့သို့ပင် ဒီမိုကရက်တစ်ပါတီသည်လည်း ရွေးကောက်ပွဲအတွက် ပြင်ဆင်ချိန် အနည်းဆုံး ၆ လမှ တနှစ်အထိ လိုအပ်သည်ဟု သူက ပြောသည်။ သူတို့တွင် မည်သူ့ကို ပါတီကိုယ်စားပြု ယှဉ်ပြိုင်စေမည်ဆိုသည်ကို ရှာဖွေရွေးချယ်ရန် လိုအပ်ပြီး မဲဆွယ်စည်းရုံးမှုများ ပြုလုပ်နိုင်ရန်အတွက်လည်း ပြင်ဆင်ချိန် လိုအပ်သည်ဟု ပြောသည်။

”အခုအချိန်မှာတော့ ဘယ်သူက ကိုယ်စားလှယ်လောင်းအဖြစ် အရည်အချင်းပြည့်မီတယ်ဆိုတာတောင် ကျမတို့မှာ မသေချာသေးဘူး။ အားလုံးက ဘာမှမသေချာသေးပါဘူး” ဟု သူက ပြောသည်။

”ဒီရွေးကောက်ပွဲမှာ ဝင်ပြိုင်မယ့် အစီအစဉ်ကို စွန့်လွှတ်လိုက်ဖို့တောင် ကျမတို့စိတ်ထဲမှာ ဖြစ်နေပါတယ်။ ဒါပေမဲ့ ကျမတို့ထဲက တချို့က ဝင်ပြိုင်ဖို့ ဖြစ်နိုင်သေးတယ်လို့ ထင်နေသေးတာကြောင့် အခု ကျမတို့ရဲ့ အခြေအနေကို ပြန်သုံးသပ်တာတွေ လုပ်နေပါတယ်” ဟု သူက ဆက်ပြောသည်။

သူတို့ရရှိထားသည့် သတင်းအရဆိုလျှင် ရွေးကောက်ပွဲဥပဒေကို ဧပြီလအတွင်း ကြေညာမည်ဖြစ်ပြီး ၃ လအကြာတွင် ရွေးကောက်ပွဲများ ကျင်းပမည်ဟု ဆိုသည်။ သို့သော် စစ်အစိုးရ၏ လျှို့ဝှက်တတ်လွန်းသည့် သဘောသဘာဝကြောင့် သူရရှိထားသော သတင်းကို သီးခြားလွတ်လပ်စွာ အတည်မပြုနိုင်ပါ။

ဒီမိုကရက်တစ်ပါတီကို ၂ဝဝ၉ ခုနှစ် ဇွန်လတွင် စတင်ဖွဲ့စည်းခဲ့ပြီး အလုပ်အမှုဆောင်အဖွဲ့ဝင် ၁၅ ဦး ပါဝင်ကာ ဦးသုဝေက ဥက္ကဋ္ဌအဖြစ် ဦးဆောင်သည်။

ဤသို့ စစ်အစိုးရက ရွေးကောက်ပွဲရက်ကို မကြေညာသေးသော်လည်း အခြားသတင်းရပ်ကွက်များ၏ အပြောအရ စစ်အစိုးရ ကျောထောက်နောက်ခံပေးထားသော အရပ်သားအဖွဲ့အစည်းဖြစ်သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအဖွဲ့ (USDA) သည် မကြာသေးခင်ကာလအတွင်း ရပ်ရွာအတွင်း လူထုအကျိုးပြု လုပ်ငန်းများကို အရှိန်မြှင့် လုပ်ဆောင်လာခဲ့သည်ဟု ဆိုသည်။ ဤသို့လုပ်ဆောင်ခြင်းသည် ရွေးကောက်ပွဲ မတိုင်မီ လူထု ယုံကြည်မှုနှင့် ထောက်ခံမှုကို ရရှိရန် ပြုလုပ်ခြင်းဖြစ်သည်ဟု အများက ယုံကြည်ကြသည်။
မဇ္ဈိမမှတဆင့်