Archive for October, 2009


အဖေ မကြာမကြာ ပြောဖူးတယ်။ အရှေ့တောင်အာရှမှာ မြန်မာပြောတဲ့ အင်္ဂလိပ်စကား မြန်မာရေးတဲ့ အင်္ဂ လိပ်စာကို တခြားဘယ်နိုင်ငံကမှ မမီဘူးတဲ့။ စိတ်ထဲမှာ စွဲလို့နေပါရော။ သူငယ်ချင်းတွေကိုလည်း ပြောပြ၊ ဆွေ မျိုးတွေကိုလည်း ပြောပြ။ မောနိုင်ပေါင်၊ ယုံလောက်အောင်လည်း ကိုယ်က အင်္ဂလိပ်စကားကို တော်တော်ပီပီ ကြီး ပြောပြရတာပေါ့။ ကိုယ်တို့ငယ်ငယ်တုန်းက ကြည့်ရတဲ့ ရုပ်ရှင်တွေထဲမှာ မင်းသားတွေပြောတဲ့ တချို့ အင်္ဂ လိပ်စကားတွေကို အလွတ်ကို ကျက်ထားရတာ။ ဆိုပါတော့ Guns of Navarone ဇာတ်ကားထဲက ဂရေဂရီ ပက်ပြောတဲ့ It is up to your neck တို့၊ The last day of the respite given to us by the senate is drawing nigh တို့ ဆိုတာတွေကိုလည်း ဆိုင်ဆိုင်မဆိုင်ဆိုင် ရွတ်ရွတ်ပြနေရတာပေါ့။ အဲသည်တုန်းက ခေတ် စားနေတဲ့ လင်ဂွါဖုန်း အင်္ဂလိပ်စကားပြောသင်တန်းဆိုတာလည်း ပြေးတက်လိုက်ရတာပါပဲ။
How are you?
Quite well, Thank you.
ဆိုတာတွေကို ကက်ဆက်ခွေထဲကလို အာလုပ်သံကြီးနဲ့ ပြော၊ သူငယ်ချင်းတွေကလည်း သဘောကျ၊ တော် တော်နိပ်နေတာပေါ့။ နိပ်အောင်လည်း ကိုယ်က ကြိုးစားရတာကိုး။ ဘာပဲဖြစ်ဖြစ်ပေါ့လေ အရှေ့တောင်အာရှ မှာ မြန်မာဟာ အင်္ဂလိပ်စာ အတော်ဆုံးပါ။
… … … … … … …

သားကို မကြာမကြာ ပြောပြရတယ်။ အရှေ့တောင်အာရှမှာ အဖေတို့ဟာ …
အရှေ့တောင်အာရှမှာ အဖေတို့ဟာ …
အရှေ့တောင်အာရှမှာ …
အရှေ့တောင် …

သား ။ ။ အဖေ အဲဒါက တကယ်လား။
အဖေ ။ ။ အေးပေါ့ကွ မင်းတို့ အဖိုးတို့ လက်ထက်ကတည်းကပဲ။
ဒီအကြောင်းပြောရတော့မယ်ဆို ကိုယ်တို့ အလိုလိုတက်ကြွလာတာ အမှန်ပဲ။ မင်းအဖိုးတို့တုန်းက အင်္ဂလိပ်လို ဆဲချင်လို့ အင်္ဂလိပ်စာတော်အောင် ကြိုးစားကြတာ။ အဖေတို့ လက်ထက်မှာ သည်အမွေကို ဆက်ထိန်းတာပဲ။ မင်းတို့အလှည့်မှာ သည့်ထက်ကို ပိုရဦးမှာပေါ့လို့ တက်တက်ကြွကြွကြီးကို ရှင်းပြလိုက်တာပေါ့။ သားရဲ့ မျက် နှာက တွေတွေကြီး ဖြစ်နေတယ်။ တခုခုကို စဉ်းစားနေသလိုပဲ။
သား ။ ။ အဖေပြောတာ ဟုတ်လားတော့ မသိဘူး။
သူ့စကားက ကိုယ့်စကားကိုပဲ မရေမရာသယောင်ယောင်။ ဘာမှပြန်မပြောဘဲ သူဆက်ပြောလာမယ့် စကားကို ပဲ နားထောင်နေလိုက်ရတယ်။
သား ။ ။ ကျနော်တို့ကျောင်းမှာ သင်တဲ့ ဆရာတွေက မင်းတို့ အင်္ဂလိပ်စကားပြော သိပ်ကောင်းတာပဲလို့ ချီးကျူး ကြတယ်။
အဖေ ။ ။ ဒါပဲပေါ့ကွာ၊ အပွေးမြင်ရင် အပင်သိပါတယ်။ အရှေ့တောင် …
သား ။ ။ ခဏလေး အဖေ၊ ခက်နေတာက သူတို့က ကျနော်တို့ရဲ့ ဆရာတွေ ဖြစ်နေတယ်။ နောက်ပြီး သူတို့က စင်္ကာပူတွေ …။
ပြောပြီးတာနဲ့ သားက ထထွက်သွားတယ်။
ကိုယ်လည်း ဘာပြန်ပြောရမှန်း မသိတော့ဘူး။
… … … … … … …

သည်ကောင်တွေ သည်လိုပဲ နှိပ်စက်နေကျ။
သူတို့တွေ နိုင်ငံခြားသွားတုန်းက ကူညီခဲ့တဲ့ မိတ်ဆွေတွေ မြန်မာပြည် လာလည်လို့တဲ့။ ယိုးဒယားဆိုင် YIN DEE မှာ ကျွေးချင်တယ်တဲ့။ ကိုယ်က နှံ့နှံ့စပ်စပ် ရှိလို့တဲ့။ စကားပြောရအောင် လာခဲ့ပါဆိုပဲ။ အမှန်ကတော့ ဧည့်ခံရအောင်ပါ။ သူတို့ မိတ်ဆွေတွေ သိချင်တာမေးရင် သူတို့မှ လည်လည်ပတ်ပတ် ပြန်မဖြေနိုင်တဲ့ဟာ။ ဟို တခါကလည်း ဖြစ်ပြီးပြီလေ။ ဂျာမန်တွေလာတုန်းကပေါ့။ ထရိတ်ဒါးစ်မှာ နေ့လည်စာကျွေးတယ်လေ။ အဲသည် မှာ ဂျာမန်တွေက ဘုရားအလောင်းတော်အကြောင်း မေးပါလေရော။ အိုးနင်းခွက်နင်း ဖြစ်ကြပါရောလား။ မရှူ နိုင်မကယ်နိုင်ဖြစ်တော့မှ ကိုယ့်လာခေါ်တာလေ။

သည်တခါတော့ ဟိုတခါလိုဖြစ်မှာ စိုးလို့ထင်ပါရဲ့။ တရက်ကြိုပြီး အကြောင်းကြားတယ်လေ။ ကိုယ်ကလည်း သည်လိုပွဲမျိုး စောင့်နေတာကလား။ ချိန်းတဲ့ အချိန်ထက် ဆယ်မိနစ်စောပြီး ရောက်အောင် သွားလိုက်တယ် လေ။ သည်ကောင်တွေ တော်တော် ပျော်သွားတယ်။ ခုလာမယ့် သူတွေက မလေးရှားကဆိုပဲ။ မြန်မာပြည်မှာ ရုပ်ရှင်လုပ်ငန်း ကြော်ငြာလုပ်ငန်းတွေ လာလုပ်ချင်လို့ ဆိုပဲ။ ကိုယ်ကလည်း ချက်ဆို ဗိုက်ကပ်နေတဲ့ဟာ၊ ကိုယ့်သူငယ်ချင်းတွေက မလေးရှားတွေရဲ့ ကိုယ်စားလှယ် လုပ်ချင်နေကြတာ ဖြစ်ရမယ်။ ကိုယ်စားလှယ်ဆို တာ လူကြားကောင်းအောင် ပြောရတာ၊ အမှန်ကတော့ ပွဲစားပါပဲ။ ရုပ်ရှင်မင်းသား လူမင်းနဲ့ မလေးက Add Audio Company နဲ့ အလုပ်လုပ်တာ အောင်မြင်သွားတော့ သည်မလေးတွေကလည်း ဈေးကွက်ရှာ ထွက် လာကြတာနေမှာပေါ့။ ကိုယ်ကတော့ သိပ်အားမရှိပါဘူး။ အရှေ့တောင်အာရှနိုင်ငံသားတွေနဲ့ အင်္ဂလိပ်လို သိပ် မပြောချင်ဘူး၊ ပီကလည်း မပီ၊ သွက်ကလည်း မသွက်၊ ချောကလည်း မချော၊ ကိုယ်ပါရောပြီး ပျက်ချင်ချင် ရယ်၊ ဒါပေမယ့် သူငယ်ချင်းတွေက ကိုယ့်ကို အားကိုးနေကြတော့ မခက်လား။ တတ်နိုင်ပါဘူးလေ၊ တတ်တဲ့ပ ညာ မနေသာလို့ဆိုတယ် မဟုတ်လား။

တကယ့်တကယ် ရောက်လာတော့ မလေးတရုတ်က နှစ်ယောက်၊ စင်္ကာပူတရုတ်က တယောက်၊ မလေးကု လားက တယောက် ပေါင်းလေးယောက်။ မွန်ရည်ကြပါတယ်။ ကိုယ့်ကိုလည်း လေးလေးစားစားနဲ့ပါ။ ကိုယ်က လည်း သူတို့တတွေ ကြိုက်တတ်တဲ့ ပင်လယ်စာတွေ သေသေချာချာ မှာပေးလိုက်ပါတယ်။ အထူးသဖြင့်က တော့ ဂဏန်းပျော့ပေါ့၊ ငနဲတွေ တော်တော် သဘောကျသွားတယ်။ It’s a good food. ဆိုတာကို တွင်တွင် ကြီး ပြောနေတော့တာပါပဲ။ ကဲ အလုပ်အကြောင်း စလိုက်ရအောင်ဆိုတော့ သည်လူတွေ အစားအသောက် ဘေးချ။ မျက်လုံးတွေ အရောင်တောက်လာကြတယ်။

(ခင်ဗျားတို့ မြန်မာနိုင်ငံမှာ ဇာတ်လမ်းအတွဲတွေ ရိုက်ကြပါသလား)
ကိုယ် ကြောင်သွားတယ်။ မလေးတရုတ်ရဲ့ ပါးစပ်ကနေ မြန်မာစကားသံ ပီပီကြီး ထွက်လာပါကလား။
(တိပ်ကနေ ဖလင်ပေါ်ကို ပြောင်းတဲ့အပေါ် စိတ်ဝင်စားမှု ရှိကြပါရဲ့လား)
ကိုယ်တင်မကပါဘူး၊ သူငယ်ချင်းတွေပါ ကြောင်သွားကြပါတယ်။ နောက်တော့ သဘောကျသွားကြပါလေ ရော။ နောက်တော့ စကားသင်္ဘော ဆောက်ကြပါလေရော။ နောက်တော့ ကိုယ့်ကို မေ့သွားကြပါလေရော။ နောက်တော့ … နောက်တော့ … နောက်တော့ … နောက်တော့ …။

စားလို့ သောက်လို့လည်း ပြီးရော၊ ကာရာအိုကေ ဆိုကြရအောင်တဲ့။ ကိုယ် အသက်ပြန် ၀င်လာတယ်၊ ငယ် ငယ်ကတည်းက ကျောင်းမှာ အဆိုကောင်း ပွဲတောင်းခံခဲ့ရတဲ့ ကိုယ့်အတွက် အစွမ်းပြရမယ့် ပွဲပဲပေါ့။ CCR ပဲ လား Elton John လား Sting ပဲလား Aron carte မလေး သီချင်းတွေပဲ ဟဲပြရမလား။ ရင်ကော့ပြီးတော့ကို ကာရာအိုကေခန်းထဲ ၀င်သွားတော့တာပေါ့။ စားပွဲပေါ်ချထားတဲ့ သီချင်းစာအုပ်တွေထဲက အင်္ဂလိပ် သီချင်းစာ အုပ် ကောက်ကိုင်လိုက်ရင်း ဧည့်သည်တွေရဲ့ အရိပ်အကဲကို ကြည့်နေရတယ်။ ဟုတ်တယ်လေ၊ သူတို့ကို ဦး စားပေးရမှာပေါ့။

စင်္ကာပူတရုတ်က စားပွဲထိုးကို မေးဆတ်ပြီး လှမ်းခေါ်တယ်။ သီချင်းစာအုပ် တနေရာကို လက်ညှိုးညွှန်ပြ တယ်။ စားပွဲထိုးက ကျနော်တို့ကို လှမ်းကြည့်တယ်။ သူ့မျက်နှာမှာ အရောင်တမျိုး ပြေးနေတယ်။ ထိုင်နေတဲ့ နေရာချင်း နည်းနည်းလှမ်းနေတော့ သူတို့ ဘာပြောကြမှန်း ကိုယ်မသိဘူး။ ဒါပေမယ့် စားပွဲထိုး ထွက်သွားပြီး တအောင့်အကြာ မော်နီတာ တီဗွီပေါ်မှာ နဂါးနီဆိုတဲ့ စာတန်းကြီးပေါ်လာတော့ ကိုယ်လည်း မှင်သက်မိသွား တယ်။

(ဆင်းရဲခြင်း … လွတ်ကင်းအောင် … လမ်းပြဆောင်ပါမည် …)
ကိုယ့်သူငယ်ချင်းတွေကလည်း လက်ခုပ်လက်ဝါးတီးလို့ အားပေးကြပါလေရော။ စားပွဲထိုးကလေးနဲ့အတူ ဆိုင် မန်နေဂျာလား ပိုင်ရှင်လားမသိ ၀င်လာပြီး ချီးမွမ်းခန်းတွေဖွင့် လက်ခေါက်တွေ ဘာတွေများတောင် မှုတ်လို့ ရယ်။ ကိုယ်လည်း မနေနိုင်တော့ဘူး။ အနားက မလေးကုလားကို မေးကြည့်ရတယ်။

(ခင်ဗျားတို့ မြန်မာစကား ဘယ်လိုတတ်လာကြတာလဲ) ပေါ့။
(ကျနော်တို့ မြန်မာပြည်မှာ အလုပ်လုပ်ဖို့ ဆုံးဖြတ်ထားပါတယ်) တဲ့။

ကိုယ့်စိတ်တွေ တောင်မြောက် ပြေးကုန်တယ်၊ အရှေ့တောင်အာရှမှာဆိုတဲ့ စာလုံးတွေ မျက်စေ့ရှေ့မှာ ပြေး နေတယ်၊ ကိုယ့်အဖေပြီးတော့ ကိုယ့်သား၊ သူတို့တွေကို ဖြတ်ကနဲ ဖြတ်ကနဲ မြင်လာတယ်။ သားပြောတဲ့ သူတို့ ကျောင်းက ဆရာတွေက စင်္ကာပူတွေ ဆိုတာကြီးကလည်း ပဲ့တင်သံကြီးကို ဖြစ်လို့။ ဘာပဲဖြစ်ဖြစ် အရှေ့ တောင်အာရှမှာ မြန်မာဟာ ဆိုတာကြီးကလည်း နီးလာလိုက် ဝေးသွားလိုက်၊ ကျနော်တို့ မြန်မာပြည်မှာ အလုပ် လုပ်ဖို့ ဆုံးဖြတ်ထားပါတယ်ဆိုတဲ့ အသံ (ကျန်းကျန်းမာမာ ချမ်းချမ်းသာသာ ဘေးရန်ကာဆီးမည် …)။

ကိုယ့်ကိုယ်ကို လာလှုပ်တယ်၊ ကိုယ် အိပ်ပျော်သွားလား မသိ။ လက်ခုပ်သံတွေတော့ ဆူညံနေတာပဲ။ ကိုယ်တို့ လူတွေတင် မဟုတ်ဘူး၊ ဆိုင်က ၀န်ထမ်းတွေပါ ရောက်နေကြတယ်။
မလေးတရုတ်က ကိုယ့်ကိုပြုံးပြုံးကြီး ကြည့်ရင်း …

Hey, are you dreaming? တဲ့။

ကိုယ်လည်း ပြုံးပြီး ခေါင်းခါပြလိုက်ရတယ်။ မင်းတို့ ဆိုတာတွေကို အရသာခံနေတာပါလို့ အင်္ဂလိပ်လို ပြန်ပြော လိုက်တယ်။ သူက ခင်ဗျား အင်္ဂလိပ်စကားပြော သိပ်ကောင်းတာပဲတဲ့။

ကဲ … မပြောဘူးလား အရှေ့တောင်အာရှမှာ မြန်မာဟာ … ။ ။

ဇာဂနာ
ဒေါက်တာလွဏ်းဆွေ ဘလော့ဂ်မှတဆင့်…

ကရင်ပြည်နယ်မြောက်ပိုင်း၊ သံလွင်မြစ်၏ အရှေ့ဘက်ခြမ်းရှိ ကရင်နီဒေသတွင် နအဖ တပ်နှင့် ကရင်အမျိုးသား လွတ်မြောက်ရေး တပ်မတော် (ကေအဲန်အယ်လ်အေ)နှင့် ကရင်နီအမျိုးသား တိုးတက်ရေးပါတီ(ကေအဲန်ပီပီ) ပူးပေါင်းတပ်ဖွဲ့တို့အကြား ယမန်နေ့ညက တိုက်ပွဲဖြစ်ပွားခဲ့ရာ နအဖတပ်ဘက်မှ စစ်ကြောင်းမှူး တဦးအပါအဝင် တပ်သား ၉ဦး ကျဆုံးသွားခဲ့ပြီး ၄ဦး ဒဏ်ရာ ရရှိခဲ့သည်ဟု ထိုဒေသမှ လာသည့်သတင်းအရ သိရသည်။
ထိုနေ့ည ၇း၀၀နာရီအချိန်တွင် ကရင်နီပြည်နယ် လောပိတအခြေစိုက် အရှေ့ပိုင်းတိုင်း စစ်ဌာနချုပ် လက်အောက်ခံတပ်ရင်း ခမရ (၅၃၀)မှ စစ်ကြောင်း(၂)က သံလွင်မြစ်အရှေ့ခြမ်း မယ်ဆက်မြို့ဒေသအတွင်း လှုပ်ရှားလှည့်လည်စဉ် ဒေသခံ ကေအဲန်ပီပီနှင့် ကေအဲန်ယူ တပ်မဟာ (၂)မှ ကေအဲန်အယ်လ်အေ ပူးပေါင်းတပ်တို့နှင့် တွေ့ဆုံ တိုက်ပွဲဖြစ်ပွားခဲ့ခြင်းကြောင့် နအဖဘက်က စစ်ကြောင်းမှူး ဗိုလ်ကြီး တင်ထွန်းအောင်၊ ဗိုလ်ဥာဏ်လင်းဦးနှင့် အကြပ်တပ်သား (၇)ဦးတို့ တိုက်ပွဲအတွင်း ကျဆုံးသွားခဲ့ခြင်းဖြစ်သည်ဟု ကေအဲန်ယူ တွဲဖက်အတွင်းရေးမှူး (၁) ဗိုလ်မှူး စောလှငွေက ကေအိုင်စီကို ပြောဆိုသွားသည်။
သူက “ခမရ (၅၃၀)မှ ဗိုလ်ကြီးတင်ထွန်းအောင် ဦးစီးတဲ့ စစ်ကြောင်း(၂)က အင်အား ၄၀၀န်းကျင်လောက်ရှိမယ်။ သူတို့က အဲဒီမယ်ဆက်မြို့ ဒေသတွေမှာ ဝင်ရောက်လှုပ်ရှားတာ။ မနေ့ည ၇း၀၀နာရီအချိန်လောက်မှာ အဲဒီ ဗိုလ်ကြီးတင်ထွန်းအောင်အဖွဲ့နဲ့ ဒေသခံ ကေအဲန်ပီပီ၊ ကေအဲန်အယ်လ်အေ ပူးပေါင်းတပ်နဲ့ မယ်ဆက်မြို့အနီးတ၀ိုက်မှာရှိ ထောပလာရိုကားလမ်းပေါ်မှာ တွေ့ဆုံပြီးတော့ တိုက်ပွဲဖြစ်တာ။ တိုက်ပွဲက နာရီဝက်လောက်ကြာတယ်။ နအဖ ဘက်ကတော့ စစ်ကြောင်း မှူးအပါအဝင် (၉)ဦး ကျဆုံးတယ်။ (၄) ဦး ဒဏ်ရာရတယ်လို့ ကြားတယ်” ဟု ဆိုသည်။
ထိုတိုက်ပွဲတွင် နအဖ ဘက်မှ ကျဆုံးဒဏ်ရာရမှု ရှိသော်လည်း ကေအဲန်ပီပီနှင့် ကေအဲန်အယ်လ်အေ ပူးပေါင်းတပ်ဘက်တွင် ထိခိုက်ဒဏ်ရာရမှု မရှိဘူးဟု သိရသည်။
ကရင်ပြည်နယ်နှင့် ကရင်နီပြည်နယ်ရှိ ဒေသခံတပ်များနှင့် နအဖ တပ်များအကြား အောက်တိုဘာလအတွင်း ဖြစ်ပွားခဲ့သည့် တိုက်ပွဲများအနက် ယခုအကြိမ် ဖြစ်ပွားသည့်တိုက်ပွဲသည် နအဖ တပ်ဖွဲ့ဝင်များ အကျအဆုံးအများဆုံးနှင့် တိုက်ပွဲဖြစ်ပွားချိန်အကြာဆုံးဖြစ်သည်ဟု သိရသည်။
Karen Newsletter မှတဆင့်

အောက်တိုဘာလ ၃၁ရက်။ စောသိန်းမြင့် (ကေအိုင်စီ)

ကရင်ပြည်နယ်၊ ဖားအံခရိုင်၊ ပိုင်ကျုံမြို့နယ် ကေအဲန်ယူ တပ်မဟာ (၇)နယ်မြေတွင် ယမန်နေ့က ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) တပ်ဖွဲ့ဝင်များ၏ ဆွဲမိုင်းကြောင့် နအဖစစ်တပ် ခမရ ၂၀၈တပ်ရင်း၊ စစ်ကြောင်း (၁)မှ တပ်ဖွဲ့ဝင် ၄ဦး သေဆုံးပြီး ၃ဦးက အပြင်းအထန် ထိခိုက်ဒဏ်ရာရှိခဲ့သည်ဟု သတင်းရရှိသည်။
ကေအဲန်အယ်လ်အေ တပ်ရင်း (၂၂) ဒုတပ်ရင်းမှူး ဗိုလ်မှူးစောဒီ့ကွယ်က “မနေ့က မနက် ၆နာရီ မိနစ် ၅၀အချိန်မှာ နအဖ ခမရ ၂၀၈တပ်ရင်းမှ စစ်ကြောင်း(၁) လှုပ်ရှားရာ ကလေ့ဖိုးကလိုးနဲ့ ထီးတိုကော် ရွာစပ်ကြားမှာ ကျနော်တို့ တပ်ရင်း(၂၂) တပ်ဖွဲ့ဝင်တွေ ဆွဲမိုင်းနဲ့ သွားစောင့်ဆွဲခဲ့တယ်။ အဲဒီမှာ နအဖဘက်က ၄ယောက်ပွဲချင်းပြီး သေတယ်။ ၃ယောက်ဒဏ်ရာခဲ့တယ်။ ကျနော်တို့ဘက်က တယောက်မှ မထိဘူး”ဟု ပြောသည်။
အဆိုပါ တပ်အင်အား (၃၀)ကျော်ပါ ခမရ (၂၀၈)စစ်ကြောင်း(၁)သည် ကေအဲန်အယ်အေ၏ ဆွဲမိုင်းကို ခံခဲ့ရပြီးနောက် ကလေ့ဖိုးကလိုးရွာအတွင်းသို့ ပြန်ဝင်လာပြီး တိုးတက်သော ဗုဒ္ဓဘာသာ ကရင်အမျိုး သားတပ်မတော် (ဒီကေဘီအေ) တပ်မဟာ ၉၉၉မှ တပ်ရင်း (၄)၊ (၇)တပ်ဖွဲ့တို့နှင့် ပူးပေါင်းကာ ထို ကျေးရွာအတွင်းရှိ ရွာသူရွာသားများ ရွာအပြင်သို့ လုံးဝမထွက်ရန် ဒီကနေ့မနက်အစောပိုင်းတွင် အမိန့် ထုတ်လိုက်သည်ဟု ဗိုလ်မှူးစောဒီ့ကွယ်က ဆက်ပြောသည်။
ယခုအချိန်တွင် စပါးရိတ်သိမ်းအချိန်ဖြစ်သည့်အလျောက် အချိန်ကန့်သတ်မှုမရှိဘဲ ယင်းကဲ့သို့ အမိန့်ထုတ်လိုက်သည့်အပေါ် စပါးရိတ်သိမ်းချိန်နှောင့်နှေးမှာကို ရွာသားများ စိုးရိမ်နေကြကြောင်း ရွာသား များ၏ ပြောဆိုချက်ကို စောဒီ့ကွယ်က ပြန်လည်ပြောဆိုသည်။
ကလေ့ဖိုးကလိုး ရွာတရွာတည်းသာ ပိတ်ပင်သည့်ကိစ္စနှင့်ပတ်သက်၍ ကေအဲန်ယူ တပ်မဟာ (၇)နယ် မြေအတွင်း လှုပ်ရှားနေသော ဒီကေဘီအေတပ်ဖွဲ့များကို ဆက်သွယ်မေးမြန်းရန် ကေအိုင်စီက အကြိမ်ကြိမ်ကြိုးပမ်းခဲ့သော်လည်း ဆက်သွယ်ရေး ဖြတ်တောက်ထားသည်။
အဆိုပါ နေရာသည် လွန်ခဲ့သည့် ဇွန်လဆန်းပိုင်းတုန်းက နအဖစစ်တပ်နှင့် ဒီကေဘီအေ တပ်မဟာ (၃)ခုပူးပေါင်းကာ ကေအဲန်ယူကို ထိုးစစ်ဆင်ခဲ့ရာနယ်မြေများဖြစ်ပြီး ထိုးစစ်ကြောင့် ဒေသခံကရင်ရွာသား (၄,၀၀၀)ကျော် ထိုင်းနိုင်ငံ၊ တာ့ခ်ခရိုင်၊ ထာ့ဆောင်းယန်းမြို့နယ်သို့ ထွက်ပြေးခိုလှုံခဲ့ရသည်။
ကေအဲန်ယူ တပ်မဟာ(၇)နယ်မြေ ကေအဲန်အယ်လ်အေ နေရာအချို့ကို နအဖနှင့် ဒီကေဘီအေတို့ ပူးပေါင်းစစ်ဆင် သိမ်းပိုက်လိုက်သည့်နောက် ကေအဲန်အယ်လ်အေနှင့် ဒီကေဘီအေတို့ကြား မကြာခဏ တိုက်ပွဲဖြစ်ပွားလျှက်ရှိသော်လည်း နအဖနှင့် ကေအဲန်အယ်လ်အေကြားတွင် ယခုတိုက်ပွဲသည် ပထမဦးဆုံးအကြိမ်ဖြစ်သည်။
ထိုတပ်မဟာ(၇)နယ်မြေတွင် ဒီကေဘီအေ တပ်မဟာ(၅၅၅)၊ (၉၉၉)လက်အောက်ခံ တပ်ရင်းများနှင့် နအဖစစ်တပ်မှ ခမရ (၂၀၈)တပ်ရင်းတို့ ပူးပေါင်းလှုပ်ရှားခဲ့သလို ကေအဲန်ယူ တပ်မဟာ (၇)လက်အောက်ခံ ကေအဲန်အယ်လ်အေ တပ်ရင်းများလည်း လှုပ်ရှားလျှက်ရှိသည်။
အလားတူ ဒီယနေ့မနက် ၁နာရီအချိန်တွင် ကေအဲန်ယူ တပ်မဟာ (၆)နယ်မြေ ဝေါ်လေအခြေစိုက် ကေအဲန်အယ်လ်အေ (၂၀၁)တပ်ရင်းနှင့် ဒီကေဘီအေ(၉၀၇)တပ်ရင်းတို့ကြား ၁၀မိနှစ်ကြာ တိုက်ပွဲ ဖြစ်ပွားခဲ့ရာ ဒီကေဘီအေဘက်က တပ်သားတဦး သေဆုံးကာ တပ်ခွဲမှူးတဦး ထိခိုက်ဒဏ်ရခဲ့ပြီး ကေအဲန်အယ်လ်အေဘက်တွင် ထိခိုက်သေဆုံးမှုမရှိကြောင်း သိရသည်။
Karen Newsletter မှတဆင့်….

မြန်မာ့အမျိုးသား ခေါင်းဆောင်ကြီး ဗိုလ်ချုပ်အောင်ဆန်းကို ရိုင်းစိုင်းတဲ့၊ ဒေါသကြီး ဘုကျတဲ့ အောင်ဆန်း၊ သို့သော် တိုင်းပြည်လွတ်လပ်ရေးအတွက် တစိုက်မတ်မတ် ဆောင်ရွက် သွားတဲ့ အောင်ဆန်းအဖြစ် ကျွန်တော်တို့ဗိုလ်ချုပ်ရဲ့ငယ်ပေါင်းမဟုတ်သောကြီးဖော် ဆရာကြီး ဒဂုန်တာရာ ကရေးဖွဲ့ချယ်မှုန်းထားခြင်းဖြစ်ပါတယ်။
Download လုပ်ရန်……..
download here!

ဆရာကြီးပါရဂူ ရဲ့သူ့လိုဘုရင် စာအုပ်ဖြစ်ပါတယ်။ဒီစာအုပ်ဟာ ဆရာကြီးရဲ့ ဘာသာပြန်စာအုပ်တစ်အုပ် ဖြစ်ပါတယ်။ မူရင်းဝတ္တုရေးသူကတော့ အိန္ဒိယနိုင်ငံရဲ့ကမ္ဘာကျော်ကဗျာဆရာကြီး တဂိုး ရဲ့ပထမဆုံးဝတ္တုရှည် ဖြစ်ပါတယ်။ဤဝတ္တုရဲ့ အမည်ရင်းက တော့ “ရာဂျာရိရှိ” ဖြစ်ပါတယ်။ “ဘုရင်၊ရသေ့” လို့အမည်ရပါတယ်။ ဝတ္တုရဲ့ ရည်ရွယ်ချက်က ငြိမ်းချမ်းရေးကို အဓိကထား ရေးဖွဲ့ထားတာကြောင့် ပထမအကြိမ်မှာ  “ငြိမ်းချမ်းရေး” လို့အမည်ပေးခဲ့ရပါတယ်လို့ဆရာကြီး ပါရဂူက ဒီစာအုပ်ရဲ့အမှာစာမှာ ရေးထားပါတယ်။ယခုစာအုပ်ကတော့ ပဉ္စမအကြိမ် ထုတ်ဝေခြင်းဖြစ်ပါတယ်။
Download လုပ်ရန်
download here!

မန်မာအမျိုးသမီး ဒုက္ခသည်အဖွဲ့ Kumjing Storytellers၊ ထိန်းသိမ်းခံ နာမည်ကြီးကဗျာဆရာ စောဝေ တို့ကို ၂၀၀၉ ခုနှစ်အတွက် Freedom to Create Prize ဆုအတွက် ပဏာမ ရွေးချယ်ထားလိုက်ကြောင်း ထိုဆုပေးအပ်သည့် အဖွဲ့အစည်း၏ စည်းရုံးရေးမှူးများက ပြောသည်။

မနှစ်ကတည်းကစ၍ လူ့အဖွဲ့အစည်းအတွင်း ဖန်တီးမှုစွမ်းရည် ဆက်လက် ရှင်သန်ခိုင်မြဲစေရန် ပေးအပ်နေသည့် လန်ဒန်အခြေစိုက် အဆိုပါ Freedom to Create ဆုကို အမျိုးအစားသုံးခု ခွဲခြား၍ ကမ္ဘာတဝှန်းမှ အနုပညာရှင်များကို ပေးအပ်ခဲ့သည်။ အဆိုပါ ဆုသုံးမျိုးမှာ ပင်မ၊ လူငယ်နှင့် အထိန်းသိမ်းခံ အနုပညာသည်များဟူ၍ ဖြစ်သည်။

”ဒီဆုက အဓိကတော့ ကမ္ဘာတဝှန်းလုံးမှာ တရားမျှတမှုကို မြှင့်တင်ဖို့နဲ့ အနုပညာ လွတ်လပ်မှုကို အားပေးဖို့ ဖြစ်ပါတယ်” ဟု Freedom to Create အနုပညာ ဖန်တီးခွင့် လွတ်လပ်မှု ဆုအဖွဲ့မှ အဲလစ်ပါစင် (Alice Parson) က မဇ္ဈိမကို သောကြာနေ့က ပြောသည်။

Kumjing Storytellers မြန်မာအမျိုးသမီး ဒုက္ခသည်အဖွဲ့ကို မြန်မာနိုင်ငံအတွင်း တိုင်းရင်းသားများ ဖိနှိပ်ညှဉ်းပန်းခံရမှုကို ပါဖောမင့် အနုပညာအသုံးပြု၍ ရှင်းလင်းပြောကြားခဲ့သည့်အတွက် ပင်မဆုအမျိုးအစားအတွက် နောက်ဆုံး ဆန်ခါတင်စာရင်းတွင် ထည့်သွင်းရွေးချယ်ထားလိုက်ကြောင်း ပါစင်က ပြောသည်။

အဆိုပါ Kumjing Storytellers သည် မြန်မာနိုင်ငံ ရှမ်းပြည်နယ်မှ ထိုင်းနိုင်ငံအတွင်းသို့ ထွက်ပြေးလာခဲ့ရသည့် မြန်မာဒုက္ခသည်များ စုပေါင်းဖွဲ့စည်းထားသည့် အဖွဲ့ဖြစ်သည်။ Kumjing ဆိုသည်မှာ ထိုင်းဘာသာဖြင့် `အဖိုးတန်ကျောက်မျက်´ ဟု အဓိပ္ပာယ်ရရှိပြီး ထိုင်း-မြန်မာ နယ်စပ်ဒေသသို့ ပြောင်းရွှေ့ရောက်ရှိကာ နေထိုင်လုပ်ကိုင်နေသည့် အမျိုးသမီးများကို ကိုယ်စားပြု ခေါ်ဝေါ်ခြင်း ဖြစ်သည်။

Kumjing ၏ ခရီးဟု လူများသိကြသည့် အဆိုပါအဖွဲ့က အမျိုးသမီးများ ညှဉ်းပန်းနှိပ်စက်ခံရပုံ၊ ခွဲခြားဆက်ဆံခြင်းကို စိန်ခေါ်တိုက်ပွဲဝင်ကြပုံ၊ လူ့အခွင့်အရေးအတွက် တိုက်ပွဲဝင်ပုံတို့ကို ပါဖောမင့်အနုပညာ အသုံးပြုပြောပြကြသည်။ ထိုင်းနိုင်ငံတလွှား လှည့်လည်သွားလာပြီး သူတို့ခံစားနေရသော ဒုက္ခများ လူသိစေရန်အတွက် စက္ကူရုပ် ၂၅ဝ ကို အသုံးပြုကာ ရှင်းလင်းပြောပြကြသည်။

ကဗျာဆရာစောဝေမှာ ဖေဖော်ဝါရီ ၁၄ ဟူသည့် ကဗျာကို ရေးသားခဲ့ခြင်းကြောင့် ၂ဝဝ၈ ခုနှစ် နိုဝင်ဘာလအတွင်းက ထောင်ဒဏ် ၂ နှစ် အပြစ်ပေးခြင်း ခံခဲ့ရသည်။ အဆိုပါ ကဗျာတွင် စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေကို ဝေဖန်သရော်ထားသည့် စာများကို အသုံးပြုထည့်သွင်းခဲ့သည်။ သူ့ကို အထိန်းသိမ်းခံ အနုပညာရှင်ဆု အမျိုးအစားအတွက် ဆန်ခါတင်စာရင်းတွင် ရွေးချယ်ထားခြင်း ဖြစ်သည်။

ဆုရရှိသူစာရင်းကို လန်ဒန်တွင် အခမ်းအနားဖြင့် လာမည့်လ ၂၅ ရက်နေ့တွင် ကြေညာမည်ဖြစ်သည်။ ဆုကြေးငွေလည်း ပါဝင်မည်။ ပင်မအမျိုးအစားဆုတွင် ဆုရရှိသူ ၂ ဦး ပါဝင်မည်ဖြစ်ပြီး ဆုကြေးငွေ အမေရိကန်ဒေါ်လာ ၇၅ဝဝဝ ကို ခွဲဝေယူရမည်။

ပထမဆု အမေရိကန်ဒေါ်လာ ၅ သောင်းကို ဆုရရှိသူနှင့် သူတို့က အမည်စာရင်းသွင်း သတ်မှတ်ပေးသည့် အဖွဲ့အစည်းတို့ အညီအမျှခွဲဝေယူရမည်ဖြစ်ပြီး၊ ဆုပေးခံရသည့်လုပ်ငန်း လူသိများစေရန် ဆက်လက်လုပ်ဆောင်ရမည်။ ဒုတိယဆု အမေရိကန်ဒေါ်လာ ၁၅ဝဝဝ ကို ဆုရသူနှင့် အမည်စာရင်းသွင်း သတ်မှတ်ခံရသည့် အဖွဲ့အစည်းတို့ အညီအမျှ ခွဲဝေယူရမည်။ တတိယဆု အမေရိကန်ဒေါ်လာ ၁ သောင်းကိုလည်း အလားတူ ပုံစံမျိုး ခွဲဝေယူရမည်။

လူငယ် အမျိုးအစားဆုတွင် ဆုကြေးငွေ အမေရိကန်ဒေါ်လာ ၂၅၀၀၀ ပါဝင်ပြီး ဆုရရှိသူက ဒေါ်လာ ၁ သောင်း ရရှိမည်ဖြစ်ကာ  ကျန်ငွေကို အဆိုပါအနုပညာလုပ်ငန်း မီးမောင်းထိုးပြခဲ့သည့် အရေးကိစ္စကို ဆက်လက် လုပ်ဆောင်ရန် သူတို့အမည်စာရင်း ပေးထားသည့် အဖွဲ့အစည်းက ရရှိမည်။

တတိယဆု အမျိုးအစားဖြစ်သည့် အထိန်းသိမ်းခံ အနုပညာရှင်ဆုကို တရားမမျှတမှုကို မီးမောင်းထိုးဖော်ပြခဲ့သည့် သူတို့အနုပညာအခန်းကဏ္ဍအတွက် ထိန်းသိမ်းခံခဲ့ရသော အနုပညာရှင်များကို ပေးအပ်ခြင်းဖြစ်သည်။ ဤဆုသည် အနုပညာသည်၏ အနုပညာထက် ထိုအနုပညာကြောင့် ပုဂ္ဂိုလ်ရေးအန္တရာယ် ကျရောက်ခဲ့ပုံတို့ကို ပိုမိုအလေးပေး ဖော်ပြခဲ့ခြင်း ဖြစ်သည်။ ထိုအနုပညာရှင်တို့၏ အနုပညာပစ္စည်းက ပေးအပ်သည့် သတင်းစကားနှင့် ထိုသတင်းစကားက ပေးအပ်သည့် ထိရောက်မှုပေါ် မူတည်၍ ဆုရွေးချယ်ပေးအပ်ခြင်း ဖြစ်သည်။

အဆိုပါ အမျိုးအစားဆုတွင် ဆုကြေးငွေ အမေရိကန်ဒေါ်လာ ၂၅၀၀၀ ပါရှိပြီး အနုပညာသည် လွတ်မြောက်ရေး၊ သူ့ကိုယ်စား သူပြောချင်လုပ်ချင်သည့် အလုပ်ကို သူ့ကိုယ်စား ကူညီစည်းရုံး ပြောဆိုပေးရန်၊ သူ့မိသားစုကို ကူညီထောက်ပံ့ပေးရန်တို့အတွက် အသုံးပြုမည်။

အဆိုပါ လွတ်လပ်စွာ ဖန်တီးမှုဆု ထိန်းသိမ်းခံအနုပညာသည် အမျိုးအစားတွင် ပြီးခဲ့သည့်နှစ်က ဟာသသရုပ်ဆောင် ဇာဂနာ ခေါ် ဒါရိုက်တာ ကိုသူရ ကို ချီးမြှင့်ခဲ့သည်။
မဇ္ဈိမမှတဆင့်

စစ်ပွဲများ ပိုမိုဖြစ်ပွားလာခဲ့ခြင်းကြောင့် ပြီးခဲ့သော နှစ်အတွင်း အနည်းဆုံး လူဦးရေ ၇၅၀၀၀ နှင့် နောက်ထပ် လူသန်းဝက်ခန့်မှာ ပြည်တွင်းရွှေ့ပြောင်းဒုက္ခသည်များ အဖြစ်သို့ ရောက်ရှိခဲ့ရသည်။ ဤမျှများပြားသော ပမာဏကိုကြည့်ခြင်းဖြင့် မြန်မာနိုင်ငံတွင်  ဖြစ်ပေါ်လျက်ရှိသော အခြေအနေမှာ ဒါဖောတွင် ဖြစ်ပွားခဲ့သော လူသားမျိုးနွယ်အပေါ် ကျူးလွန်သည့် ရာဇဝတ်မှုကြီးနှင့် နှိုင်းယှဉ်၍ပင်ရသော အခြေအနေ ဖြစ်ပေါ်လာနေသည်ဟု လူသားချင်းစာနာသည့် အကူအညီိများပေးအပ်နေသည့် ညွန့်ပေါင်းအဖွဲ့ကြီးတခုက ပြောဆိုလိုက်သည်။

တိုင်းရင်းသား လူနည်းစုများ နေထိုင်သော ဒေသများတွင် မြန်မာစစ်အစိုးရက စစ်ပြုခြင်းများ ဆက်လက် လုပ်ဆောင်နေသောကြောင့် လူသားမျိုးနွယ်လုံခြုံမှုအပေါ် ခြိမ်းခြောက်နေမှုများမှာ တိုးပွားလာနေသည်ဟု ကြာသပတေးနေ့က ထုတ်ပြန်လိုက်သော အကူအညီပေးရေးအဖွဲ့ ၁၂ ဖွဲ့ စုပေါင်းထားသည့် ‘Thailand Burma Border Consortium’ (TBBC) ဟူသည့် ညွန့်ပေါင်းအဖွဲ့၏ `မြန်မာပြည် အရှေ့ပိုင်းတွင် ရေရှည် နေရာရွှေ့ပြောင်းရခြင်းနှင့်  စစ်ပြုနေခြင်းများ´ (Protacted Displacement and Militarization in Eastern Burma) ဟူသည့် အစီရင်ခံစာသစ်တွင် ရေးသားဖော်ပြထားသည်။

`စစ်ပုံသွင်းခြင်းဖြစ်စဉ် မြန်မာပြည်တွင် ပေါ်ပေါက်နေခဲ့သည်မှာ ဆယ်စုနှစ်ပေါင်းများစွာ ရှိပြီဖြစ်သည်။ ဤသို့လုပ်ခြင်းသည် တိုင်းရင်းသားများ နေထိုင်ရာဒေသသို့ မြန်မာစစ်တပ်များ ဝင်ရောက်နိုင်ရန်နှင့် နေရင်းဒေသရှိ လူများကို ရွှေ့ပြောင်းရွာသစ်များသို့ မောင်းထုတ်ပြီး ထိုဒေသရှိ လူဦးရေကို ထိန်းချုပ်ထားနိုင်ရန် နည်းပရိယာယ်တခုအဖြစ် ဆက်လက်ကျင့်သုံးနေခြင်း ဖြစ်သည်´ ဟု TBBC ၏ လက်ထောက်ညွှန်ကြားရေးမှူး ဆယ်လီသွန်မဆင် (Sally Thompson) က မဇ္ဈိမ ကို ပြောသည်။

တိုင်းရင်းသားဒေသများတွင် စစ်ပြုနေခြင်းနေများမှာ ဆက်လက်ဖြစ်ပေါ်နေပြီး စစ်အစိုးရ ကျင်းပရန် စီစဉ်ထားသည့် ၂၀၁၀ ရွေးကောက်ပွဲကြောင့် နောက်ထပ်တိုး၍ပင် လာနိုင်သည်၊ အကြောင်းမှာ စစ်အစိုးရက လက်နက်ကိုင် တိုင်းရင်းသား တပ်ဖွဲ့များကို နယ်ခြားစောင့်တပ် (BGF) အဖြစ် အသွင်ပြောင်းလဲဖွဲ့စည်းရန် ဖိအားပေးနေခြင်းကြောင့် ဖြစ်သည်ဟု သွန်မဆင်က ပြောသည်။

၂၀၀၈ ခုနှစ် သြဂုတ်လမှ ၂ဝဝ၉ ခုနှစ် ဇူလိုင်လအတွင်း ပြောင်းရွှေ့ခဲ့ရသော ရပ်ရွာ ၁၂၀ အပါအဝင် ကျေးရွာပေါင်း ၃၅၀၀ မှာ ၁၉၉၆ ခုနှစ် ကတည်းကစ၍ မြန်မာပြည်အရှေ့ပိုင်းတွင် ဖျက်ဆီးခြင်း၊ အတင်းအကျပ် ရွှေ့ပြောင်းတို့ ပြုလုပ်ခံခဲ့ရသည်ဟု TBBC က ပြောသည်။

မကြာခင်က ထိုသို့ ရွှေ့ပြောင်းခံခဲ့ရသည့် ဖြစ်ရပ်များတွင် အများဆုံးဒေသများမှာ ကရင်ပြည်နယ်မြောက်ပိုင်း၊ ရှမ်းပြည်နယ်တောင်ပိုင်းတို့တွင် ဖြစ်ပွားခဲ့သည်ဟု ဆိုသည်။ ကရင်ရွာသား ၆ သောင်းခန့်မှာ ကျောက်ကြီး၊ သံတောင်၊ ဖာပွန်မြို့နယ်များရှိ တောင်များပေါ်တွင် ပုန်းအောင်းနေခဲ့ရသည်။ အဆိုပါ အရပ်သားများထဲမှ သုံးပုံတပုံမှာ လွန်ခဲ့သော နှစ်အတွင်း ဒေသအတွင်း ကင်းလှည့်နေသော မြန်မာစစ်တပ်၏ ခြိမ်းခြောက်မှုကြောင့်လည်းကောင်း၊ အမြောက်ဒဏ်မှလွတ်ရန်လည်းကောင်း၊ ထွက်ပြေးခဲ့ကြရခြင်းဖြစ်သည်ဟု TBBC ၏ ကြေညာချက်တွင် ဖော်ပြထားသည်။

အလားတူပင် ရှမ်းပြည်နယ်၌လည်း ရှမ်းပြည် တပ်မတော် တောင်ပိုင်း (SSA-S) ကို လက်တုံ့ပြန်သည့်အနေနှင့် လဲချား၊ မိုင်းကိုင်နှင့် ကျေးသီးမြို့နယ်များတွင် ပြုလုပ်ခဲ့သော စစ်ဆင်ရေးများကြောင့် ရှမ်းကျေးရွာပေါင်း ၃ဝ မှ အရပ်သား ၂ သောင်းနီးပါးမှာ မြန်မာစစ်တပ်၏ အတင်းအကျပ်ရွှေ့ပြောင်းခြင်း ခံခဲ့ကြရသည်ဟု ဆိုသည်။

သြဂုတ်လအတွင်းက ဖြစ်ပွားခဲ့သော မြန်မာစစ်တပ်နှင့် ကိုးကန့်သူပုန်များ၏ ပဋိပက္ခကြောင့် ရှမ်းပြည်မြောက်ပိုင်းရှိ မြန်မာဒုက္ခသည် ၃ သောင်းကျော်မှာ တရုတ်နိုင်ငံသို့ ထွက်ပြေးခိုလှုံခဲ့ကြရသည်။

မြန်မာစစ်တပ်နှင့် ယင်းတို့၏ မဟာမိတ်ဖြစ်သော ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော် (DKBA) တို့က ကရင်အမျိုးသား အစည်းအရုံး (KNU) ကို ဇူလိုင်လက ပူးတွဲထိုးစစ်ဆင်တိုက်ခိုက်ခဲ့ခြင်းကြောင့် လူပေါင်း ၄ ထောင်မျှ ထိုင်နိုင်ငံအတွင်းသို့ ထွက်ပြေးခိုဝင်ခဲ့ကြရသည်ဟု သွန်မဆင်က ပြောသည်။

”၂ဝ၁ဝ ရွေးကောက်ပွဲ နီးလာတာနဲ့အမျှ ဒီလိုမျိုးဖြစ်ရပ်တွေ တိုင်းရင်းသားဒေသတွေနဲ့ နယ်စပ်ဒေသတွေမှာ ဆက်ဖြစ်နေဦးမှာပဲလို့ ကျမတို့ မျှော်လင့်ထားပါတယ်” ဟု သွန်မဆင်က ပြောသည်။

TBBC သည် မြန်မာဒုက္ခသည်များကို ၁၉၈၄ ခုနှစ်ကတည်းက ကူညီနေခဲ့သည့် အဖွဲ့အစည်းဖြစ်ပြီး လောလောဆယ်တွင် ထိုင်းမြန်မာနယ်စပ်တလျှောက်ရှိ ဒုက္ခသည်စခန်း ၉ ခုတွင် နေထိုင်နေကြသော မြန်မာဒုက္ခသည်ပေါင်း တသိန်းငါးသိန်းကျော်ကို အစားအစာနှင့် ခိုကိုးစရာ နေရာများ ပေးနေသည်။

မြန်မာနိုင်ငံတွင်းတွင် ပဋိပက္ခများ ပိုမိုပေါ်ပေါက်လာနေပြီး ဒုက္ခသည်များ ထပ်မံရောက်ရှိလာနေခြင်းကြောင့်  မြန်မာနိုင်ငံတွင် တွေ့ဆုံဆွေးနွေးပွဲမှတဆင့် အမျိုးသား ပြန်လည်သင့်မြတ်ရေးကို မရရှိသမျှ အဆိုပါ ဒုက္ခသည်များမှာ ပြန်စရာနေရာမရှိ ဖြစ်နေလိမ့်မည်ဟု သွန်မဆင်က ပြောသည်။

ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားများကို လွှတ်ပေးပြီး သူတို့ကို ဝင်ရောက်ယှဉ်ပြိုင်ခွင့် မပေးလျှင်  စစ်အစိုးရ ကျင်းပရန် စီစဉ်နေသည့် ရွေးကောက်ပွဲမှာလည်း ယုံကြည်နိုင်စရာ မရှိသောကြောင့် တည်ငြိမ်အေးချမ်းမှုကို ရနိုင်ဖွယ်မရှိဟု သွန်မဆင်က ပြောသည်။

ပြည်တွင်းရွှေ့ပြောင်းခံရသူများနှင့် ဒုက္ခသည်များ အိမ်ပြန်နိုင်မည့် ထူးခြားသော နိုင်ငံရေး အပြောင်းအလဲတရပ် ပေါ်ပေါက်လာသည်အထိ နိုင်ငံတကာအသိုင်းအဝိုင်း အထူးသဖြင့် အိမ်နီးချင်း ထိုင်းနိုင်ငံသည်  အစားအစာနှင့် အိုးအိမ် အပါအဝင် အကူအညီများကို ဆက်လက်ပေးအပ်နေသင့်သည်။

ထိုင်း-မြန်မာနယ်စပ်သို့ ရောက်ရှိလာနေသော ဒုက္ခသည်ဦးရေ တိုးပွားလာနေခြင်းနှင့် ကုန်ဈေးနှုန်းများ တက်လာနေခြင်းတို့ကြောင့် ဒုက္ခသည်များကို ထောက်ပံ့ကူညီရာတွင် အခက်အခဲများနှင့် ရင်ဆိုင်နေရသည့်အတွက် အထောက်အပံ့များ တိုးမြှင့်ပေးအပ်ပါရန် နိုင်ငံတကာ အသိုင်းအဝိုင်းကို TBBC က တိုက်တွန်းလိုက်သည်။ လောလောဆယ်တွင် TBBC ကို အလှူရှင် ၁၅ နိုင်ငံက ထောက်ပံ့ကူညီနေသည်။
မဇ္ဈိမမှတဆင့်

အမေရိကန် နိုင်ငံ လက်ထောက်နိုင်ငံခြားရေးဝန်ကြီး ကတ်ကမ်ဘဲလ် နှင့် အဖွဲ့ လာရောက် မည့် သီတင်းတစ်ပတ် အလိုက စပြီး နေပြည်တော် တွင် လုံခြုံရေးများ တိုး မြှင့်ထားသည်။
ကာကွယ်ရေးဝန်ကြီးဌာန နှင့် စစ်ခေါင်းဆောင် ဗိုလ်ချုပ်မှုးကြီး သန်းရွှေ ၊ ဒုတိယဗိုလ် ချုပ် မှုးကြီး မောင်အေး နှင့် ဗိုလ်ချုပ် ကြီး သူရ ရွှေမန်း တို့ ၏ နေထိုင်ရာ အနီးတစ်ဝိုက်တွင်
လက်မရွံ ကွန်မန်ဒို တပ်ဖွဲ့ များ အများအပြားချထားသည် ဟု သံချပ်ကာ ယန္တယား တပ်မှ
အရာရှိ တစ်ဦးက Freedom News Group သို့ ပြောသည်။

သီတင်း နှစ်ပတ် အတွင်း သီရိလင်္ကာ နိုင်ငံသို့ ချစ်ကြည်ရေး ခရီးလည် ပတ်ရန် အစီအစဉ်
ရှိသည့် မြန်မာ စစ်ခေါင်းဆောင် ဗိုလ်ချုပ် မှုးကြီး သန်းရွှေ မှာ ၎င်း၏ ကျန်းမာရေး အခြေအနေ ကြောင့်သွားရောက် နိုင်ခြင်း မရှိတော့ ဟု လည်းသတင်းများထွက်ပေါ်နေ
သည်။

နေပြည်တော် တွင် နိုင်ငံတကာ ရေးရာ ကိစ္စရပ်များ ၊တိုင်းရင်းသားလက်နက် ကိုင် အဖွဲ့ အစည်းများနှင့် ပတ်သက်သည့် ကိစ္စရပ် များ အတွက် သဘော ကွဲလွဲ မှုများ ဖြစ်ပေါ်နေပြီး
ဝ ပြည်အား ထိုးစစ်ဆင်မည့် သဘောထားရှိသူ များ ဘက်မှ အားသာ နေကြောင်းသိရ
သည်။

နေပြည်တော် တွင် ဂျူနီယာ စစ်ဗိုလ်ချုပ်များ အား စစ်ခေါင်းဆောင် များ ၏ လုံခြုံရေး အဖွဲ့ 
များက စောင့်ကြည့် မှုများရှိနေပြီး အချို့ စစ်ဗိုလ်ချုပ်များ ၏ သွားလာမှု များကို ထိန်းချုပ်ကန့် သတ်ထားသည် ။
ဗိုလ်ချုပ် မှုးကြီး သန်းရွှေ သီရိလင်္ကာ နိုင်ငံ သို့ သွားရောက် လည် ပတ်စဉ် ရက်များ တွင် စစ်ဗိုလ် ချုပ် နှစ်ဒါဇင် ကျော်ခန့်  အထူးစီမံ ထားသော တရားစခန်း တွင် ၀င်ရောက်နေထိုက် ရမည် ဖြစ်ပြီး ထိုတရားစခန်း၏ အပြင်ဘက် တွင် ကွန်မန်ဒိုများက စောင့်ကြပ်ကာ အပြင်ထွက်ခွင့် နှင့် မိသားစု နှင့် တွေ့ ဆုံခွင့် များမရှိဟု သိရသည်။

လာမည့် ရက် အနည်းငယ် အတွင်း အရေးပါသည့် ရာထူးနေရာ အပြောင်းအလဲ များဖြစ်ပေါ်မည် ဟု လည်းသိရသည်။

သံချပ်ကာ ယန္တယားတပ်မှ အရာရှိ တစ်ဦးက အရေးပါသည့် စစ်လက်နက် ပစ္စည်းများအား
နေရာ ရွှေ့ ပြောင်းထားရှိ သည် ဟု ပြောသည်။နေပြည်တော် ရှိ အရပ်ဘက် အစိုးရ အရာရှိ
တစ်ဦးက မူ နေပြည်တော် ၏ သက်တမ်းလေး နှစ် အတွင်း ပထမဆုံး အကြိမ် မတည် မငြိမ် ဖြစ်မှု ဟု ပြောကြားကာ အခြေအနေ အပြောင်းအလဲ တစ်ခု ဖြစ်ပွား နိုင်ကြောင်း
သုံးသပ်ပြောကြားသည်။
Freedom News Group မှတဆင့်

မြန်မာစစ်ခေါင်းဆောင် ဗိုလ်ချုပ်မှုးကြီးသန်းရွှေမှာ နေပြည်တော်ရှိ ၎င်း၏လုံခြုံရေးတင်းကျပ်စွာချထားသော အိမ်မှာပင် ၂၉ ရက်နေ့ ည ကတည်းက အရေးပေါ်ဆေးဝါးကုသမှု ခံယူနေရ ကြောင်း သတင်းရရှိသည်။
ကိုယ်တစ်ခြမ်းသေ အာရုဏ်ကြောများရပ်ဆိုင်းသည့် ဝေဒနာ ကဲ့သို့ ရောဂါတစ်
မျိုး ဗုဒ္ဓဟူနေ့ ညကတည်းက စတင်ဖြစ်ပွားခဲ့သောကြောင့် ရန်ကုန် မြို့ ရှိစစ်ဆေးရုံမှ
ဆရာဝန်များ နှင့် စင်္ကာပူ နိုင်ငံမှ သမားတော် တစ်ဦးအရေးပေါ်လာရောက်ကုသခံရ
သည် ဟု သတင်းရရှိသည်။
ရန်ကုန် နှင့် နေပြည်တော် တွင် လုံခြုံရေးများ တင်းကျပ်စွာချထားပြီး ဗိုလ်ချုပ်မှုးကြီး
သန်းရွှေ ၏ ကျန်းမာရေး အတွက် ရန်ကုန် စစ်ဆေးရုံ မှ ဆရာဝန်များက အချိန်ပြည့်စောင့်
ရှောက်ပေးရသည် ။
အသက် ၇၆ နှစ်အရွယ်ရှိပြီ ဖြစ်သော ဗိုလ်ချုပ်မှုးကြီးသန်းရွှေသည် အောက်တိုဘာလ ၂၆
ရက် (တနင်္လာ)နေ့ မနက် က ထိုင်းနိုင်ငံ ဟွာဟင်းတွင် ကျင်းပသည့် ၁၅ ကြိမ်မြောက်အာ
ဆီယံ ထိပ်သီးအစည်း အဝေးကို တက်ရောက်ပြီး ပြန်လာသည့် ၀န်ကြီးချုပ် ဗိုလ်ချုပ်ကြီး
သိန်းစိန်အား နေပြည်တော် လေဆိပ် တွင် သွားရောက် ကြိုဆိုပြီး နောက်တစ်နေ့ တွင်
လေဖြတ်ရောဂါ ဖြစ်ပွားခြင်းဖြစ်သည်။
ဗိုလ်ချုပ်မှုးကြီး သန်းရွှေ အရေးပေါ်ဆေးဝါးကုသခံရခြင်း နှင့် ပတ်သက် ၍ သတင်းမျိုးစုံထွက်ပေါ်နေသော်လည်း အတည် မပြုနိုင်သေးသည့် သတင်းတစ်ရပ် အရ
၎င်း ၏ မြေးဖြစ်သူ နေရွှေသွေးအောင်မှာ အောက်တိုဘာလ ၂၇ ရက်နေ့ မနက်က ရန်ကုန်
လေဆိပ် အနီးရှိ ရမဒါ ဟိုတယ် အနီးတွင် ဓားထိုးခံရသည် ဟု သိရသည်။
စိုးရိမ်ဖွယ်ရာ ရှိသော ဗိုလ်ချုပ်မှုးကြီး သန်းရွှေ၏ ကျန်းမာရေး နှင့် ပတ်သက်၍ ရန်ကုန်အ
ခြေစိုက် စာနယ်ဇင်းဆရာ တစ်ဦးက အမေရိကန်က လက်ထောက် နိုင်ငံခြားရေးဝန်ကြီး
ကတ် ကမ်ဘယ်လ် လာဖို့ ရှိတယ်လေ မတွေ့ မကောင်း တွေ့ မကောင်း လို့  တမင်နေ မကောင်းချင်ယောင် ဆောင်တာ လားမသိဘူး “ဟု သုံးသပ်ပြောကြးသည်။
ဗိုလ်ချုပ်မှုးကြီး သန်းရွှေသည် ၂၀၀၆ ခုနှစ်က စင်္ကာပူ နိုင်ငံရှိဆေးရုံတစ်ခုတွင် သွားရောက်ဆေးကုသမှုခံယူခဲ့ရသည်။
Freedom News Group မှတဆင့်

မြန်မာနိုင်ဖွား အမေရိကန်နိုင်ငံသား ကိုညီညီအောင် (ခေါ်) ကိုကျော်ဇောလွင်၏ အမှုကို အင်းစိန်ထောင်တွင်းရှိ မင်္ဂလာဒုံမြို့နယ် တရားရုံးက ယနေ့ ရုံးချိန်းတွင် တောင်ပိုင်းခရိုင် တရားရုံးသို့ ပြောင်းရွှေ့စစ်ဆေးသွားမည့်အကြောင်း ပြောဆိုလိုက်သည်။

အသက် ၄ဝ နှစ်အရွယ် ကိုညီညီအောင်ကို လိမ်လည်မှု၊ မှတ်ပုံတင်အတု ကိုင်ဆောင်မှုဖြင့် တရားစွဲဆိုခဲ့ကာ၊၊ နှစ်ကြိမ်တိုင် ရုံးထုတ်ပြီးနောက် ယနေ့သို့ ထပ်မံချိန်းဆိုခဲ့ရာ တရားရုံးက လာမည့်လ ၁၆ ရက်နေ့တွင် ရန်ကုန်တိုင်း တောင်ပိုင်းခရိုင်သို့ ပြောင်းရွှေ့စစ်ဆေးမည်ဟု ဆုံးဖြတ်ခဲ့ခြင်း ဖြစ်သည်။

“ဘယ်လိုမျိုးကြောင့် ဆိုတာကိုတော့ အကြောင်းမပြဘူး။ ရွှေ့လိုက်တယ်လို့ ပြောပေမယ့် ထိုင်တာက ဒီမှာပဲ၊ အင်းစိန်မှာပဲ ထိုင်မယ်။ တရားသူကြီး ပြောင်းသွားတဲ့ သဘော ရှိတယ်။ မြို့နယ်တရားသူကြီး စစ်တဲ့ အမှုကို ခရိုင်တရားသူကြီး စစ်တဲ့အဆင့် ဖြစ်သွားတာပဲ။ သူတို့မှာ လုပ်ပိုင်ခွင့် ရှိတာကိုး။ စောစောက စဉ်းစားပြီး မလုပ်တာက အလကား သက်သက် အချိန်ကုန်တဲ့ သဘော ဖြစ်တယ်” ဟု ကိုညီညီအောင်၏ ရှေ့နေတဦးဖြစ်သူ  ဦးကြည်ဝင်းက မဇ္ဈိမကို ပြောသည်။

သူက ဆက်ပြီး “အမှုနဲ့ပတ်သက်လို့ ကြီးလေးတယ်လို့ ပြောရင်လည်း ပြောလို့ရသလို၊ ဒါပေမဲ့ အမှုရဲ့ ပုဒ်မတွေက မပြောင်းပါဘူး။ ပြစ်ဒဏ်ကလည်း ဘာမှပြောင်းစရာ မရှိဘူး။ မြို့နယ်အဆင့်က ဒီလောက်အမှုကတော့ အမိန့်ချနိုင်တာပဲ။ တိုင်းကလည်း ချနိုင်တာပဲ” ဟု ပြောသည်။

ကိုညီညီအောင် အမှုအတွက် လိုက်ပါဆောင်ရွက်နေသည့် နောက်ထပ် ရှေ့နေတဦးဖြစ်သူ ဦးဥာဏ်ဝင်းက “တရားရုံး လုပ်ထုံးလုပ်နည်းအရ တခြားတရုံးကို ပြောင်းသွားရင် အပြောင်းခံရတဲ့ တရားရုံး တရားသူကြီးက အမှုကို အစကနေ ပြန်လည်စစ်ဆေးခွင့် ရှိတယ်။ အခု တရားရုံးက အစကနေ ပြန်စစ်မယ်” ဟု ပြောသည်။

တောင်ပိုင်းခရိုင် တရားရုံးများသည် ကျောက်တံတား၊ သံလျင်၊ တွံတေး အပါအဝင် ရန်ကုန်တိုင်းအတွင်းရှိ မြို့နယ် ၇ မြို့နယ်တွင် တည်ရှိသည်။

ကိုညီညီအောင်သည် မိသားစုဝင်များနှင့် ယခုထိ တွေ့ဆုံခွင့် မရသေးသဖြင့် တွေ့ခွင့်ရရှိရန် ရှေ့နေများက ကြိုးပမ်းနေဆဲ ဖြစ်သည်။ သူ၏ ကျန်းမာရေး အခြေအနေမှာမူ ကောင်းမွန်နေသည်။

ပြီးခဲ့သည့် စက်တင်ဘာလ ၃ ရက်နေ့တွင် ကိုညီညီအောင်သည် ဘန်ကောက်မြို့မှတဆင့် လေကြောင်းဖြင့် မြန်မာပြည်သို့ ဝင်ရောက်လာစဉ် ရန်ကုန် နိုင်ငံတကာ လေဆိပ်တွင် ထောက်လှမ်းရေးက ဖမ်းဆီးခဲ့သည်။ သူ့ကို စစ်ကြောရေးစခန်းသို့ ခေါ်ဆောင်စစ်ဆေးပြီးနောက် အင်းစိန်ထောင်သို့ ပြောင်းရွှေ့ချုပ်နှောင်ကာ လိမ်လည်မှု ပုဒ်မ – ၄၂ဝ၊ မှတ်ပုံတင်အတု ကိုင်ဆောင်မှု ပုဒ်မ – ၄၆၈ တို့ဖြင့် တရားစွဲဆိုခဲ့သည်။

ပြီးခဲ့သည့်လ ၁၉ ရက်နေ့နှင့် ယခုလ ၄ ရက်နေ့တွင် ကိုညီညီအောင်သည် အမေရိကန် သံရုံးအရာရှိများနှင့် အင်းစိန်ထောင်အတွင်း တွေ့ဆုံခွင့်ရခဲ့သည်။ အမှုတွင် လိုက်ပါဆောင်ရွက်ပေးရန် အမေရိကန်သံရုံးက ရှေ့နေ ဦးကြည်ဝင်းနှင့် ဦးဥာဏ်ဝင်းကို မေတ္တာရပ်ခံခဲ့ရာ ကိုညီညီအောင်၏ ကိုယ်စားလှယ်လွှဲစာကို ယခုလ ၆ ရက်နေ့တွင် ရရှိခဲ့ကြသည်။

မင်္ဂလာဒုံမြို့နယ် တရားသူကြီး ဦးသန်းလွင်က အင်းစိန်ထောင်တွင်း၌ ရုံးထိုင်၍ တရားလို သက်သေပေါင်း ၁၆ ဦး ရှိသည့်အနက် သက်သေအချို့ကို ယခုလ ၁၄ ရက်နေ့နှင့် ၂၃ ရက်နေ့များတွင် စစ်ဆေးခဲ့သည်။

သူသည် မြန်မာနိုင်ငံသို့ ၈ ကြိမ် ဝင်ရောက်ခဲ့ပြီး “ပြည်တွင်း၌ ဆူပူမှုများ အချိန်ကိုက် ဆောင်ရွက်နိုင်ရန်” နှင့် “အစိုးရ ဆန့်ကျင်ရေး လှုပ်ရှားမှုများ လုပ်ဆောင်ရန်အတွက် ပြည်ပရှိ အစိုးရ ဆန့်ကျင်ရေး လှုပ်ရှားသူများနှင့် ချိတ်ဆက်ပေးပြီး သတင်းဖလှယ်ခြင်း၊ ငွေကြေးထောက်ပံ့ပေးခြင်း၊ အမာခံမွေးမြူခြင်း” တို့ ဆောင်ရွက်ခဲ့ကြောင်း စက်တင်ဘာ ၂၄ ရက်နေ့ထုတ် စစ်အစိုးရအာဘော် သတင်းစာများတွင် စွပ်စွဲဖော်ပြခဲ့သည်။

ကိုညီညီအောင်သည် မြန်မာ့ဒီမိုကရေစီရေးတွက် တက်ကြွစွာ လှုပ်ရှားခဲ့သည့် ကျောင်းသားတဦးဖြစ်ပြီး၊ ၁၉၈၈ ခုနှစ် လူထုအုံကြွမှုကြီးကို စစ်တပ်က နှိမ်နင်းခဲ့ပြီးနောက် မြန်မာနိုင်ငံမှ ထိုင်းနိုင်ငံသို့ ထွက်ခွာလာခဲ့သည်။ နောက်ပိုင်းတွင် အမေရိကန် ပြည်ထောင်စုသို့ ပြောင်းရွှေ့နေထိုင်ခဲ့ပြီး အမေရိကန် နိုင်ငံသားအဖြစ် ခံယူခဲ့သည်။

မိခင် ဒေါ်စန်းစန်းတင်ကို နိုင်ငံရေးသမားများနှင့် ဒီမိုကရေစီအရေး တက်ကြွလှုပ်ရှားသူများကို ကူညီသည်ဟုဆိုကာ မန္တလေးတိုင်း မိတ္ထီလာထောင်တွင် ထောင်ဒဏ် ၅ နှစ် အကျဉ်းကျခံနေရသည်။

ညီမဝမ်းကွဲဖြစ်သူ ၈၈ မျိုးဆက်ကျောင်းသူ မသက်သက်အောင်သည်လည်း ၂ဝဝ၇ ခုနှစ် စက်တင်ဘာလအတွင်းက သံဃာဆန္ဒဖော်ထုတ်ပွဲ၌ ပါဝင်ခဲ့ပြီးနောက် မတရားအသင်း ဖွဲ့စည်းမှု၊ အီလက်ထရောနစ် ပုဒ်မတို့ဖြင့် ထောင်ဒဏ် ၆၅ နှစ် ပြစ်ဒဏ် ချမှတ်ခံရပြီး မြင်းခြံထောင်တွင် အကျဉ်းကျနေသည်။ ထို့အပြင် သူမ၏ ခင်ပွန်းသည် ကိုချစ်ကိုလင်းက ပခုက္ကူထောင်တွင် ၇ နှစ်၊  ဝမ်းကွဲညီမ တော်စပ်သူ မနိုးနိုးသည် ဧရာဝတီတိုင်း မအူပင်ထောင်တွင် ၇ နှစ် ပြစ်ဒဏ်ကျခံနေကြရသည်။
မဇ္ဈိမမှတဆင့်